Isajos 40:2 - Библия - Пэ Балтитко Романи чиб (Романэс) 2019

² Ракирэ́н кэ Ерусалимоскиро ило́, пхэнэ́н лэ́скэ, со пирияця́ лэ́скиро марибэ́н, со на отдэлапэ палэ лэ́скэ пал грэ́хо, пал-дова́ со ёв прилыя́ Ра́скирэ-Дэвлэ́скирэ вастэ́стыр пал сарэ́ грэ́хи дрэ дуй мо́лы буты́р, сыр трэиндя́.

Biblija - Pe Baltitko Romani čib (Romanes) 2019

² Rakirén ke Jerusalimoskiro iló, phenén léske, so pirijaciá léskiro maribén, so na otdelape pale léske pal grého, pal-dová so jov prilyjá Ráskire-Devléskire vastéstyr pal saré gréhi dre duj móly butýr, syr treindiá.

Isajos 40:2 Iomraidhean Croise

Заха́рия 9:12

Рисён кэ тва́рдыма (диз) тумэ́, стардэ мануша́лэ, савэ́ндэ исын ишчо (инкэ́) наде́я! Дова́, пал со акана́ ракира́ва, Мэ отплэскирава ту́кэ (дуй мо́лы).

Isajos 61:7

Пал дова́, со тумэн ладжакирэнас, тумэ́ прилэ́на дрэ дуй мо́лы буты́р паты́в; пал-дова́, со кошэнас тумэн, тумэ́ явэ́на тэ радынэ́нпэ, со дасави́ исын лэ́нгири во́ля, пал-дова́ со дуй мо́лы тумэ́ дорэсэ́на (долэна) пэ пэ́скири пхув буты́р; ве́чно ра́дыма (лош) явэ́ла лэ́ндэ.

Osija 2:14

“Палдава́ Мэ затырдава (уракирава) ла и яна́ва ла пэ чхучи́ пхув, и Мэ ява́ва тэ ракира́в илыткэс ла́са.

Sykadyipén 18:6

Кэрэ́н палэ ла́кэ адя́кэ, сыр ёй создыя́ тумэ́нгэ. Отдэ́н палэ ла́кэ дрэ дуй мо́лы буты́р пир ла́кири буты́. Змешынэн ла́кэ дуй мо́лы матэдыр мол дрэ ла́киро тахта́й;

Ереме́ё 16:18

Нэ анги́л Мэ отплэскирава пал лэ́нгиро чорипэ́н и лэ́нгиро грэ́хо дуй мо́лы, пал-дова́ со ёнэ магирдэ́ Мири́ пхув трупэнца джунгалэ́ (брыдконэ) идолэндыр, савэ́нца ёнэ пхэрдякирдэ Миро миштыпэ́н.”

Isajos 44:22

Мэ скхосава (злава) тыро́ чорипэ́н сыр мигла (тумано), тырэ́ грэ́хи сыр о́блоко, обрисёв кэ Мэ, пал-дова́ со Мэ выкиндём тут.

Isajos 43:25

Мэ, Мэ Кокоро́, отмэка́ва тырэ́ грэ́хи ваш Пэ́скэ Кокорэскэ, Мэ на пририпирава грэ́хи тырэ́ буты́р.

Avakumo 2:3

Пал-дова́ со дава́ дыкхибэ́н сыкавэ́ла пэ часо (цы́ро), саво́ ишчо (инкэ́) явэ́ла, нэ ёв явэ́ла тэ ракирэ́л пал ко́нцо (яго́ро), и ёв на явэ́ла тэ хохавэ́л. На дыкхи́ пэ дава́, со ёв зарикирэлапэ, ужакир лэс. Пал-дова́ со ёв явэ́ла, соб (кай) тэ на явэ́л, ёв на зарикирэлапэ (на отпарувэлапэ).

