Ioil 2:3 - Библия - Пэ Балтитко Романи чиб (Романэс) 2019

³ Анги́л лэ́ндэ джа́ла яг, со похала саро́, а пала́л пал лэ́ндэ хачкирибэ́н, со пэкэла саро́. Анги́л лэ́ндэ пхув исын сы́рбы у́нта (садо) Эдэмоскири, а пала́л пал лэ́ндэ ячэ́лапэ чхучакирды мал (степ), нисо́ никай на кэрэ́лапэ лэ́ндыр.

Biblija - Pe Baltitko Romani čib (Romanes) 2019

³ Angíl lénde džála jag, so pohala saró, a palál pal lénde xačkiribén, so pekela saró. Angíl lénde phuv isyn sýrby únta (sado) Edemoskiri, a palál pal lénde jačélape čhučakirdy mal (stiep), nisó nikaj na kerélape léndyr.

Ioil 2:3 Iomraidhean Croise

Džiibén 13:10

Лото ґаздыя́ пэ́скирэ якха́ и, акэ, дыкхця́ сари́ Иорданоскири округа (сави́ сыс анги́л дова́, сыр Рай Дэвэ́л хасякирдя́ Содо́мо и Гомо́ра), сари́ кэ Сигоро чхувэласпэ пане́са, сыр Ра́скирэ-Дэвлэ́скири у́нта (садо), сыр Египто́скири пхув.

Džiibén 2:8

И Рай Дэвэ́л почхудя дро Эдэмо пэ васто́ко у́нта (садо); и мэкця́ одо́й манушэ́с, савэ́с Ёв создыя́.

Psalmy 50:3

Амаро́ Дэвэ́л явэ́ла и Ёв исын на штыл; яг, сави́ ха́ла саро́, джа́ла анги́л Лэ́стэ и явэ́ла древа́н штормитко балва́л.

Psalmy 97:3

Яг джа́ла анги́л Лэ́стэ и хачкирэ́ла сарэ́са Лэ́скирэ сарэ́ вэргэ́н, савэ́ исын трусця́л Лэ́стэ

Vygiiben 10:15

ёнэ учхакирдэ сари́ пхув адя́кэ, со пхув на сыс бицялы, и выханэ сари́ пхувья́кири чар и сарэ́ вышэскирэ барьякирдэ́ (пло́ды), савэ́ ячнэ́пэ градостыр, и на яця́пэ ни саво́ зэлэныбэн ни дрэ вэша́, ни пэ фэлдытко чар пэ сари́ Египто́скири пхув.

Vygiiben 10:5

ёй учхакирэ́ла пхув адя́кэ, со нашты́ явэ́ла тэ дыкхэ́с пхув, и со яця́пэ тумэ́ндэ градостыр, то ёй схала, обхала адя́кэ-паць сарэ́ вэша́, савэ́ тумэ́ндэ барьёна пэ фэ́лда,

Isajos 14:17

Кон кэрдя́ далэ́ барэ́ свэто́стыр чхучи́ пхув, кон пхагирэлас фо́рья, кон ухтылэлас манушэ́н дро пле́но и кхэрэ́ на мэкэлас?”

Isajos 15:6

Пал-дова́ со пирияця́ тэ тхадэл Нимримоскиро пани́, вышутинэ фэ́лды, выхачия чар, нанэ зэлэныбэн.

Isajos 33:4

И явэ́на тэ кэдэн тумаро́ дорэсыбэ́н, сыр кирмо скэдэ́ла, чхурдэнапэ пэ лэ́стэ, сыр пхакитка скочки (саранча) чхурдэнапэ.

Isajos 51:3

Чачо́, Рай Дэвэ́л подрикирла Сио́но, подрикирла лэ́скирэ роспхагирдэ́ кхэра́; а чхучи́ пхув лэ́скири Ёв кэрэ́ла сыр раё, и мал (степ) лэ́скири пирикэрэла сыр у́нта (садо) Раскири-Дэвлэ́скири; ра́дыма и весёлыма (лош) одо́й явэ́на, парикирибэн и багаибэн.

Isajos 9:18

Пал-дова́ со грэ́хо росхачия, сыр яг ха́ла пхусадэ́ чарья́, хачола дрэ вэша́, и тхув ґаздэ́лапэ стылбоса.

Isajos 9:19

Ра́скирэ-Дэвлэ́скири, болыбна́скирэ-янголэнгири холы́ хачкирэ́ла пхув, народо кэрэ́лапэ сы́рбы хабэ́н ваш яг, на потангинэла ману́ш пэ́скирэ пшалэ́с.

Ереме́ё 5:17

И ёнэ похана тумарэ́ гива́ и тумаро́ маро́, и ёнэ похана тумарэ́ чхавэ́н и тумарэ́ чхае́н. Ёнэ похана тумарэ́ бакрэ́нгирэ ґурты и тумарэ́ табуны. Ёнэ похана тумарэ́ винаграды́тка барья, и тумарэ́ инжыритка кашта́; ёнэ роспхагирэна бара́ пэ тумарэ́ фо́рья зоралэ́ тыноса куртала́са, дрэ савэ́ тумэ́ рискирэна илэ тэ зракхэнпэ.

Езэкилё 36:35

Тэ́ньци пхэнэ́на: “Кадая́ чхучи́ пхув кэрдя́пэ сыр Эдэмоскири у́нта (садо); со и дрэ кадалэ́ роспхагирдэ́, чхучэ́, обчордэ фо́рья дживэ́на мануша́?”

Amoso 7:4

Адя́кэ Рай Дэвэ́л сыкадя́ ма́нгэ: акэ, Рай Дэвэ́л кхардя́ яг тэ сэндинэл, и ёй хачкирдя́ бари (хор штэ́ты) тэл пхув колбань и сари́ мэкны пхув.

Avakumo 1:6

Пал-дова́ со Мэ, акэ, ґазда́ва Халдеен, кирки и сы́гно нацыя, сави́ кхарэ́лапэ (двигинэлапэ) пир пхувья́киро буґлыпэ́н, соб (кай) тэ заухтылэн джиибна́скирэ штэ́ты, савэ́ исын на лэ́нгирэ.

Заха́рия 7:14

И Мэ росчхурдыём лэн рискирибна́скирэ балваляса пир сарэ́ манушэ́ндэ, савэ́н ёнэ на джиндлэ́. И дая́ пхув чхучия би лэ́нгиро, со нико́н на псирдя́ пирда́л ла́тэ ни англэ, ни палэ, и ёнэ кэрдэ́ далэ́ бахталэ́ рига́тыр чхучи́ пхув.”