Isajos 10:2 - Библия - Пэ Балтитко Романи чиб (Романэс) 2019

² Соб (кай) тэ залэн чорорэндыр чачуно́ сэ́ндо, соб (кай) тэ обчорэн подрикирибэ́н назоралэ манушэ́ндыр Мирэ́ народо́стыр, соб (кай) тэ залэн ваш пэ́скэ джувле́н, савэ́ исын биромэскирэ (пивлен), соб (кай) тэ обчорэн бидадэскирэ чхаворэ́н (пиротэн).

Biblija - Pe Baltitko Romani čib (Romanes) 2019

² Sob (kaj) te zalen čororendyr čačunó séndo, sob (kaj) te občoren podrikiribén nazorale manušéndyr Miré narodóstyr, sob (kaj) te zalen vaš péske džuvlién, savé isyn biromeskire (pivlien), sob (kaj) te občoren bidadeskire čhavorén (piroten).

Isajos 10:2 Iomraidhean Croise

Ióvo 31:16

Ко́ли мэ на давас дова́, со чорорэ́ камэнас, ци ко́ли мэ кэравас адя́кэ, со пивленгирэ (удовэнгирэ) якха́ обчхувэнаспэ ясвэ́нца;

Psalmy 94:6

ёнэ замарэна пивлен (удовэн) и чужонэ́ манушэ́н и мулякирэна пиротэн (сиротэн).

Vygiiben 23:6

на сэндякир хоханэ́с тырэ́-чорорэскиро рэ́ндо пир чачипэ́н,

Pritčy 22:22

На чор чорорэстыр, пал-дова́ со ёв исын чороро́, на тасав одолэ́н, савэ́н притасавэ́на пашы́л по́рта:

Pritčy 30:14

Исын ро́до, дрэ саво́ манушэ́ндэ данда́ исын сыр курта́ла, и конэскирэ жанды исын сыр чхурья и скэдынэ́ тэ похан сарэ́са чорорэн пэ пхув и богэн машки́р манушэ́ндэ.

Isajos 1:17

Высыклён тэ кэрэ́н лачхипэ́н, родэ́н чачипэ́н, зракхэн чорорэс, уштэ́н (затэрдён) пал бидадэскирэстэ / пиротостэ (сиротастэ), подрикирэн пивля (удова).

Isajos 1:23

Тхага́рья (кня́зи) тырэ́ на кэрэ́на пир чачипэ́н, лэ́нгирэ дру́ги (мала́) исын чора. Сарэ́ ёнэ камэ́на мыто, праста́на пал ловэ́. Ёнэ на уштэна (затэрдёна) пал пиротэндэ (сиротэндэ) и пивлякиро (удовакиро) рэ́ндо на доджа́ла кэ ёнэ.

Isajos 29:21

Ци кон запэнтынэла манушэ́с дрэ лава́, ци ухтылэ́ла манушэ́с, саво́ мангэ́ла сэ́ндо пашы́л по́рта, кон на прилэ́ла чачунэ́ манушэ́с.

Isajos 3:14

Дэвэ́л сэндякирэлпэ пхурэдырэнца Пэ́скирэ народо́стыр, лэ́скирэ ранца: “Тумэ́ обчордэ винагра́днико; дрэ тумарэ́ кхэра́ ракхэлапэ дова́, со тумэ́ чордэ чорорэстыр.

Isajos 3:15

Со тумэ́ облэна Миро народо, тасавэна чорорэн?” – ракирэ́ла Рай Дэвэ́л, Рай Дэвэ́л болыбаскиро-янголэ́нгиро.

Isajos 32:6

Пал-дова́ со буро ману́ш (невежда), ракирэ́ла дылныпэ́н, лэ́скиро ило́ думинэ́ла пал чорипэ́н, соб (кай) тэ кэрэ́л хохаибнаса, тэ калякирэл Рас-Дэвлэ́с, тэ лэл маро́ бокхалэстыр и пибэ́н манушэ́стыр, саво́ камэ́ла пани́.

Isajos 5:23

Савэ пал ловэ́ отмэкэна одолэ́с, кон исын банго́, а манушэ́с, саво́ исын чачуно́, обчорэна.

