Filipiicenge 4:1 - Библия - Пэ Балтитко Романи чиб (Романэс) 2019

¹ И адя́кэ, мирэ́ дро́га, савэ́н мэ кама́м тэ дыкха́в, тумэ́ сан мири́ ра́дыма и бахт, тэрдён зоралэ́с дро пэ́скиро джиибэ́н дрэ Растэ – Дэвлэ́стэ.

Biblija - Pe Baltitko Romani čib (Romanes) 2019

¹ I adiáke, miré dróga, savén me kamám te dykháv, tumé san mirí rádyma i baht, terdjon zoralés dro péskiro džiibén dre Raste – Devléste.

Filipiicenge 4:1 Iomraidhean Croise

Ióvo 31:36

Чачипна́са, мэ лыджавас дава́ бандькирибэн пэ миро псико́; и мэ пхандавас лэс пэ шэро́ сыр крали́тко стадык;

Psalmy 125:1

Гилы́ анги́л Кхангири́. Кодолэ́, савэ́ патя́на зоралэ́с дрэ Растэ-Дэвлэ́стэ, исын сы́рбы бэ́рга Сио́но, Саво́ на джа́ла криг штэто́стыр, а ячэ́лапэ пэ сарэ́ ве́ки.

Psalmy 27:14

Рикирэ́н наде́я пэ Растэ-Дэвлэ́стэ, явэ́н муршканэ́ и Ёв зорьякирэла Тумаро ило́; чачо́, рикирэ́н наде́я пэ Растэ-Дэвлэ́стэ.

Матфеё 10:22

И сарэ́ мануша́ явэ́на тэ на сыкавэ́н паты́в тумэ́нгэ пал лав Миро, нэ кон явэ́ла тэ тэрдёл твардэс кэ ко́нцо (кэ яго́ро), кодова́ зракхэ́лапэ.

Joannostir 8:31

Тэды Ису́со пхэндя́ одолэ́ Юдэ́нгэ, савэ́ упатя́ндынэ дрэ Лэ́стэ: “Ко́ли тумэ́ндэ явэ́ла Миро Лав дрэ пэ́стэ, тумэ́, чачэс, сан Мирэ́ сыкляибны́тка;

Apostolengiri Butý 11:23

саво́, ке́ли явдя́, дыкхця́ Дэвлэ́скиро бахталыпэ́н, и ёв древа́н обрадындяпэ и подрикирэлас сарэ́н, соб (кай) ёнэ тэ явэ́н дро патяибэ́н дрэ Растэ-Дэвлэ́стэ сарэ́ пэ́скирэ илэ́са;

Apostolengiri Butý 14:22

и ёнэ подрикирэнас сыкляибнытконэ́н и патякирэнас лэн, соб (кай) ёнэ тэ явэ́н зоралэ́ дро патяибэ́н и ракирдэ́: “Амэ́нгэ явэ́ла трэй бут тэ пиридживас анги́л дава́, соб (кай) тэ заджас дро Дэвлэ́скиро Кралипэ́н.”

Apostolengiri Butý 2:42

И ёнэ ўса́ды (сак) явэ́нас кхэтанэ́ пир Апостолэнгиро сыклякирибэ́н тэ ракирэ́н екх екхэ́са, тэ пхагирэн маро́ и тэ мангэ́нпэ Дэвлэ́скэ.

Римлянэнгэ 2:7

одолэ́нгэ, кон саро́ часо кэрэ́ла лачхэ́ рэ́нды и пир дава́ родэ́ла сла́ва, чачипэ́н и бимэрибнаскиро ко́нцо (яго́ро), Ёв дэ́ла ве́чно джиибэ́н.

1 Коринфянэнгэ 15:58

Адя́кэ, мирэ́ дро́га пшала́лэ, явэ́н зоралэ́ дро ду́хо (фа́но) тумаро́, на кунинэнпэ, усады (сак) (всегда) кэрэ́н миштэ́с Ра́скирэ Дэвлэ́скири буты́, пал-дова́ со тумэ́ джинэ́на, со тумари́ буты́ на ивья́ (напра́снэс).

1 Коринфянэнгэ 16:13

Ракхэ́нпэ, рикирэ́н патяибэ́н; явэ́н муршканэ́, явэ́н зоралэ́.

2 Коринфянэнгэ 1:14

и адя́кэ-паць, сыр тумэ́ сы́рбы ґалынэ́ паш, со тумэ́ могинэ́на тэ радынэ́нпэ пал амэ́ндэ, адя́кэ-паць, сыр и амэ радынасапэ пал тумэ́ндэ дро дывэ́с, ке́ли Рай Дэвэ́л Ису́со явэ́ла нэвэ́стыр.

