Filipiicenge 4:5 - Библия - Пэ Балтитко Романи чиб (Романэс) 2019

⁵ Мэк сарэ́ мануша́ тэ джинэ́н тумарэ́-илэ́скиро ковлыпэн, Рай Дэвэ́л исын сарэ́са пашы́л.

Biblija - Pe Baltitko Romani čib (Romanes) 2019

⁵ Mek saré manušá te džinén tumaré-iléskiro kovlypen, Raj Devél isyn sarésa pašýl.

Filipiicenge 4:5 Iomraidhean Croise

Матфеё 6:25

Палдава́ Мэ ракира́ва тумэ́нгэ: на пиридживэн пал тумаро́ джиибэ́н, со тумэ́нгэ тэ хан ци тэ пьен; ци пал тумарэ́ маса́, со тэ урьен. Нау́што (хай) джиибэ́н исын на дрогэдыр хабнастыр, нау́што маса́ исын на дрогэдыр урибнастыр?

Матфеё 6:34

Палдова́ на пиридживэн пал атасятуно дывэ́с, пал-дова́ со атасятуно дывэ́с кокоро́ явэ́ла тэ думинэл пал пэ́стэ; ухты́лла (до́си) пхарипэ́н ваш кажно дывэ́с.

Luka 21:34

Нэ ракхэ́нпэ кокорэ́ пибнастыр и хабнастыр би меракиро, соб (кай) тумаро́ ило́ тэ на явэ́л пхэрдо́ традыпнаса пал барвалыпэ́н и джиибнытконэ пхарипнаса, и, соб (кай) дава́ дывэ́с тэ на явэ́л чораханэ́с пэ тумэ́ндэ;

1 Коринфянэнгэ 16:22

Ко́ли вари-кон на рикирэ́ла сыр Дро́гима Рас-Дэвлэ́с дро пэ́скиро ило́, Исусо́с Христосо́с, тэ явэ́л лэ́скэ Анафема (Мара-Тафа).

1 Коринфянэнгэ 6:7

И дава́ исын буты́р блатуно рэ́ндо ваш тумэ́нгэ, со тумэ́ сэндинэнапэ екх екхэ́са. Со́скэ тумэ́нгэ тэ на пирилыджас пхарипэ́н ни пал со? Тумэ́нгэ фэды́р тэ дэнпэ дукха́?

1 Коринфянэнгэ 8:13

Палдава́, ко́ли мас исын сы́рбы фэлы́ ваш грэ́хо пэ дром мирэ́ пшалэ́скэ, тэды мэ ние́кхвар буты́р на ява́ва тэ хав мас, соб (кай) ма́нгэ тэ на явав сы́рбы фэлы́ кэ грэ́хо пэ дром мирэ́ пшалэ́скэ.

1 Коринфянэнгэ 9:25

Нэ кажно ману́ш, кон марэлапэ пал призо, обрикирлапэ сарэ́стыр, со исын намишто ваш лэ́скиро прастаибэн: кодолэ́ мануша́ ваш дова́, соб (кай) лэ́нгэ тэ лэн вя́нка (коро́на), сави́ кирнёла, а амэ ваш кодоя вя́нка, сави́ на кирнёла.

2 Коринфянэнгэ 10:1

А мэ, Па́вли, кокоро́, манга́ва тумэн пир напхувитко ковлыпэн Христосо́скиро, мэ, саво́ сом ковлэ́-илы́тко тумэ́нца, нэ саво́ сом муршкано́, ке́ли мэ на сом тумэ́нца;

2 Фесалоникийцэнгэ 2:2

И соб (кай) тумэ́ тэ на сыгнён тэ зджан годятыр ци и тэ на пиридживэн пал духоскиро сыкаибэ́н, ни лавэ́стыр, ни лылэстыр, сы́рбы дава́ амэ бичхадям, савэ́ выпхэнэна, со Ра́скирэ-Дэвлэ́скиро дывэ́с какана́ явдя́.

Titoske 3:2

тэ на калякирэн никонэ́с, а тэ явэ́н раманёнэса (мирнонэса), тэ явэ́н штыл (тиха), ковлэ́-илы́тка кэ сарэ́ мануша́.

Юдэ́нгэ 10:25

и на ява́са тэ мэкас тэ скэдаспэ дрэ кхангири́, сыр дава́ присыклынэ яви́р мануша́, а ява́са тэ сыклякирас екх екхэ́с бутэды́р, ко́ли тумэ́ дыкхэ́на, со Ра́скирэ-Дэвлэ́скиро Дывэ́с явэ́ла сыг.

Юдэ́нгэ 10:37

Пал-дова́ со сарэ́са на́бут яця́пэ тэ ужакирас, и Одова́, Кон джа́ла, на зарикирэлапэ.

1 Petr 1:11

Ёнэ сыклякирдэ́ миштэ́с тэ уджинэ́н, ке́ли и пэ саво́ часо (цы́ро) упхэндя Христосо́скиро Ду́хо (Фа́но), ке́ли Ёв ангилпхэнэлас пал Христосо́скирэ мэ́ньки и пал Лэ́скири сла́ва, сави́ явэ́ла коригэды́р (позжэ).

1 Petr 4:7

Нэ сыг сарэскэ явэ́ла ко́нцо (яго́ро): палдава́ ракхэ́нпэ и дживэ́н годьварэс, ке́ли тумэ́ мангэ́напэ Дэвлэ́скэ;

Sykadyipén 22:20

Одова́, Кон допхэнэ́ла саро́ кадава́, ракирэ́ла: “Чачо́. Мэ ява́ва сыг.” Ами́нь. Яв, Раё Дэ́вла, Ису́со.

Sykadyipén 22:7

И, акэ, Мэ ява́ва сыгэс”, – ракирэ́ла Христо́со. “Бахтало́ исын кодова́, кон ракхэ́ла пророчытка лава́ лылварьякирэ пхэныбнастыр пал дова́, со явэ́ла анги́л.”