Filipiicenge 3:8 - Библия - Пэ Балтитко Романи чиб (Романэс) 2019

⁸ И мэ гинава саро́ яви́р пал хасибэ́н ваш дова́, соб (кай) бутэды́р тэ уджинав мирэ́ Рас-Дэвлэ́с, Исусо́с Христосо́с, ваш Лэ́скэ мэ сарэ́стыр отпхэндёмпэ, мэ саро́ гинава пал шума (смети), соб (кай) ма́нгэ екх тэ явав дро екхипэ́н Христосо́са;

Biblija - Pe Baltitko Romani čib (Romanes) 2019

⁸ I me ginava saró javír pal xasibén vaš dová, sob (kaj) butedýr te udžinav miré Ras-Devlés, Isusós Xristosós, vaš Léske me saréstyr otphendjompe, me saró ginava pal šuma (smieti), sob (kaj) mánge jekh te javav dro jekhipén Xristosósa;

Filipiicenge 3:8 Iomraidhean Croise

3 Kralip 14:10

Пал-дова́ Мэ яна́ва би́да пэ кхэр Еровоамоскиро, и мулякирава Еровоамостэ кэ палатуно́ (последнё) мурш, бэшыбнарис, и кон яця́пэ дрэ Израилё, и вышулавава кхэр Еровоамоскиро, сыр вышулавэна шума (мусоро), кэ жужыпэн (чыстота).

4 Kralip 9:37

И явэ́ла Езавелякиро тру́по пэ котэ́р пхув Изреелёскири, сыр гнэё пэ фэ́лда, адя́кэ со нико́н на пхэнэ́ла: ‘Дава́ исын Езавель.’”

Ióvo 20:7

нэ ёв хасёла пэ сарэ́ ве́ки сы́рбы лэ́скирэ отбросы, со́са ёв псирэ́на яври́. И кодолэ́, кон дыкхця́ лэс, пхэнэ́на: “Кай исын ёв?”

Psalmy 126:6

Одова́, кон лыджа́ла пэ́скирэ зя́рки ясвэ́нца, явэ́ла тэ лыджа́л палэ ґарбы (снопы) пэ́скирэ радыма́са.

Psalmy 73:25

Кон ишчо (инкэ́) пэ болыбэ́н исын ма́ндэ апри́ч Ту́тэ? Ма́ндэ нико́н нанэ дро́го пэ пхув апри́ч Ту́тэ.

Isajos 53:11

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Малахия 2:3

Акэ, Мэ отлава псико́ тумэ́ндыр [штылякирава тумаро́ ро́до-ю.о.], и Мэ росчхурдава ґнэё пэ тумарэ́ муя́, ґнэё тумарэ́ свэнкэндыр; и тумэн лыджа́на криг кхэтанэ́ ґнэёса.

Čysly 14:30

тумэ́ на заджа́на пэ пхув, пэ сави́ Мэ, ґаздыи Миро васт, совлахадём тэ росчхував тэ дживэ́н тумэн, апри́ч Халевостэ, Ефонияскирэ чхавэстыр, и Исусо́стэ (Ёхошуастэ), Навиноскирэ чхавэ́стэ;

Luka 1:43

И каты́р дава́ явдя́ ма́нгэ, со Ра́скирэ-Дэвлэ́скири Дай явдя́ кэ Мэ?

Luka 11:20

А ко́ли Мэ вытрадава налачхэ́ ду́хи Дэвлэ́скирэ зорья́са, тэды Дэвлэ́скиро Кралипэ́н явдя́ кэ тумэ́.

Joannostir 14:20

Дрэ дова́ дывэ́с тумэ́ явэ́на тэ джинэ́н, со Мэ сом дрэ Мирэ́ Дадэ́стэ, и тумэ́ сан дрэ Ма́ндэ, и Мэ сом дрэ тумэ́ндэ.

Joannostir 14:7

Ко́ли тумэ́ тэ джинэ́н Ман, тэды тумэ́ джинэнас и Мирэ́ Дадэ́с; и какана́ тумэ́ джинэ́на Лэс и дыкхнэ́ Лэс.”