Isajos 5:7

Ра́скирэ-Дэвлэ́скиро, болыбна́скиро-янголэ́нгиро винагра́днико исын кхэр Израилёскиро, а мурша́ Юдэя́тыр – дро́го Лэ́скиро барьякирдо́, саво́ Ёв барьякирдя. Ужакирэлас Ёв, со явэ́ла чачуно́ сэ́ндо, нэ акэ – рат чхувэ́лапэ, ужакирэлас чачипэ́н, нэ акэ – годлэна.

Isajos 59:15

Нанэ чачипэ́н; одолэ́с, кон ракхэлапэ чорипна́стыр, лэс ёнэ кошэна. Дыкхця́ дава́ Рай Дэвэ́л и намишто яця́ анги́л Лэ́скирэ якха́, со нанэ сэ́ндо.

Ереме́ё 7:6

ко́ли тумэ́ на явэ́на тэ притасавэн чужонэ́ манушэ́с, пиротос (сиротас) и пивля (удова), и тумэ́ на явэ́на тэ прочхувэн набанго рат пэ дава́ штэ́то, и тумэ́ на явэ́на тэ псирэ́н тэ отдэ́н паты́в явирэ дэвлорэ́нгэ пэ тумари́ дош (би́да);

Roiben 3:35

ко́ли рискирэна пэ риг чачипэ́н, со исын пал манушэ́стэ анги́л Най Вучэдырэскирэ Дэвлэ́стэ;

Езэкилё 22:7

Ту́тэ намишто ракирэ́на пал датэ и дадэ́стэ: кэрэ́на намиштэс манушэ́са, саво́ явдя́ явирэ пхувья́тыр; машки́р ту́тэ накуч кэрэ́на пиротоса (бидадэскирэ чхавэ́са), пивляса (биромэскирэ манушняса).

Amoso 2:6

Адя́кэ ракирэ́ла Рай Дэвэ́л: “Пал трин чорипэна, со кэрдэ́ мануша́ Израилёскирэ и пал штар чорипэна, Мэ на отмэка́ва пхаро́ сэ́ндо, пал-дова́ со ёнэ бикиндлэ чачипнаскирэн манушэ́н пал руп, и чорорэн пал пара цурули (цандали).

Amoso 2:7

Ёнэ древа́н тырдэнапэ кэ пра́хо пхувья́киро, тэ явэ́л пэ шэро́ чорорэскиро, и ёнэ пиририскирэна дром, савэ́са псирэ́на напхутькирдэ мануша́, а дад и чхаво́ псирэ́на кэ екх джувлы́, соб (кай) тэ магирэ́н свэ́нто Миро лав.

Amoso 5:19

Дава́ явэ́ла сы́рбы дова́, ко́ли ману́ш насця шчэрэстыр (левостыр), и рич пирилыя лэс, ци сы́рбы ману́ш, саво́ гия́ андрэ́ кхэр, причхудя пэ́скиро васт кэ ва́нта, и сап дандырдя лэс.

Mihiejo 3:1

И пхэндём мэ, (Михеё): “Шунэ́н акана́ тумэ́, шэралэ́ Яково́скирэ, и тумэ́, тхага́рья Израилёскирэ кхэрэ́стыр: ци да на тумэ́нгэ трэй тэ джинэ́н чачипэ́н?

Малахия 3:5

И Мэ ява́ва пашылэды́р кэ тумэ́ тэ сэндякирав пхарэ́с тумэн; Мэ ява́ва сыр сы́гно дудвало (обличытелё) проти джиныбнаскирэн пир чэргэня́ (чарадеен), проти биладжакунэскирэн (блэндарьен), проти одолэ́ндэ, кон хоханэ́с совлахала; проти одолэ́ндэ, кон хохавэла лавэ́нца бутярнэн, и проти одолэ́ндэ, кон притасавэла пивлен (удовэн), и пиротэн (сиротэн), и проти одолэ́ндэ, кон рисёла думэса кэ явирэ – тхэмэ́скирэ-манушэ́скиро право, – адя́кэ сыр ёнэ на дарэ́на Ма́ндыр”, – ракирэ́ла янголэ́нгирэ-болыбна́скиро Рай Дэвэ́л.

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.