Ioil 2:2 - Библия - Пэ Балтитко Романи чиб (Романэс) 2019

² явэ́ла дава́ дывэ́с кало́ и тугитко, хмуры́тко дывэ́с ґэнстонэ калыпнаса (цямлыпнаса), сыр о́блоки пэ зло́ко (пэ ра́нко) розджанапэ палэ бэ́рги, адя́кэ-паць и явэ́на мануша́, барэ́ и зоралэ́, савэ́ на сыс векэндыр: и кадасавэ́-паць буты́р на явэ́на ние́кхвар пал лэ́ндэ машки́р манушэ́нгирэ ро́ды.

Biblija - Pe Baltitko Romani čib (Romanes) 2019

² iavéla davá dyvés kaló i tugitko, xmurýtko dyvés ĥenstone kalypnasa (ciamlypnasa), syr óbloki pe zlóko (pe ránko) rozdžanape pale bérgi, adiáke-pac' i javéna manušá, baré i zoralé, savé na sys viekendyr: i kadasavé-pac' butýr na javéna nijékhvar pal lénde maškír manušéngire ródy.

Ioil 2:2 Iomraidhean Croise

Psalmy 10:6

[27] Ёнэ думинэ́на пэ́скэ: “Мэ ние́кхвар на пэрава, мэ пир сарэ́ ро́ды на давапэ дукха́.”

Psalmy 97:2

Облоки и калыпэ́н исын трусця́л Лэ́стэ; чачипэ́н и чачуно́ сэ́ндо рикирэ́на лэ́скиро троно.

Vygiiben 10:14

И пынэ́ пхакитка скочки пэ сари́ Египто́скири пхув, и пасинэ пир сари́ Египто́скири риг древа́н бут; англэды́р на сыс дасавэн пхакитконэ скочкэн, и пало́ дава́ на явэ́ла дасавэн;

Vygiiben 10:6

и ёй (саранча) пхэрдякирэла тырэ́ кхэра́, сарэ́ тырэ́-писхарьенгирэ кхэра́ и сарэ́ Египтянэнгирэ кхэра́, со на дыкхнэ́ тырэ́ дада́, ни тырэ́-дадэнги́рэ дада́ дывэсэ́стыр, сыр дживэ́на ёнэ пэ пхув, адя́кэ-паць кэ дава́ дывэ́с.’” И Мо́йза пхэндя́ анги́л сарэ́ндэ и выгия́ фараоностыр.

Vygiiben 20:21

И сыс тэрдэ́ мануша́ дура́л, а Мо́йза загия́ дро калыпэ́н (цямлыпэ́н), кай сыс Дэвэ́л.

Isajos 5:30

Загодлэла пэ лэ́стэ дро дова́ дывэ́с сы́рбы мо́рё (дэрья́в), саво́ холя́сыя; подыкхэла ёв пэ пхув, акэ: – калыпэ́н, би́да, мурдия дуд (свэ́то) пэ болыбэ́н.

Isajos 8:22

Явэ́на тэ дыкхэ́н упрэ́ и подыкхэна пэ пхув: акэ, би́да, калыпэ́н; явэ́на чхурдынэ́ дро калыпэ́н, нэ на явэ́ла калыпэ́н сарэ́ дывэса́ одо́й, кай ёв акана́ скэдыяпэ.

Ереме́ё 13:16

Барьякирэ́н (славинэ́н) Рас-Дэвлэ́с, тумарэ́ Дэвлэ́с, анги́л дова́, сыр Ёв янэ́ла калыпэ́н (цёмныма), и анги́л дова́, сыр тумарэ́ ґэра́ обштавэнапэ (обстэмпинэнапэ) пир бэ́рги дрэ паш-калыпэ́н! И тумэ́ явэ́на тэ родэ́н дуд (свэ́то), нэ Ёв рискирэ́ла лэс дрэ мэрибнытко зэр (тень), и Ёв пирикэрэла лэс дрэ хор калыпэ́н.

