Filipiicenge 4:7 - Библия - Пэ Балтитко Романи чиб (Романэс) 2019

⁷ и Дэвлэ́скиро рама́нё (миро), саво́ исын вучэды́р кажнонэ́ амарэ́ джиныбнастыр, явэ́ла тэ ракхэ́л тумарэ́ илэ и годы́ дро екхипэ́н Исусо́са Христосо́са.

Biblija - Pe Baltitko Romani čib (Romanes) 2019

⁷ i Devléskiro ramánjo (miro), savó isyn vučedýr kažnoné amaré džinybnastyr, javéla te rakhél tumaré ile i godý dro jekhipén Isusósa Xristosósa.

Filipiicenge 4:7 Iomraidhean Croise

Ниеми́я 8:10

И пхэндя́ лэ́нгэ: “Джа́н, хан тхуло, и пьен гудло́, и бичхавэн хабнытка котэра́ (куски) одолэ́нгэ, конэ́стэ ничы́ нанэ заготовиндло; пал-дова́ со дывэ́с дава́ исын свэ́нто амарэ́ Ра́скэ-Дэвлэ́скэ. И на пиридживэн, пал-дова́ со ра́дыма Раскири-Дэвлэ́скири дэ́ла зор тумэ́нгэ.

Ióvo 22:21

Акана́ ковлякир пэ́скиро ило́ анги́л Дэвлэ́стэ и яв дро рама́нё (миро) Лэ́са: палдава́ явэ́ла лачхипэ́н ту́кэ.

Ióvo 34:29

Ко́ли Ёв исын штыл, кон тэды сашты́ тэ кэрэ́л шумо? И ко́ли Ёв ґаравэла Пэ́скиро муй, тэды, кон сашты́ тэ дыкхэ́л Лэс? Ци тэ явэ́л дава́ ваш сари́ нацыя, ци ваш екхэ манушэ́скэ?

Psalmy 29:11

Рай Дэвэ́л дэ́ла зор Пэ́скирэ манушэ́нгэ; Рай Дэвэ́л бахтякирэ́ла Пэ́скирэ манушэ́н раманёса (миро́са).

Psalmy 85:8

Сыка́в амэ́нгэ Тыро́ тангипэ́н, о Раё Дэ́вла, и дэ амэ́нгэ Тыро́ зракхибэ́н.

Pritčy 2:11

то тэды хор розґалыибэн явэ́ла тэ зракхэ́л тут, а ґалыибэ́н явэ́ла тэ дыкхэ́л ракхибны́ткэс пал ту́тэ.

Pritčy 4:6

На мэк годыпэ́н, и ёв явэ́ла тэ ракхэ́л тут; рикир сыр дро́гима лэс и годыпэ́н явэ́ла тэ дыкхэ́л ракхибны́ткэс пал ту́тэ.

Pritčy 6:22

Ке́ли ту джа́са вари-карик, лэ́нгирэ лава́ явэ́на тэ лыджа́н тут; и ёнэ явэ́на тэ ракхэ́н тут, ке́ли ту явэ́са суто́; ке́ли ту джангадёса (прошнинэсапэ), ёнэ явэ́на тэ ракирэ́н ту́кэ, со тэ кэрэ́с.

Isajos 26:12

Раё Дэ́вла! Ту подэса амэ́нгэ рама́нё (миро), и сарэ́ амарэ́ рэ́нды Ту кэрэ́са ваш амэ́нгэ.

Isajos 26:3

Манушэ́с, зоралэ́ духо́са Ту ракхэса дрэ пхэрдо́ рама́нё (миро), пал-дова́ со пэ Ту́тэ исын лэ́скири наде́я,

Isajos 45:7

Мэ кэра́ва дуд (свэ́то) и кэра́ва калыпэ́н (цёмныма), Мэ да́ва рама́нё (миро) и кэра́ва бари би́да (биба́хт); Мэ, Рай Дэвэ́л, кэра́ва дава́.

Isajos 48:18

Нэ ко́ли б ту шундя́н Мирэ́ лава́! Тэ́ньци б рама́нё (миро) тыро́ тэ явэ́л сыр рэка (лэнь), чачипэ́н тыро́ – сыр рэ́ки (лэня́) барэ́.

Isajos 48:22

А грэхитконэ́ манушэ́нгэ нанэ рама́нё (миро)”, – ракирэ́ла Рай Дэвэ́л.