Joannostir 16:3

Ёнэ явэ́на тэ кэрэ́н адя́кэ, пал-дова́ со адалэ́ мануша́ на джиндлэ́ ни Дадэ́с, ни Ман.

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Joannostir 17:8

пал-дова́ со лав, саво́ Ту Ма́нгэ дыя́н, Мэ дыём лэ́нгэ, и ёнэ прилынэ́ лэс и чачунэ́с ґалынэ́, со Мэ явдём Ту́тыр, и ёнэ патя́на, со Ту бичхадян Ман.

Joannostir 20:13

И ёнэ ракирэ́на ла́кэ: “Джувлие! Со́скэ ту ровэса?” Ёй ракирэ́ла лэ́нгэ: “Ёнэ лыджинэ́ криг мирэ́ Рас-Дэвлэ́с, и мэ на джино́м, карик ёнэ чхудэ́ Лэс.”

Joannostir 20:28

Фама пхэндя́ Лэ́скэ дро отпхэныбэ́н: “Раё Дэ́вла миро и Дэвэ́л миро!”

Apostolengiri Butý 20:24

Нэ мэ ни пэ со дава́ на дыкха́ва, и мэ на дарава пал пэ́скиро джиибэ́н, екх ма́нгэ трэй тэ проджав миро дром и тэ кэра́в рэ́ндо (де́ло), саво́ дыя́ ма́нгэ Рай Дэвэ́л, Ису́со Христо́со, тэ лыджав бахталы́ зан (звесь) манушэ́нгэ пал Дэвлэ́скиро бахталыпэ́н.

Римлянэнгэ 8:18

Палдава́ мэ думинава, со ададывэсатуно амаро́ пиридживибэн нисо́ на мол анги́л дая́ сла́ва, сави́ отчхакирэлапэ амэ́нгэ.

Римлянэнгэ 8:39

ни вучипэ́н, ни хорипэ́н, нисо́ яви́р, со исын джидо́ пэ саро́ парно́ свэ́то, на могинэ́ла тэ тэрдёл машки́р амэ́ндэ и Дэвлэ́скири ла́ска дрэ Исусо́стэ Христосо́стэ, амарэ́ Растэ-Дэвлэ́стэ.

1 Коринфянэнгэ 2:2

Палдава́ ма́ндэ пэ годы́ сыс тэ на джина́в нисо́, апри́ч Исусо́стэ Христосо́стэ, Савэс примардэ пэ трушу́л.

1 Коринфянэнгэ 9:10

Ци адя́кэ-паць Дэвэ́л на ракирэ́ла ваш амаро́ лачхипэ́н? Палдава́ исын пхэндло́ ваш амаро́ лачхипэ́н, со одова́, кон пахинэла (пхаравэла) пхув, мэк ёв тэ пахинэл лачхэ́ ужакирибнаса, и одова́, кон марэла гив, мэк тэ марэл лачхэ́ ужакирибнаса тэ лэл пэ́скири паш далэ́стыр.

2 Коринфянэнгэ 4:4

пал-дова́ со лэ́ндэ, напатяибнаскирэндэ, дава́ свэтоскиро хохано́ дэвлоро штылякирдя лэ́нгири годы́, соб (кай) ёнэ тэ на дыкхэ́н дуд (свэ́то) и тэ на ґалён роспхэныбэн пал бахталы́ зан (звесь) пал Христососкири ярко сла́ва, а Христо́со исын Дэвлэ́скири патри́н (о́бразо).

2 Коринфянэнгэ 4:6

Адава́ исын Дэвэ́л, Саво́ пхэндя́: “Тэ зяинэл дуд (свэ́то) цямлыпнастыр”, исын дова́-паць Дэвэ́л, Кон зачхудя дава́ дуд тэ зяинэл дро амаро́ ило́, соб (кай) амэ тэ ґалёвас Дэвлэ́скири ярко сла́ва, сави́ зяинэла Исусо́стыр Христосостыр.