Ереме́ё 13:6

И сыс адя́кэ, сыр прогинэ́ (накхлэ) бут дывэса́, то Рай Дэвэ́л пхэндя́ ма́нгэ: “Ѓаздэпэ (ушты́) и джа́ кэ Евфрато, и лэ одотхы́р кусты́к, сави́ Мэ припхэндём тэ гаравэс ту́кэ одо́й.

Roiben 1:12

“Сарэ́нгэ тумэ́нгэ дава́ нисо́, кон джа́ла пэ́скэ (накхэла) маму́й! Ѓа́да, дыкхэ́н: ци исын ишчо (инкэ́) вари-конэ́стэ дасави́ дукх сыр ма́ндэ – со пыя́ пэ ма́ндэ, – савья́са Рай Дэвэ́л притасадя ман дро дывэ́с, ке́ли Ёв холя́сыя зоралэ́с.

Езэкилё 32:7

Ко́ли ту мурдёса, Мэ закэрава болыбэ́н, Мэ мурдякирава лэ́нгирэ чэргэня́, Мэ закэрава кхам облокоса, чхон на явэ́ла тэ хачол.

Езэкилё 34:12

Сыр чхупна́ри пропатякирэла пэ́скирэ бакрэ́н дро дова́ дывэ́с, ко́ли ёнэ роспрастандынэпэ, адя́кэ Мэ пиридыкхава сарэ́ Мирэ́ бакрэ́н, Мэ зракха́ва лэн сарэ́ штэтэ́ндыр, карик ёнэ сыс рострадынэ дро кало́ дывэ́с облокэ́нца.

Езэкилё 38:9

Ёнэ явэ́на тэ ґаздэ́нпэ сы́рбы холями балва́л, со подджа́ла, сыр о́блоко, соб (кай) тэ учхакирэн пхув, ту и саро́ тырэ́-халадэ́нгиро скэдыибэ́н, и бут народы ту́са.”

Дание́лё 12:1

И уштэ́ла дро долэ́ дывэса́ о Миха, тхага́ри баро́, кон явэ́ла тэрдо́ пал чхавэ́ндэ тырэ́ народо́стыр; и явэ́ла часо пхаро́, саво́ на сыс долэ́ дывэсэ́ндыр, сыр явнэ́ мануша́ пэ свэ́то кэ/жы́ко акана́; нэ зракхэнапэ дро дова́ часо сарэ́ мануша́ тырэ́ народо́стыр, конэ́с латхэ́на дрэ лылвари́.

Дание́лё 9:12

И Ту пхэрдякирдян Пэ́скирэ лава́, савэ́ Ту ракирдян пэ амэ́ндэ, и пэ амарэ́ сэндарьендэ, савэ́ сэндякирэнас амэн, бичхави пэ амэ́ндэ бари би́да, сави́ на сыс тэл болыбэ́н, и сави́ кэрдя́пэ пэ Ерусалимо.

Ioil 1:6

Пал-дова́ со бут зоралэ́ мануша́ явнэ́ пэ Мири́ пхув, со нашты́ лэн тэ погинэс; лэ́нгирэ данда́ исын сыр шчэрэстэ (левостэ), и лэ́нгирэ жанды исын сыр шчэрихатэ (левицатэ).

Ioil 2:25

И Мэ да́ва палэ тумэ́нгэ саро́ дова́, со хая пхакитко скочко, кирмэ, бамбулы (жуки) и листэнгиро кирмо – Миро баро́ халадыбэ́н, со Мэ бичхадём пэ тумэ́ндэ.

Ioil 2:31

Кхам парудёла пэ калыпэ́н, и чхон парудёла пэ рат, – анги́л, сыр явэ́ла баро́ и трашано Дывэ́с Ра́скирэ-Дэвлэ́скиро.