Galatenge 5:1

Тэды, рикирэнпэ зоралэ́с сыр вольна мануша́, пал-дова́ со Христо́со мэкця́ пэ во́ля амэн и, соб (кай) тумэ́ нэвэ́стыр тэ на урьен писхарискиро ґа́мо.

Filipiicenge 1:27

Дживэ́н гожэс адя́кэ, соб (кай) тэ явэ́н лачхэ́ Христосо́скирэ – бахталэ́ занякэ (звесякэ), соб (кай) мэ, ке́ли ява́ва и дыкха́ва тумэн, ци на ява́ва, нэ соб (кай) тэ шунав тумэ́ндэ, со тумэ́ сан тэрдэ́ зоралэ́с дро екх ду́хо (фа́но), со тумэ́ марэнапэ кхэтанэ́ пал патяибэ́н дрэ бахталы́ зан (звесь),

Filipiicenge 1:8

Дэвэ́л исын якхи́тко ма́нгэ, со тумэ́ сан древа́н дро́га ма́нгэ сарэ́ тумэ́, Исусо́скирэ Христосо́скирэ ласкаса.

Filipiicenge 2:16

ке́ли ракхэна джиибна́скиро лав ваш миро шарибэ́н дро Христосо́скиро дывэ́с, со мэ на ивья́ (на напра́снэс) псирдём и кэрдём буты́.

Filipiicenge 2:26

пал-дова́ со ёв древа́н мангдя́ тэ дыкхэ́л сарэ́н тумэн и пхарэ́с пиридживэлас пал дова́, со тумэ́ шундлэ́ пал лэ́скиро насвалыпэн;

Колосянэнгэ 4:12

Пиридэла “рама́нё” тумэ́нгэ тумаро́ Епафрасо, Исусо́скирэ-Христосо́скиро писха́ри, саво́ саро́ часо мангэлапэ Дэвлэ́скэ зоралэ́с пал тумэ́ндэ, соб (кай) тумэ́ тэ явэ́н тварда и зоралэ́ дро патяибэ́н и тэ кэрэ́н саро́ пир Дэвлэ́скири во́ля.

1 Фесалоникийцэнгэ 3:13

соб (кай) тэ подрикирэ́л тумарэ́ илэ тэ явэ́н тумэ́ бидошакирэ и свэ́нта анги́л амарэ́ Дэвлэ́стэ и Дадэ́стэ, ке́ли явэ́ла амаро́ Рай Дэвэ́л, Ису́со Христо́со сарэ́ Пэ́скирэ свэнтонэнца. Ами́нь.

2 Фесалоникийцэнгэ 2:15

И палдава́, пшала́лэ, явэ́н зоралэ́ пир ду́хо (фа́но) и рикирэнпэ упхэныбнаскэ, савэ́скэ тумэ́ са́нас высыклякирдэ, ци пир лав, ци пир амаро́ лыл.

2 Ximaske 2:1

Ми́ро чха́во, барьёв бутэды́р дро бахталыпэ́н, саво́ исын дыно́ амэ́нгэ дро екхипэ́н Исусо́са Христосо́са,

Юдэ́нгэ 10:23

Ява́са тэ рикираспэ зоралэ́с пал наде́я, сави́ амэ приджиндям би кунипна́скиро, пал-дова́ со Дэвэ́л, Кон дыя́ лав, исын патяибны́тко;

Юдэ́нгэ 3:14

Пал-дова́ со амэ ячасапэ кхэтанэ́ Христосо́са, ко́ли зракхаса дова́ зорало́ патяибэ́н кэ ко́нцо (кэ яго́ро), со амэ́ндэ сыс англэды́р.

Юдэ́нгэ 4:14

Пал-дова́ со амэ́ндэ исын са́мо барэды́р Англатуно́ Раша́й Ису́со, Дэвлэ́скиро Чхаво́, Саво́ прогия́ болыбэ́н кэ Дэвэ́л, амэ ява́са тэ рикираспэ зоралэ́с пал амаро́ патяибэ́н.

2 Petr 3:17

И палдава́ тумэ́, дро́га мирэ́, сыр тумэ́ акана́ англэды́р джинэ́н дава́, ракхэ́нпэ, соб (кай) тумэ́ тэ на кэрэ́н грэ́хо и тэ на патя́н дрэ фрэнтыма кхэтанэ́ кадалэ́ манушэ́нца и тэ на отпэрэн хоралэ патяибнастыр