Ереме́ё 32:16

И пало́ дова́ (коригэды́р) мэ дыём киныбнытко лыл Варухоскэ (Барухоскэ), Нирияскирэ чхавэ́скэ, и мэ мангдёмпэ Ра́скэ-Дэвлэ́скэ, ракири́:

Ереме́ё 33:6

Акэ, Мэ причхувава састякирибнытко шмата (пластырё) и Мэ выдрабакирава лэн, и Мэ састякирава лэн, и Мэ сыкава́ва лэ́нгэ бут мо́лы рама́нё и патяибэ́н.

Čysly 6:26

Мэк тэ рискирэ́л Рай Дэвэ́л Пэ́скиро муй пэ ту́тэ и дэ́ла ту́кэ рама́нё (миро)!”

Luka 1:79

тэ свэнцынэл пэ одолэ́ндэ, савэ́ дживэ́на дро калыпэ́н (цямлыпэ́н) и дрэ дар мэрибна́стыр, соб (кай) тэ джа́н амарэ́ ґэра́ пир дром кэ рама́нё (миро).”

Luka 2:14

“Тэ славинэлпэ Дэвэ́л дрэ упратунэ болыбэна, и тэ явэ́л рама́нё (миро) пэ пхув машки́р манушэ́ндэ, савэ́ндыр Дэвэ́л радынэ́лапэ.”

Joannostir 14:27

Мэ ячкирава рама́нё (миро) тумэ́нгэ, Миро рама́нё Мэ да́ва тумэ́нгэ: нэ на адя́кэ, сыр свэ́то дэ́ла, Мэ да́ва тумэ́нгэ, и мэк тэ на страхадёл тумаро́ ило́, и тэ на дарэл.

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Римлянэнгэ 1:7

сарэ́нгэ, кон дживэ́ла кэ Римо, савэ́ ячнэ́ дро́га Дэвлэ́скэ и савэ́ исын кхардэ́ тэ явэ́н Лэ́скирэ свэнтонэнца: бахталыпэ́н и рама́нё (миро) тумэ́нгэ Дэвлэ́стыр Дадэ́стыр амарэстыр, и Ра́стыр-Дэвлэ́стыр, Исусо́стыр Христосостыр.

Римлянэнгэ 14:17

пал-дова́ со Дэвлэ́скиро Кралипэ́н-дава́ исын на хабэ́н и пибэ́н, а чачипэ́н, рама́нё и ра́дыма пир Свэ́нто Ду́хо (Фа́но).

Римлянэнгэ 15:13

Дэвэ́л, Саво́ дэ́ла наде́я, – мэк тэ пхэрдякирэл тумэн кажнонэ́ радыма́са и раманёса дро тумаро́ патяибэ́н, соб (кай) наде́я тэ барьёл Свэнтонэ́ Духо́скирэ зорья́са дрэ тумэ́ндэ.

Римлянэнгэ 5:1

И пал-дова́ со амэн приґалынэ пал чачунэндэ пир патяибэ́н, амэ́ндэ исын рама́нё (миро) Дэвлэ́са пир амарэ́ Растэ-Дэвлэ́стэ, Исусо́стэ Христосо́стэ,

Римлянэнгэ 8:6

Пал-дова́ со лоча́кирэ-грэхо́скирэ Манушэ́скиро тырдыпэ́н лыджа́ла кэ мэрибэ́н, а Духоскиро тырдыпэ́н дэ́ла джиибэ́н и рама́нё (миро).

2 Коринфянэнгэ 10:5

хоханэ́ допхэныбэна и саро́, со пхутёла проти Дэвлэ́скиро дынарибэ́н; амэ пхандаса кажно годя́кири мы́сля, соб (кай) тэ явэ́л кандуны Христосо́скэ;

2 Коринфянэнгэ 13:11

Палатуно́ лав, пшала́лэ: радынэ́нпэ, явэ́н бидоша́кирэ, подрикирэ́н екх екхэ́с, явэ́н екхэ́-годя́кирэ, явэ́н дро рама́нё (миро) екх екхэ́са.