Ioil 2:5

Ёнэ традэ́на уклистэ́ пир бэргэнгирэ фе́ли (макушки) ґрукатоса сы́рбы марибнытконэ́ вурдэнэндыр, сы́рбы бари яг, сави́ пхарадёла, ке́ли похала пхуса, сы́рбы зоралэ́ мануша́, кон исын скэдыно́ тэ марэ́лпэ.

Ioil 3:4

Чачэс, со тумэ́ Ма́нгэ, Ти́ро и Сидоно, и брэгитка штэ́ты пэ Филистимакири пхув? Ци явэ́на тумэ́ тэ отдэ́н палэ фуипнаса проти Ма́ндэ? Нэ ко́ли тумэ́ явэ́на тэ отдэ́н палэ фуипнаса проти Ма́ндэ, Мэ древа́н сы́гэс отда́ва палэ фуипэ́н пэ тумаро́ шэро́.

Amoso 4:13

Палдава́, акэ, Ёв, Кон выкэрдя бэ́рги, Кон создыя́ балва́л, Кон дэ́ла звесь (зан) манушэ́скэ, пал со ёв думинэ́ла, Кон кэрэ́ла адя́кэ, со зло́ко (ра́нко) парудёла пэ калыпэ́н яври́, и Кон штавэла (стэмпинэла) пир вучэ́ штэ́ты пэ пхув, – Рай Дэвэ́л, янголэ́нгирэ-болыбна́скиро Дэвэ́л, исын Лэ́скиро лав.’

Софония 1:7

Яв штыл анги́л Растэ Дэвлэ́стэ, пал-дова́ со Ра́скирэ-Дэвлэ́скирэ Дывэ́с исын пашы́л, пал-дова́ со Рай Дэвэ́л исын скэдыно́ тэ янэл свэ́нто дыибэ́н, Ёв посвэнцындя Лэ́скирэ манушэ́н, савэ́н Ёв замангдя.

Заха́рия 14:6

И явэ́ла дро дова́ дывэ́с: на явэ́ла дуд, кхам, чхон и чэргэня́ дурьёна.

Матфеё 24:21

пал-дова́ со тэды явэ́ла дасави́ биба́хт, сави́ на сыс свэто́скирэ англыпна́стыр, и со буты́р на явэ́ла ние́кхвар;

Marko 13:19

Тэды явэ́ла дасави́ пхари́ би́да, сави́ на сыс свэто́скирэ англыпна́стыр, саво́ Дэвэ́л кэрдя́, кэ ададывэ́с, и со буты́р на явэ́ла ние́кхвар.

Яви́р Зако́но 32:7

Пририпир ґаратунэ́ дывэса́, думин пал ґаратунэ́ родэнгирэ бэрша́; пхуч тырэ́ дадэ́стыр, и ёв роспхэнэ́ла ту́кэ, тырэ́ пхурэндыр, и ёнэ пхэнэ́на ту́кэ.

Юдэ́нгэ 12:18

Тумэ́ на явнэ́ пашылэды́р кэ бэ́рга Синаё, сави́ сашты́ (можна) тэ чилавэн вастэ́са, и сави́ хачола барэ́ яга́са, и на кэ калыпэ́н (тьма), на кэ ми́гла (мрако), на кэ холями балва́л,

Juda 1:13

ёнэ исын сы́рбы морёскирэ (дэрьявэ́скирэ) холямэ́ валны (вэлны), учхакирдэ пенаса пэ́скирэ ладжаипнытконэ рэндэ́ндыр (делэндыр); ёнэ исын сы́рбы чэргэня́, савэ́ на джинэ́на дром, савэ́нгэ исын ракхно калыпэ́н (цямлыпэ́н) пэ ве́ки.

Sykadyipén 9:2

И чэргэн псирадя (отпхандя) люноскири ґаны́нг и тхув (дымо) выгия́ ґанынгатыр, сыр тхув барэ́ бовэстыр: кхам и фа́но (воздухо) калынэ ґанынгакирэ тхувэстыр.