Isajos 26:3 - Библия - Пэ Балтитко Романи чиб (Романэс) 2019

³ Манушэ́с, зоралэ́ духо́са Ту ракхэса дрэ пхэрдо́ рама́нё (миро), пал-дова́ со пэ Ту́тэ исын лэ́скири наде́я,

Biblija - Pe Baltitko Romani čib (Romanes) 2019

³ Manušés, zoralé duhósa Tu rakhesa dre pherdó ramánjo (miro), pal-dová so pe Túte isyn léskiri nadiéia,

Isajos 26:3 Iomraidhean Croise

1 Паралипоменоно 5:20

И дыно́ сыс лэ́нгэ васт проти лэ́ндэ, и отдынэ́ сыс дрэ лэ́нгирэ васта́ Агаряни и саро́, со лэ́ндэ сыс. Пал-дова́ со ёнэ дрэ марибнаскиро часо (цы́ро) кхардэ́ зоралэ́с Дэвлэ́с, и Ёв шундя́ лэн, пал-дова́ со ёнэ патяндынэпэ дрэ Лэ́стэ.

2 Паралипоменоно 13:18

И ячнэ́ штыл тэды Израилёскирэ чхавэ́, и сыс зоралэ́ Юда́скирэ чхавэ́, пал-дова́ со ёнэ надеиндлэпэ пэ Растэ-Дэвлэ́стэ, пэ́скирэ дадэнги́рэ Дэвлэ́стэ.

2 Паралипоменоно 16:8

Ци на сыс Ефиопляни и Ливияни барэ́ зорья́са, и марибнытконэ́ вурдынэнца, и древа́н бутэ́ манушэ́нца уклистэ́ пэ грэ́ндэ? Нэ сыр ту чхудя́н наде́я пэ Растэ-Дэвлэ́стэ, то Ёв и отдыя́ лэн дрэ тырэ́ васта́,

Psalmy 119:165

Пхэрдо́ рама́нё (миро) исын кодолэндэ, савэ́нгэ исын дро́го Тыро́ Зако́но и ёнэ на обштавэнапэ пир бар.

Psalmy 125:1

Гилы́ анги́л Кхангири́. Кодолэ́, савэ́ патя́на зоралэ́с дрэ Растэ-Дэвлэ́стэ, исын сы́рбы бэ́рга Сио́но, Саво́ на джа́ла криг штэто́стыр, а ячэ́лапэ пэ сарэ́ ве́ки.

Psalmy 9:10

Ёв явэ́ла тэ зракхэ́л дро Пэ́скиро баро́ кхэр одолэ́н, конэ́с тасавэна, кай явэ́на тэ ґарадён дрэ пхарэ́ дывэса́.

Isajos 12:2

Акэ, Дэвэ́л исын Миро зракхибэ́н; допатяв Лэ́скэ и на дарав, пал-дова́, со Рай Дэвэ́л исын зор мири́, багаибэн миро – Рай Дэвэ́л; Ёв сыс Миро зракхибэ́н.”

Isajos 26:12

Раё Дэ́вла! Ту подэса амэ́нгэ рама́нё (миро), и сарэ́ амарэ́ рэ́нды Ту кэрэ́са ваш амэ́нгэ.

Isajos 27:5

Нэ ко́ли ёв/ёй помангэла Миро зракхибэ́н, и явэ́ла тэ мангэ́л рама́нё (миро) Ма́нца, мэк тэ́ньчи ёнэ тэ прилэ́н рама́нё (миро) Ма́нца.”

Isajos 31:1

Бида одолэ́нгэ, савэ́ джа́на дро Еги́пто пал подрикирибэ́н, наде́я лэ́нгири пэ грэ́ндэ и пэ марибны́тка вурдэна́, пал-дова́ со бут лэн исын, пэ манушэ́ндэ, савэ́ традэ́на уклистэ́ пэ грэ́ндэ, савэ́ исын зоралэ́, а пэ Свэ́нто Израилё ёнэ на дыкхэ́на, и кэ Рай Дэвэ́л ёнэ на джа́на!

Isajos 32:17

И явэ́ла рама́нё (миро) кажнонэ́ чачипнаскирэ рэндостыр, а чачуно́ сэ́ндо янэ́ла штылыпэн, и на явэ́на тэ дарэ́н никонэстыр дрэ сарэ́ дывэса́ (ве́ки).

Isajos 32:18

Тэ́ньци миро народо явэ́ла тэ дживэ́л пэ штэ́то, кай исын рама́нё (миро), пэ штэ́то, кай на дарэ́на, пэ бахталэ́ штэ́ты, кай откхинёна.

Isajos 42:19

Кон исын ишчо (инкэ́) адасаво́ короро́, сыр Миро писха́ри, исын адасаво́ исын кашуко, сыр одова́, конэ́с Мэ бичхадём? Кон исын адасаво́ короро́, сыр одова́, кон яця́ пир ило́ Ма́нгэ, сыр писха́ри Ра́скирэ-Дэвлэ́скиро?

Isajos 42:6

Мэ, Рай Дэвэ́л, прикхардём Тут пир чачипэ́н, Мэ ла́ва тэ рикирав Тут пал васт, Мэ ла́ва тэ ракхав Тут, и Мэ чхува́ва Тут сыр завето ваш манушэ́нгэ, соб (кай) тэ дыкхэ́н дуд (свэ́то) Наюды́тка мануша́ (язычники),

Isajos 48:2

Ёнэ пхэнэ́на, со ёнэ исын свэнтонэ́ форо́стыр, со Дэвэ́л Израилёскиро, Конэ́скиро лав исын Рай Дэвэ́л, болыбна́скирэ-янголэ́нгиро, подрикирэ́ла лэн.

