Isajos 3:1 - Библия - Пэ Балтитко Романи чиб (Романэс) 2019

¹ Акэ, Рай Дэвэ́л, Рай Дэвэ́л болыбна́скирэ-янголэ́нгиро, залэла Ерусалимо́стыр и Юдэя́тыр кхия и дэсто́, подрикирибэ́н марэ́са и подрикирибэ́н пане́са.

Biblija - Pe Baltitko Romani čib (Romanes) 2019

¹ Ake, Raj Devél, Raj Devél bolybnáskire-jangoléngiro, zalela Jerusalimóstyr i Judejátyr khija i destó, podrikiribén marésa i podrikiribén paniésa.

Isajos 3:1 Iomraidhean Croise

4 Kralip 25:3

Пэ еня́то дывэ́с чхонэ́скиро яця́ барэды́р бокх дро фо́ро, и на сыс маро́ пхувья́кирэ манушэ́ндэ.

Psalmy 105:16

И Ёв выкхардя бокх пэ пхув, Ёв хасякирдя́ кажно раслина, со дэ́ла маро́.

Isajos 1:24

Палдава́ адя́кэ пхэнэ́ла Рай Дэвэ́л, болыбна́скирэ-янголэ́нгиро, Зорало́ Израилёскиро: “О, ґазда́ва Мэ Пэс пэ одолэ́ндэ, кон нанэ Ма́нца, Мэ сыкава́ва Мирэ́ вэргэ́нгэ!

Isajos 2:22

Пириячэн тэ думинэн, со подрикирла тумэн ману́ш, конэ́стэ ду́хо (фа́но) исын дрэ лэ́стэ кокорэстэ, со кэрэ́ла адава́ ману́ш?

Isajos 3:16

И пхэндя́ Рай Дэвэ́л: “Пал-дова́ со чхая́ Сионоскирэ исын пхутькирдэ́, газдэна вучэ́с пэ́скиро шэро́, кхарэ́на кэ пэ якхэ́нца, башавэна лэ́нгэ ґэрэнгирэ укэдэибэнца.

Isajos 36:12

И пхэндя́ Рабсако: “Ци ман бичхадэ́ екх/ фэ́ни (то́ка) кэ ту и кэ тыро́ рай, соб (кай) тэ пхэна́в далэ́ лава́? Над, мэ сом бичхадо́ и кэ мануша́, савэ́ исын бэштэ́ пэ ва́нта, соб (кай) ёнэ тэ прилэ́н ладжаипэ́н и магирипэ́н кхэтанэ́ тумэ́нца.”

Isajos 5:13

Пал саро́ дава́ джа́ла миро народо дро пле́но, ко́ли нико́н лэ́стыр дава́ на ужакирэлас; лэ́скирэ раё явэ́на бокхалэ́, лэ́скирэ барвалэ́ закамэна тэ пьен (явэ́на трушалэ).

Isajos 51:22

Адя́кэ ракирэ́ла тыро́ Рай Дэвэ́л, и Дэвэ́л тыро́, Саво́ отхала (отдэ́ла палэ) пал Пэ́скиро народо: “Акэ, Мэ ла́ва тырэ́ вастэ́стыр тахта́й (чаша) пибнаса, саво́ матькирэла; рошчына (дрожджы) Мирэ́ тахтастыр холя́са; Ту буты́р одотхы́р на пьеса.

Isajos 9:20

Явэ́на тэ чхинэн пир чачи́ риг – а бокхалэ́ ячэ́напэ, явэ́на тэ хан пир ле́во (зэ́рво) риг – на чалёна; кажно явэ́ла тэ хал кокоро́ пэс.

Ереме́ё 37:21

Тэ́ньци кра́ли Сэдэки́я припхэндя́, соб (кай) тэ чхувэ́н Еремеёс дрэ грэ́да, кай сыс стрэ́га, и ёнэ дэ́нас лэ́скэ котэ́р (куско) маро́ пэкибнаскирэ гасатыр (вулицатыр) аж кэ дова́, сыр маро́ дро фо́ро кончиндяпэ. И Ереме́ё яця́пэ дрэ грэ́да, кай сыс стрэ́га.

Ереме́ё 38:9

“Миро Раё кра́лё! Кадалэ́ мануша́ кэрдэ́ фуипэ́н дро саро́, со ёнэ кэрэ́нас, Еремеёскэ, пророкоскэ, савэ́с ёнэ чхурдынэ́ дро штарибнытко ґанби́н, и ёв мэрэ́ла пир дова́, со исын бокх пэ дова́ штэ́то, кай ёв исын: пал-дова́ со нанэ буты́р маро́ дро фо́ро.”

Ереме́ё 52:3

Дава́ сыс пал Ра́скирэ-Дэвлэ́скири холы́, со кэрдя́пэ дро Ерусалимо и Юдэ́я и Ёв рискирдя́ Пэ́стыр лэ́нгирэ манушэ́н. Тэ́ньци Сэдэки́я ґаздыя́пэ проти крали́стэ Вавилоно́стыр.

Ереме́ё 52:6

Дрэ шта́рто чхон пэ еня́то дывэ́с далэ́-чхонэ́скиро бари бокх ґаздыя́пэ, и на сыс маро́ манушэ́ндэ долэ́-пхувьякирэндэ.

Roiben 5:4

Амэ пьяса амаро́ пани́ пал ловэ́, амэ плэскираса ловэ́ пал амарэ́ кашта́ ловэ́.

Езэкилё 14:13

“Манушэ́скиро чхава! Ко́ли вари-сави́ пхув тэ кэрэ́л грэ́хи анги́л Ма́ндэ, и тэ явэ́л уса́ напатяибнытко кэ Мэ, то Мэ протырдыёмас пэ лэ́стэ Миро васт, Мэ залыём бы лэ́стыр саро́ маро́, саво́ дэ́ла джиибэ́н, Мэ бичхадём пэ лэ́стэ бокх и лыём тэ хасякира́в пэ лэ́стэ манушэ́н и кхэритконэ́ мурдалэ́н.

Левито 26:26

А маро́, саво́ дэ́ла зор манушэ́скэ, Мэ хасякира́ва тумэ́ндэ; дэш джувля́ явэ́на тэ пэкэн тумаро́ маро́ дро екх бов, и явэ́на тэ отдэ́н маро́ тумаро́, важыны лэс; тумэ́ явэ́на тэ хан, и на явэ́на чалэ.

Amoso 4:6

“И Мэ дыём адя́кэ-паць тумэ́нгэ нангэ данда́, би хабнаскиро дрэ сарэ́ тумарэ́ фо́рья, и на явэ́ла тэ ухтылэл маро́ пэ сарэ́ тумарэ́ штэ́ты, нэ тумэ́ на рисинэ́ кэ Мэ”, – ракирэ́ла Рай Дэвэ́л.

Mihiejo 4:9

Акана́ со́скэ ту дэ́са го́дла зоралэ́с? Нау́што нанэ кра́ли машки́р тумэ́ндэ? Ци со, хасия́ тыро́ юнкаро (годы́-дыибнаскиро)? Пал-дова́ со дукха́ ухтылдэ́ тут сы́рбы джувля́, савьякэ трэй тэ биянэ́л.