Filipiicenge 4:11 - Библия - Пэ Балтитко Романи чиб (Романэс) 2019

¹¹ Мэ ракира́ва дава́ на палдова́, со ма́нгэ вари-со трэй; нэ палдова́ со мэ присыклыём тэ явав радо сарэскэ, со ма́ндэ исын.

Biblija - Pe Baltitko Romani čib (Romanes) 2019

¹¹ Me rakiráva davá na paldová, so mánge vari-so trej; ne paldová so me prisyklyjom te javav rado sareske, so mánde isyn.

Filipiicenge 4:11 Iomraidhean Croise

Džiibén 28:20

И дыя́ Яково совла́х и пхэндя́: “Со Дэвэ́л тэ явэ́л ма́нца, и Ёв зракхэ́ла дрэ дава́ дром ман, дрэ саво́ мэ джа́ва, и дэ́ла ма́нгэ тэ хав маро́ и и́дя тэ урьявпэ,

Vygiiben 2:21

Мойза́скэ сыс пир ило́ тэ дживэ́л далэ́ манушэ́стэ; и ёв отдыя́ палоро́м пал Мойзастэ пэскирья́ чха Сепфора.

Luka 3:14

Вари-савэ́ халадэ́ адя́кэ-паць пхучнэ́ Лэ́стыр: “А со ж амэ́нгэ тэ кэра́с?” Ёв пхэндя́ халадэнгэ: “На отлэн зорья́са никонэстыр, и на бангякирэн никонэ́с хоханэ́с. Явэ́н ра́да далэскэ, со тумэ́нгэ плэскирэна.”

2 Коринфянэнгэ 11:27

мэ бут кэрдём буты́ и со́мас залыно (залымо) пхарэ́ бутяса, со́мас бисоибнаскиро, бокхало. Ма́ндэ сыс труш (смэга); мэ постиндём пир шыл и би идякиро.

2 Коринфянэнгэ 6:10

амэ сам сы́рбы смэнтна (скучна), нэ амэ ўса́ды (сак) радынасапэ; амэ сам сы́рбы бо́ги, нэ амэ кэра́са бут манушэ́н барвалэнца; амэ́ндэ нанэ ничы́, нэ адя́кэ-паць амэ́ндэ сы́рбы саро́ исын.

2 Коринфянэнгэ 8:9

Тумэ́ джинэ́на бахталыпэ́н амарэ́ Ра́стыр-Дэвлэ́стыр, саво́ исын Исусо́скиро Христосо́скиро, Саво́ сыс барвало́, нэ яця́ чороро́, соб (кай) тумэ́ тэ явэ́н барвалэ́ Лэ́скирэ чорорипнастыр.

2 Коринфянэнгэ 9:8

Палдова́ со Дэвэ́л могинэ́ла тэ бахтякирэ́л тумэн ада́кицы дро саро́, соб (кай) тумэ́ндэ тэ ухтылэл (тэ явэ́л до́си) саро́, со трэй тумэ́нгэ, и упрэдыр далэ́стыр, соб (кай) тумэ́ тэ явэ́н скэдынэ́ пэ кажно лачхо́ рэ́ндо:

Filipiicenge 3:8

И мэ гинава саро́ яви́р пал хасибэ́н ваш дова́, соб (кай) бутэды́р тэ уджинав мирэ́ Рас-Дэвлэ́с, Исусо́с Христосо́с, ваш Лэ́скэ мэ сарэ́стыр отпхэндёмпэ, мэ саро́ гинава пал шума (смети), соб (кай) ма́нгэ екх тэ явав дро екхипэ́н Христосо́са;

Юдэ́нгэ 10:34

Тумэ́ пиридживэнас кхэтанэ́ манушэ́нца, савэ́ сыс бэштэ́ дро штарибэ́н, и ке́ли лынэ́ зорья́са тумаро́ миштыпэ́н, тумэ́ дава́ прилынэ́ радыма́са, пал-дова́ со тумэ́ джинэ́на, со тумэ́ндэ исын дро Болыбна́скиро Раё фэдэды́р миштыпэ́н, саво́ ячэ́лапэ ве́чнэс.