Isajos 49:8

Адя́кэ ракирэ́ла Рай Дэвэ́л: “Дрэ лачхэ́ дывэса́ Мэ тут шундём; дро дывэ́с, ко́ли исын зракхибэ́н, Мэ подрикирдём Тут. Мэ ява́ва тэ ракхав Тут, кэра́ва Ту́тыр завето ваш манушэ́нгэ, соб (кай) пхув тэ отджидякирэс; соб (кай) тэ отлэс палэ росчордо мэкно́ миштыпэ́н, тэ рискирэс ла (пхув) прилыибнаскирэнгэ (наследникэнгэ);

Isajos 50:1

Адя́кэ ракирэ́ла Рай Дэвэ́л: “Кай исын лыл пал дова́, со тумари́ дай розгия́пэ ромэса, кай исын дава́ лыл, савэ́са Мэ отмэкцём ла? И конэ́скэ Мэ бикиндём тумэн? Акэ, бикиндлэ тумэн пал тумарэ́ грэ́хи, пал чорипэ́н тумаро́ сыс отмэкны тумари́ дай.

Isajos 50:10

Кон тумэндэр дарэ́ла Ра́стыр-Дэвлэ́стыр, кандэ́ла Лэ́скирэ-Писхарискири (Рабоскири) зан? Кон псирэ́ла дро калыпэ́н (мрако) би дудэскиро (би свэтоскиро), мэк ёв тэ рикирэлпэ Ра́скирэ-Дэвлэ́скирэ лавэ́са, мэк ёв тэ чхувэ́л пэ́скиро ило́ дрэ пэ́скирэ Дэвлэ́стэ.

Isajos 66:12

Адя́кэ ракирэ́ла Рай Дэвэ́л: “Акэ, Мэ да́ва лэ́скэ свэ́то, сыр рэка (лэнь); манушэ́нгиро барвалыпэ́н исын сыр рэка (лэнь), сави́ чхувэ́лапэ ваш тумари́ бахт; пэ васта́ тумэн лыджа́на, пэ чанга́ явэ́на тэ лашчынэн.

Ереме́ё 39:18

Пал-дова́ со Мэ чачэс зракха́ва тут, и ту на пэрэса куртала́тыр, нэ тыро́ джиибэ́н явэ́ла сыр дорэсыбэ́н (дыибэ́н) ту́кэ, пал-дова́ со ту рискирэса кэ Мэ пэ́скиро ило́ тэ зракхэспэ’”, – пхэндя́ Рай Дэвэ́л.

Дание́лё 3:17

Амаро́ Дэвэ́л, Савэ́скэ амэ дынарина́с, исын зорало́ и зракхэ́ла амэн бовэстыр, росхачкирдэ яга́са, и тырэ́ вастэ́стыр, о кра́лё, Ёв зракхэ́ла.

Дание́лё 3:28

Тэ́ньци Навуходоносо́ро пхэндя́: “Бахтякирдо́ тэ явэ́л о Дэвэ́л Шэдрахоскиро, и Мешахоскиро и Авед-Негоскиро, Саво́ бичхадя́ Янголо́с Пэ́скирэс, и зракхця́ писхарье́н Пэскирэн, савэ́ рикирдэ патяибэ́н дрэ Лэ́стэ и на кандэнас о припхэныбэ́н крали́скиро, и отдынэ́ лэ́нгирэ маса́ ягакэ, соб (кай) тэ на дынаринэ́н и тэ на бандякирэнпэ нисавэ дэвлэскэ, апри́ч лэ́нгирэ Дэвлэ́стэ!

Дание́лё 6:23

Тэ́ньци о кра́ли бут радындяпэ пал лэ́стэ и припхэндя́ тэ ґаздэ́н Даниелёс ровостыр; сыс ґаздыно́ Дание́лё ровостыр, нисави́ дош на сыс лэ́стэ, пал-дова́ со ёв патялас дро пэ́скирэ Дэвлэ́стэ.

Mihiejo 5:5

И кадава́ Ману́ш янэ́ла рама́нё (миро). Ке́ли о Асирия́кирэ халадэ́ явэ́на пэ дая́ пхув, и ке́ли ёнэ лэ́на тэ штавэн пир амарэ́ фэлатиня́, тэ́ньчи амэ чхуваса анги́л лэ́ндэ эфта́ чхупнарьен (пастырьен), и охто́ тхагарьен (князьен) манушэнгирэн.

Joannostir 14:27

Мэ ячкирава рама́нё (миро) тумэ́нгэ, Миро рама́нё Мэ да́ва тумэ́нгэ: нэ на адя́кэ, сыр свэ́то дэ́ла, Мэ да́ва тумэ́нгэ, и мэк тэ на страхадёл тумаро́ ило́, и тэ на дарэл.

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Римлянэнгэ 5:1

И пал-дова́ со амэн приґалынэ пал чачунэндэ пир патяибэ́н, амэ́ндэ исын рама́нё (миро) Дэвлэ́са пир амарэ́ Растэ-Дэвлэ́стэ, Исусо́стэ Христосо́стэ,

Filipiicenge 4:7

и Дэвлэ́скиро рама́нё (миро), саво́ исын вучэды́р кажнонэ́ амарэ́ джиныбнастыр, явэ́ла тэ ракхэ́л тумарэ́ илэ и годы́ дро екхипэ́н Исусо́са Христосо́са.