Ереме́ё 29:11

И Мэ Кокоро́ джино́м (джина́в) Мирэ́ планы ваш тумэ́нгэ’ – ракирэ́ла Рай Дэвэ́л’, – планы, соб (кай) тэ явэ́л рама́нё (миро), а на чорипэ́н, соб (кай) тумэ́ндэ тэ явэ́л лачхо́ ужакирибэ́н (наде́я) пэ дывэса́, со ишчо (инкэ́) явэ́на.

Isajos 35:4

Пхэнэ́н одолэ́нгэ, кон дарэ́ла илэ́са: “Явэ́н зоралэ́, на дарэ́н! Акэ, исын тумаро́ Дэвэ́л, Ёв отхала (отдэ́ла) палэ, Дэвэ́л спхучэла. Ёв явэ́ла и зракхэ́ла тумэн.”

Apostolengiri Butý 1:7

И Ёв отпхэндя́ лэ́нгэ: “На тумаро́ рэ́ндо (де́ло) тэ джинэ́н часо ци дывэса́, савэ́ Дад выкэдыя́ Лэскирэ правоса;

Дание́лё 11:35

Латхэнапэ доша вари-савэ́ и годьварэндэ, соб (кай) тэ спробинэн лэн тэ жужакирэн и тэ парнякирэн кэ дывеса дро ко́нцо (яго́ро); пал-дова́ со ишчо (инкэ́) исын часо кэ упхэндло́ сроко.

Isajos 12:1

И пхэнэ́са дрэ дова́ дывэ́с: “Барьякирава мэ Тут, Раё Дэ́вла; Ту холясоса пэ ма́ндэ, нэ пирияця́ Тыри́ холы́, Ту потангиндян ман.

Galatenge 4:4

а ке́ли явдя́ часо, саво́ Дэвэ́л выкэдыя́, Ёв бичхадя́ Пэ́скирэ Екхэ Чхавэ́с, Савэс джувлы́ бияндя́ и Саво́ дживдя́ тэл Юды́тко Зако́но,

Isajos 49:25

Адя́кэ ракирэ́ла Рай-Дэвэ́л: “И отлэна пленнонэ манушэ́н, конэ́с лыя́ дро пле́но зорало́ халадо; отлэна дорэсыбэ́н тираностыр (зобаростыр) и зракхэна лэн, пал-дова́ со Мэ ла́ва тэ маравпэ, тырэ́ вэргэнца, и Мэ зракха́ва тырэ́ чхавэ́н.

Isajos 33:24

И нико́н манушэ́ндыр, савэ́ одо́й дживэ́на, на пхэнэ́ла: “Мэ сом насвало́”, – манушэ́нгэ, савэ́ одо́й дживэ́на, отмэкэнапэ сарэ́ грэ́хи.

Psalmy 32:1

Давидо́скиро Пса́лмо. Сыклякирибэ́н. Бахтало́ исын кодова́ ману́ш, савэскиро чорипэ́н исын примангло, конэ́скиро грэ́хо исын отмэкно.

Заха́рия 1:15

и барэ́ холынаса холямо́ сом Мэ пэ манушэ́ндэ, савэ́ сыс джидэ́ исын дро спокойныма: пал-дова́ со сыр Мэ со́мас на́бут холямо́, ёнэ кэрдэ́ буты́р.

Дание́лё 12:9

И отпхэндя́ ёв: “Джа́, Даниеле; пал-дова́ со исын закэрдэ и запечатымэ далэ́ лава́ кэ палатуно́ часо.

Дание́лё 12:4

Нэ ту, Даниеле, гарав далэ́ лава́ и запечатын лылвари́ кэ палатуно́ (последнё) часо; бут мануша́ прогинэна ла, и явэ́ла тэ барьёл джиныбэ́н.”

Дание́лё 9:12

И Ту пхэрдякирдян Пэ́скирэ лава́, савэ́ Ту ракирдян пэ амэ́ндэ, и пэ амарэ́ сэндарьендэ, савэ́ сэндякирэнас амэн, бичхави пэ амэ́ндэ бари би́да, сави́ на сыс тэл болыбэ́н, и сави́ кэрдя́пэ пэ Ерусалимо.

