Isajos 17:2 - Библия - Пэ Балтитко Романи чиб (Романэс) 2019

² Ароэроскирэ фо́рья мэкэ́на мануша́, ёнэ явэ́на штэтоса ваш ґурты бакрэ́нгирэ, со явэ́на тэ пасён одо́й, и ние́кх на явэ́ла тэ трашавэл лэн.

Biblija - Pe Baltitko Romani čib (Romanes) 2019

² Aroeroskire fórja mekéna manušá, jone javéna štetosa vaš ĥurty bakréngire, so javéna te pasjon odój, i nijékh na javéla te trašavel len.

Isajos 17:2 Iomraidhean Croise

Ióvo 11:19

И явэ́са ту тэ пасёс, и ние́кх на явэ́ла тэ даракирэл тут, и бут мануша́ явэ́на тэ пхэнэ́н помия (плётки), соб (кай) тэ покэрэнпэ ту́кэ.

Isajos 27:10

Пал-дова́ со зорало́ фо́ро чхучо́ явэ́ла, кхэра́ явэ́на чхурдынэ́, сыр чхучи́ пхув. Одо́й гуруворо явэ́ла тэ чаравэлпэ, одо́й ёв явэ́ла тэ пасёл и тэ хал лэ́скирэ рандя́.

Isajos 5:17

Бакря́ явэ́на тэ чаравэнпэ кокорэ́ пир пэ́стэ, чу́жа мануша́ явэ́на тэ хан барвалэнгирэ фэлдатыр.

Isajos 7:21

И явэ́ла дро дова́ дывэ́с: конэ́стэ исын гурувны и дуй бакря́,

Isajos 7:22

одова́ явэ́ла тэ хал ксил, пал-дова́ со ёнэ дэ́на бут тхуд; ксил и авги́н явэ́на тэ хан сарэ́, кон яця́пэ пэ доя́ пхув.

Ереме́ё 48:19

Ту, сави́ дживэса кэ Арое́ро, тэрдёв пашы́л дром и дыкх цямкэс. Пхучпэ лэ́стыр, саво́ нашэла, и пхучпэ ла́тыр, сави́ ракхэлапэ, и пхэн: ‘Со кэрдя́пэ?’

Ереме́ё 7:33

Кадалэ́-манушэ́нгирэ тру́пы явэ́на сыр хабэ́н болыбнытконэ чирикленгэ и мурдалэ́нгэ пэ пхув. И ние́кх на явэ́ла тэ страхакирэл лэн криг (на явэ́ла конэ́скэ тэ оттрадэл лэн).

Езэкилё 25:5

Мэ кэра́ва адя́кэ, со дрэ Рава явэ́ла шта́ла ваш верблюдэнгэ, а Амоноскирэ чхавэ́ явэ́на тэ чаравэн бакрэ́н. И тэ́ньчи тумэ́ галёна, со Мэ сом Рай Дэвэ́л, Дэвэ́л.’

Езэкилё 39:26

И ґалёна ёнэ пэ́скиро биладжакирибэн, и сарэ́ пэ́скирэ напатяибэн, саво́ кэрэ́нас анги́л Ма́ндэ, ко́ли явэ́на тэ дживэ́н пэ пэскри пхув би дара́киро, нико́н на явэ́ла тэ страхакирэл лэн.

Mihiejo 4:4

Нэ кажно (сва́ко) ману́ш явэ́ла тэ бэшэ́л тэл винаграды́тко хру́сто и тэл лэ́скирэ-инжыритко кашт (дрэ́во), и нико́н на явэ́ла тэ трашавэл лэн, пал-дова́ со янголэ́нгирэ-болыбна́скиро Рай Дэвэ́л дыя́ лав пал дава́.

Софония 2:6

Морёскирэ брэгостыр ячэ́напэ чаритка пхувья́ будэ́нца (шалашэнца) ваш чхупнарьенгэ, и гражэнца (овчарникэнца) ваш бакрэ́нгирэ ґурты.

Čysly 32:34

И чхудэ́ Гадо́скирэ чхавэ́ Дивоно и Атарофо, и Ароэро,

Яви́р Зако́но 2:36

Ароиростыр, саво́ исын пэ брэ́го Арноноскиро, сыгнонэ рэкицакиро (лэнорьякиро), и форо́стыр, саво́ исын пэ лошчы́на [сы́гно рэ́кица (лэнори́) -ю.о.], аж кэ/жы́ко Галаа́до на сыс фо́ро, саво́ сыс бы ваш амэ́нгэ на пир зор: саро́ отдыя́ Рай Дэвэ́л, Дэвэ́л амаро́ дрэ амарэ́ васта́.

Яви́р Зако́но 3:12

Пхув дая́ амэ лыям дрэ дова́ часо, лыям Ароеростыр, саво́ исын пашы́л Арноноскири сы́гно рэ́кица (лэнори́); и пашы́л бэ́рга Галаадоскири ла́кирэ форьенца отдыём мэ Рувимо́скирэ и Гадо́скирэ родыцо́скэ;

Isúso 13:16

ригаса лэнгирьяса сыс Ароеро, саво́ исын пэ Арноноскирэ-рэкицакиро (лэнорьякиро) брэ́го, и фо́ро, саво́ исын машки́р рэ́кица (лэнори́), и сари́ лошчы́на пашы́л Медева,

Isúso 13:25

ригаса лэнгирьяса сыс Язеро (Иазеро) и сарэ́ Галаадо́скирэ фо́рья, и паш Амоноскирэ чхавэ́нгиро пэ пхув кэ Ароеро, со исын анги́л Рава,