Filipiicenge 4:12 - Библия - Пэ Балтитко Романи чиб (Романэс) 2019

¹² Мэ джина́в тэ джива́в и дро чорорипэн и дро миштыпэ́н, мэ высыклыём сарэскэ и дро саро́, тэ явав чало и тэ вырикирав бокх, тэ явав дро миштыпэ́н и тэ явав дро наухтылыбэн.

Biblija - Pe Baltitko Romani čib (Romanes) 2019

¹² Me džináv te dživáv i dro čororipen i dro mištypén, me vysyklyjom sareske i dro saró, te javav čalo i te vyrikirav bokh, te javav dro mištypén i te javav dro nauhtylyben.

Filipiicenge 4:12 Iomraidhean Croise

Ниеми́я 9:20

И Ту дыя́н лэ́нгэ Пэ́скиро лачхо́ Ду́хо, соб (кай) тэ сыклякирэс лэн и мана пэ́скири на отлэсас лэ́нгирэ мо́стыр и пани́ дыя́н лэ́нгэ тэ пьен.

Isajos 8:11

Адя́кэ ракирэ́лас ма́нгэ Рай Дэвэ́л, ке́ли рикирэлас пэ ма́ндэ зорало́ васт, и Ёв припхэнэлас, соб (кай) мэ тэ на джав далэ́-народоскирэ дромэ́са, и адя́кэ пхэндя́:

Ереме́ё 31:19

Дыкхэ́н: пало́ (после) дова́, сыр мэ рисиём кэ лачхипэ́н, мэ рискирдём джиибэ́н кэ Дэвэ́л и палэ дова́, сыр ман пирисыклякирдэ, мэ пэкадём пэс пир статя (сцёгны). Мэ яцём ладжакирдо́, и аж мири́ годы́ запхадия, пал-дова́ со мэ лыджиём банг мирэ́ тэрнэ́ бэршэ́ндыр.”

Матфеё 11:29

Лэн пэ пэ́стэ пхарипэ́н Мирэ́ джиибна́скиро и сыклён Ма́ндыр, пал-дова́ со Мэ сом ковлэ́-илытко и кандуно, и тумэ́ латхэ́на откхиныбэн ваш тумаро́ ило́;

Матфеё 13:52

и Ёв пхэндя́ лэ́нгэ: “Палдава́ кажно лылвари́тко (кни́жнико), саво́ сыклыя пал Кралипэ́н дро Дэвлэ́скиро Раё, исын сы́рбы ману́ш, саво́ исын кхэрэ́скиро хула́й, кон лыджа́ла яври́ пэ́скирэ кучипнаскирэ пиралятыр саро́ нэво́ и пхурано́.”

2 Коринфянэнгэ 10:1

А мэ, Па́вли, кокоро́, манга́ва тумэн пир напхувитко ковлыпэн Христосо́скиро, мэ, саво́ сом ковлэ́-илы́тко тумэ́нца, нэ саво́ сом муршкано́, ке́ли мэ на сом тумэ́нца;

2 Коринфянэнгэ 10:10

вари-савэ́ ракирэ́на, со мирэ́ лыла́ исын строга и зорьякирэна ду́хо (фа́но), нэ ке́ли ёв исын амэ́нца, нэ лэ́стэ маса́ исын бизорья́кирэ и лэ́скиро лав исын наджиндло.

2 Коринфянэнгэ 11:27

мэ бут кэрдём буты́ и со́мас залыно (залымо) пхарэ́ бутяса, со́мас бисоибнаскиро, бокхало. Ма́ндэ сыс труш (смэга); мэ постиндём пир шыл и би идякиро.

2 Коринфянэнгэ 11:7

Нау́што кэрдём мэ грэ́хо, ко́ли мэ чхудём пэс тэлэды́р, соб (кай) тэ чхував тумэн вучэды́р, ке́ли мэ роспхэнавас Дэвлэ́скири бахталы́ зан (звесь) и мэ на лавас ловэ́ лэ́ндыр?

2 Коринфянэнгэ 11:9

пал-дова́ со пша́ла Македониятыр дынэ́ ма́нгэ саро́, дро со ма́ндэ сыс трэ́бима, и мэ причхудём зор дро саро́ и мэ дурэды́р ява́ва тэ причхував зор, соб (кай) тэ на явэ́л ни саво́ пхарипэ́н ма́ндыр тумэ́ндэ.

Яви́р Зако́но 32:10

Ёв латхя́ лэс пэ чхучи́ пхув, пэ мал (степ), сави́ сыс биманушэнгири и наобживдлы, ракхця́ лэс, дыкхця́ пал лэ́стэ, ракхця́ лэс, сыр Пэ́скири чачи́ (право) якх;