Дание́лё 9:2

пэ пэ́рво бэрш лэ́скирэ кралипнаскиро, мэ-да, Дание́лё, ґалыём лылварьендыр чысло (гин) бэршуно, пал саво́ сыс лав Ра́скиро-Дэвлэ́скиро кэ проро́ко Ереме́ё, со пал эфтадэша́ бэрш Ерусалимо явэ́ла чхучо́ (пусто).

Ереме́ё 17:18

Мэк тэ явэ́н ладжакирдэ́ кодолэ́, савэ́ традэ́на ман, мэк ёнэ тэ замэрэн дара́тыр, нэ на домэк, соб (кай) мэ тэ явав ладжакирдо́. Нэ на домэк, соб (кай) ма́нгэ тэ замэрав дара́тыр. Ян пэ лэ́ндэ бибахтало́ дывэ́с. Пхагир лэн кэ хасибэ́н дуй мо́лы.”

2 Паралипоменоно 30:22

И ракирдя́ Езэки́я пир ило́ сарэ́нгэ Левитэ́нгэ, савэ́ миштэ́с галёнас дро дынарибэ́н (служыныбэн) Ра́скэ-Дэвлэ́скэ. И ханэ́ свэнкитка эфта́ дывэса́, и янэ́нас мирна свэ́нта дыибэна́ Ра́скэ-Дэвлэ́скэ и шардэ Рас-Дэвлэ́с, Дэвлэ́с пэ́скирэ дадэнгирэс.

Džiibén 34:3

И прияця лэ́скиро ило́ кэ Дина, Яковоскири чхай, и ёв камдя́ чха, и ракирдя́ пир ило́ чхакэ.

Isajos 6:7

Ёв чиладя́ мирэ́ ушта́ и пхэндя́: “Акэ, дава́ чиладя́ тырэ́ ушта́, на́лачхо рэ́ндо тыро́ исын лыно́ криг ту́тыр, и грэ́хо тыро́ исын жужакирдо.”

Isajos 14:3

Явэ́ла адя́кэ дро дова́ дывэ́с: ко́ли Рай Дэвэ́л залэла ту́тыр тыри́ дукх, тыри́ дар, тыро́ пхарипэ́н, дрэ саво́ ту са́нас,

Isajos 53:5

Нэ Ёв страдынэлас пал амарэ́ грэ́хи, пал амаро́ чорипэ́н Лэс мэнчинэнас; ка́ра, сави́ яндя́ свэ́то пэ амэ́ндэ, сыс пэ Лэ́стэ, Лэ́скирэ франсостыр (дукхатыр) амэ яця́м састэ.

Isajos 53:6

Сарэ́ амэ, сыр бакря́ псирасас, гиям кажно пэ́скирэ дромэ́са, и Рай Дэвэ́л чхудя́ пэ Лэ́стэ грэ́хи, савэ́ сарэ́ амэ кэрдя́м.

Isajos 54:15

Акэ, явэ́на тэ ґаздэ́нпэ пэ ту́тэ, нэ дава́ нанэ Ма́ндыр; кон ґаздэ́лапэ пэ ту́тэ, одова́ пэрэ́ла (хасёла).

Isajos 54:17

Кон бы на ґаздэласпэ пэ ту́тэ вари-со́са, ничи́ ту́са на кэрэ́лапэ; со б на ракирэ́нас пал ту́тэ пэ сэ́ндо, ёнэ явэ́на бангэ́, а на ту. Дава́ исын да́ро сыр мэкно́ миштыпэ́н, со прилэ́на Ра́скирэ-Дэвлэ́скирэ писха́рья, ёнэ явэ́на отмэкнэ и дава́ исын Ма́ндыр,” – ракирэ́ла Рай Дэвэ́л.

