Ioil 3:9 - Библия - Пэ Балтитко Романи чиб (Романэс) 2019

⁹ Тэ дэн дая́ зан (звесь) машки́р Наюдытконэ́ на́цыи: кэдэнпэ пэ марибэ́н. Джангавэн зоралыпнаскирэ муршэ́н адя́кэ, соб (кай) тэ явэ́н сарэ́ марибнаскирэ мурша́ пашылэды́р, мэк ёнэ тэ явэ́н.

Biblija - Pe Baltitko Romani čib (Romanes) 2019

⁹ Te den daja zan (zvies') maškír Najudytkoné nácyi: kedenpe pe maribén. Džangaven zoralypnaskire muršén adiáke, sob (kaj) te javén saré maribnaskire muršá pašyledýr, mek jone te javén.

Ioil 3:9 Iomraidhean Croise

Psalmy 96:10

Пхэнэ́н машки́р Наюды́тка на́цыи, со Рай Дэвэ́л кралинэла! Ёв адя́кэ-паць зоралэ́с зачхудя свэ́то, со на кхарэ́лапэ криг (на зджа́ла) штэто́стыр. Дэвэ́л явэ́ла тэ сэндякирэ́л манушэ́н пир чачипэ́н.

Isajos 34:1

Явэ́н, народы! Шунэ́н и прилэ́н, кхэри́тка ро́ды (пле́ми)! Мэк тэ шунэ́л пхув и саро́, со исын пэ ла́тэ, баро́ свэ́то (лот) и саро́, со бияндёла дрэ лэ́стэ!

Ереме́ё 31:10

Шунэ́н лав Ра́скирэ-Дэвлэ́скиро, о мануша́лэ нацые́ндыр, и пхэнэ́н дава́ зоралэ́с сарэ́нгэ пэ островы, со исын дур, и пхэнэ́н: “Ёв, Кон росчхудя́ тэ дживэ́л Израилё, скэдэ́ла лэс, и Ёв явэ́ла тэ ракхэ́л Пэ́скирэ манушэ́н, сыр чхупна́ри (пастырё) Пэ́скиро ґурто.

Ереме́ё 50:2

“Подэн зан (дэн тэ джинэ́н) машки́р на́цыи, и обзанякирэн (роспхэнэ́н) сарэ́нгэ, и ґаздэ́н сцяго (флаго); обзанякирэн, и на гаравэн дава́, – пхэнэ́н: ‘Вавило́но лыно́, Вило ладжакирдо́. Меродахо исын пхагирдо́ пэ котэра́, лэ́скирэ и́долы магирдэ́, лэ́нгирэ вычхудэ́ муя́ пхагирдэ́ пэ котэра́.

Ереме́ё 51:11

Войстринэн (дэн чол) марибны́тка бустя́ (стре́лы) тэ зяинэн, О Рай Дэвэ́л ґаздыя́ ду́хо (фа́но) Мидиякирэ кралье́нгэ. Пал-дова́ со Ёв придуминдя тэ хасякирэ́л Вавило́но. О Рай Дэвэ́л дукхавэла палэ, Ёв отдэ́ла палэ пал Лэ́скири Кхангири́.

Ереме́ё 51:27

“Чхувэ́н упрэ́ сцяго (знамё) пэ пхув, пхурдэ́н дрэ ро́ги (трубы) машки́р на́цыи! Скэдэ́н на́цыи проти лэ́стэ, кхарэ́н кхэтанэ́ кралипэна́ проти лэ́стэ: Арарато, Миния, Аскеназ. Чхувэ́н рас тэ лыджа́л марибэ́н проти лэ́стэ; кэрэ́н адя́кэ, соб (кай) граё тэ вурнян сы́рбы пхакитка скочки (саранча).

Ереме́ё 6:4

“Явэ́н скэдынэ́ тэ марэ́нпэ далэ́ фороса!” – кадалэ́ вэ́рги годлэна. “Уштэ́н, и явэ́н, джа́са пэ лэ́ндэ дывэсэ́.” Бида пэ амэ́ндэ, сыг дывэ́с кончынэлапэ, дыкхэ́н сыр бэльвэлитка зэрья (те́ни) барьёна.

Езэкилё 38:17

Адя́кэ ракирэ́ла Рай Дэвэ́л, Дэвэ́л: “Ци сан ту кодова́, пал конэ́стэ Мэ ракиравас дрэ ґаратунэ́ дывэса́, ко́ли Мирэ́ писха́рья, Израилёскирэ проро́ки ангилпхэнэнас, со Мэ яна́ва тут пэ лэ́ндэ?”

Езэкилё 38:7

Урипэ, скэдэ́нпэ дро дром, ту, и саро́ тыро́ халадэ́нгиро скэдыибэ́н, саво́ явдя́ кэ ту, яв лэ́нгиро лыджаибнаскиро (вождё).

Mihiejo 3:5

Палдава́ адя́кэ ракирэ́ла Рай Дэвэ́л пал пророкэ́ндэ, савэ́ кэрдэ́ адя́кэ: “Со мирэ́ мануша́ дынэпэ дукха́; савэ́ дандырэнапэ и дэ́на го́дла: ‘Рама́нё.’ Нэ кон на дэ́ла ничы́ лэ́нгэ дро муй, тэды ёнэ джа́на марибна́са проти лэ́стэ:

Agiejo 2:7

и Мэ тринскирава сарэ́ манушы́тка на́цыи (народы), и явэ́ла Месия и ваш сарэ́, манушы́тка ро́ды, и Мэ пхэрдякирава дава́ Кхэр (Кхангири́) барипнаса,’ – ракирэ́ла янголэ́нгирэ-болыбна́скиро, Рай Дэвэ́л.

Заха́рия 14:2

И Мэ скэда́ва сарэ́н манушэ́н пэ марибэ́н проти Ерусалимо, и лэ́на фо́ро и обчорна кхэра́ и кэрна ладж джувленгэ, паш-фо́ро джа́ла дро пле́но; нэ яви́р мануша́, савэ́ ячэ́напэ, на хасёна форо́стыр.

Заха́рия 14:3

Тэ́ньци явэ́ла Рай Дэвэ́л и холясо́ла пэ Наюды́тка на́цыи, сыр холя́сыя пэ лэ́ндэ дро марибнаскиро дывэ́с.