Galatenge 5:22

А пир Свэ́нто Ду́хо (Фа́но) мануша́ дживэ́на патыва́са кэ яви́р мануша́, радыма́са, спокойнымаса, длугонэ вырикирибнаса, лачхэ́-илыткимаса, лачхипна́са, чачипна́са;

Эфесянэнгэ 3:19

и тэ ґалён, со исын барэды́р сарэ́стыр пэ свэ́то Христососкири ла́ска ваш дова́, соб (кай) Дэвэ́л тэ явэ́л сарэ́ пэ́скирэ пхэрдыпнаса дро тумаро́ джиибэ́н.

Filipiicenge 1:1

Павли́стыр и Химастыр (Тимафеёстыр), Исусо́скирэ Христосо́скирэ писхарьендыр, кэ сарэ́ свэ́нта мануша́ дрэ Филипы, кон патя́ла дрэ Исусо́стэ Христосо́стэ сарэ́ епископэнца (кхангирья́кирэ барыдырэ́нца) и диаконэнца;

Filipiicenge 1:2

мэк тэ явэ́л бахталыпэ́н и рама́нё (миро) тумэ́нгэ амарэ́ Дэвлэ́стыр Дадэ́стыр и Ра́стыр-Дэвлэ́стыр, Исусо́стыр Христосостыр.

Filipiicenge 4:19

Нэ мэк миро Дэвэ́л тэ пхэрдякирэл саро́, со тумэ́нгэ трэй пир Пэ́скиро барвалыпэ́н дрэ сла́ва пир Исусо́стэ Христосо́стэ.

Filipiicenge 4:21

Пиридэ́н “рама́нё” сарэ́ Исусо́скирэ Христосо́скирэ свэнтонэнгэ. Адя́кэ-паць саро́ пиридэна ‘рама́нё’ тумэ́нгэ сарэ́ пша́ла, савэ́ исын кхэтанэ́ ма́нца, пиридэна “рамане” тумэ́нгэ.

Filipiicenge 4:9

Саро́, со тумэ́ высыклынэ, и со прилынэ́ и шундлэ́, ци со тумэ́ дыкхнэ́ дрэ ма́ндэ, дова́ и кэрэ́н, и Дэвлэ́скиро рама́нё (миро) явэ́ла тумэ́нца.

Колосянэнгэ 3:15

И мэк тэ явэ́л дрэ тумарэ́ илэ Дэвлэ́скиро рама́нё (миро), кэ саво́ тумэ́ са́нас кхардэ́ сыр паша́ Екхэ Масэндыр, парикирэ́н пал дава́.

2 Фесалоникийцэнгэ 3:16

Мэк Рай Дэвэ́л Кокоро́, тэ дэл тумэ́нгэ рама́нё (миро) ўса́ды (сак) дро саро́. Мэк тэ явэ́л Рай Дэвэ́л сарэ́нца тумэ́нца.

Юдэ́нгэ 13:20

Дэвэ́л, Саво́ дэ́ла рама́нё (миро), Саво́ отджидякирдя́ мулэ́ндыр амарэ́ Рас-Дэвлэ́с, Исусо́с Христосо́с, Барэ́ Чхупнарис пир рат вечнонэ Заветостыр,

Juda 1:1

Юдастыр, Исусо́скирэ Христосо́скирэ писхаристыр, Яково́скирэ пшалэстыр, манушэ́нгэ, савэ́ ячнэ́ дро́га Дэвлэ́скэ Дадэ́скэ, и савэ́н Ёв прикхардя, и савэ́н зракхця́ Ису́со Христо́со:

Sykadyipén 1:4

Иано́стыр эфта́ (битринэнгирэ дэшэ) кхангирье́нгэ, савэ́ исын дрэ Азия: Мэк бахталыпэ́н и рама́нё (миро) тэ явэ́л тумэ́нгэ Одолэ́стыр, Саво́ исын, Саво́ сыс, и Саво́ явэ́ла, и эфта́ духэ́ндыр, савэ́ исын анги́л Лэ́скиро троно;

Sykadyipén 2:17

Конэ́стэ исын кана́, мэк ёв тэ шунэ́л дова́, со Ду́хо (Фа́но) пхэнэ́ла кхангирье́нгэ. Одолэ́скэ, кон пиризорьякэла, Мэ да́ва вари-кицы́ манка, сави́ исын гарады. Мэ адя́кэ-паць дава́ лэ́скэ парно́ бар, пэ саво́ явэ́ла чхиндло́ нэво́ лав, саво́ нико́н на джинэ́ла, апри́ч кодолэстэ, кон дорэсэ́ла дава́ бар.”