Isajos 55:7

Мэк грэхи́тко ману́ш тэ мэкэл пэ́скиро дром и пэ́скирэ налачхэ́ ду́мы, мэк тэ явэ́л ёв кэ Рай Дэвэ́л, и Дэвэ́л отмэкэ́ла лэ́скиро грэ́хо; мэк ёв тэ явэ́л кэ Дэвэ́л амаро́, Савэ́скэ сарэ́ исын дро́га.

Isajos 66:13

Сыр дай подрикирэ́ла дрэ биба́хт, адя́кэ Мэ тумэн подрикирава; тумэ́ бахталэ́ явэ́на дро Ерусалимо.”

Ереме́ё 51:10

О Рай Дэвэ́л сыкадя́ амаро́ чачипэ́н: явэ́н и подаса зан/даса тэ джинэ́н пэ Сио́но пал Ра́скирэ-Дэвлэ́скири буты́, амарэ́ Дэвлэ́скири.

Roiben 4:22

О, Сионо́скири Чхай, пхаро́ сэндякирибэн кончындяпэ: Рай Дэвэ́л на явэ́ла тэ лыджа́л тут криг дро пле́но. Нэ Ёв сэндякирэ́ла тут пал Тыро́ чорипэ́н, Эдомоскири Чхай. Ёв отчхакирэла тырэ́ грэ́хи.

Езэкилё 16:42

Адя́кэ Мэ пириячава тэ холясовав древа́н пэ ту́тэ, и отджала ту́тыр Миро зэвлыныпэ́н, и Мэ пириячава тэ холясовав.

Заха́рия 1:13

Тэ́ньци, отпхэны Янголоскэ, саво́ ракирдя́ ма́нца, выпхэндя Рай Дэвэ́л лава́ бахталэ́, лава́ илы́тка.

Vygiiben 22:3

нэ ко́ли ґаздыя́пэ кхам пэ лэ́стэ, тэды лэ́скиро рат явэ́ла пэ лэ́стэ. Чор исын банго́ тэ заплэскирэл; а ко́ли нанэ со́са, тэды мэк лэс тэ бикнэн ваш выплэскирибэн лэ́са пал чордо миштыпэ́н;

Psalmy 85:3

Ту примангдян саро́ чорипэ́н Тырэ́ манушэ́нгэ, Ту отмэкцян сарэ́ лэ́нгирэ грэ́хи. Сэ́ла.

Ekliesiastos 3:4

часо тэ тугинэн зоралэ́с, и часо тэ кхэлэн; часо тэ ровэ́н, и часо тэ санпэ;

Isajos 27:9

И далэ́са злэлапэ (выкхосэлапэ) грэ́хо Яково́скиро, злэлапэ грэ́хо лэ́стыр, ко́ли ёв розмарэла сарэ́ бара́ алтарёстыр (жэртвеникостыр) дрэ котэра́ звёскакирэ, на явэ́на тэрдэ́ дэмбитка вэладиня (рошчы) и и́долы кхамэскэ.

Isajos 51:17

Ушты́, ушты́, ґаздэпэ, Ерусалимо, ту, саво́ выпиян Ра́скирэ-Дэвлэ́скирэ вастэ́стыр тахта́й (чаша) холя́са, ту выпиян тахта́й пибнаса, саво́ матякирэла, выпиян лэс сарэ́са.

Osija 2:16

И явэ́ла адя́кэ пэ дро дова́ дывэ́с, – ракирэ́ла Рай Дэвэ́л, – ‘со ту явэ́са тэ кхарэс Ман: ‘Миро ром,’ и ту на явэ́са буты́р тэ кхарэс Ман ‘Ваали’,

Софония 3:15

О Рай Дэвэ́л лыя́ криг пхаро́ сэ́ндо пэ ту́тэ, Ёв традыя́ криг тырэ́ вэргос. Кра́ли Израилёскиро, о Рай Дэвэ́л исын машки́р тумэ́ндэ, тумэ́ буты́р на явэ́на тэ дыкхэ́н бари биба́хт.