Galatenge 1:16

и откэрдя Пэ́скирэ Чхавэ́с дрэ ма́ндэ, соб (кай) мэ могинавас тэ роспхэнав бахталы́ зан Наюдэ́нгэ, и тэды мэ на лыём тэ радинавпэ манушэ́нца,

Эфесянэнгэ 4:13

пака амэ сарэ́ ява́са дро екхипэ́н кэ екх патяибэ́н и амэ уджинаса Дэвлэ́скирэ Чхавэ́с, и амэ ячаса барэ́ (стала) мурша и доджаса кэ най сталэдыр (сама стала) Христосо́скирэ бэрша́;

Filipiicenge 1:1

Павли́стыр и Химастыр (Тимафеёстыр), Исусо́скирэ Христосо́скирэ писхарьендыр, кэ сарэ́ свэ́нта мануша́ дрэ Филипы, кон патя́ла дрэ Исусо́стэ Христосо́стэ сарэ́ епископэнца (кхангирья́кирэ барыдырэ́нца) и диаконэнца;

Filipiicenge 3:10

соб (кай) тэ уджинав Лэс и Лэ́скирэ отджидякирибнаскири зор, и тэ явав кхэтанэ́ дрэ Лэ́скирэ мэ́ньки, и тэ мэрав, сыр Ёв.

Filipiicenge 3:12

Нэ пал-дова́, со мэ ничы́ саро́ дава́ на дорэсцём, и мэ на сом какана́ бидошакиро, нэ мэ причхувава зор тэ латхав, ци на латхава и мэ дова́, пал со и латхя́ ман Ису́со Христо́со ваш Пэ́скэ.

Filipiicenge 3:7

нэ со ваш ма́нгэ сыс льго́та, мэ лыём тэ гинав пал хасибэ́н ваш Христосо́скэ.

2 Ximaske 4:6

Пал-дова́ со какана́ миро рат прочхувэла, сыр мол ваш свэ́нто дыибэ́н Ра́скэ-Дэвлэ́скэ и явдя́ миро часо тэ уджав кадалэ́ свэто́стыр.

Юдэ́нгэ 3:14

Пал-дова́ со амэ ячасапэ кхэтанэ́ Христосо́са, ко́ли зракхаса дова́ зорало́ патяибэ́н кэ ко́нцо (кэ яго́ро), со амэ́ндэ сыс англэды́р.

1 Petr 2:7

и адя́кэ Ёв исын дро́го ваш тумэ́нгэ, кон патя́ла, а ваш одолэ́нгэ, кон на патя́ла, Ёв исын бар, саво́ бутярнэ́ на прилынэ́, нэ саво́ яця́ шэралэ́ барэса, пал саво́ мануша́ обштавэнапэ и пэрэ́на;

2 Petr 1:2

мэк бахт и рама́нё (миро) тэ явэ́л дыно́ бут буты́р тумэ́нгэ, сыр тумэ́ уджиндлэ́ Дэвлэ́с и Исусо́с, амарэ́ Рас-Дэвлэ́с,

2 Petr 1:3

Дэвэ́л, Лэ́скирэ Дэвлэ́скирэ зорья́са дыя́ саро́ амэ́нгэ, со трэй ваш дэвлы́тко джиибэ́н, соб (кай) тэ уджинас Дэвлэ́с, Саво́ кхардя́ амэн кэ Пэ слава́са и лачхипна́са,

2 Petr 1:8

и ко́ли саро́ дава́ исын дрэ тумэ́ндэ и барьёла бутэды́р, тэды тумэ́ на ячэ́нпэ чхучэ́ вастэ́нца и би рэндоскиро, ко́ли тумэ́ явэ́на тэ причхувэ́н зор тэ уджинэ́н амарэ́ Рас – Дэвлэ́с, Исусо́с Христосо́с;

2 Petr 3:18

а тэ барьён дро бахтякирибэ́н и тэ уджинэ́н фэды́р амарэ́ Рас-Дэвлэ́с, и Зракхибнарис (Спасителёс) Исусо́с Христосо́с. Тэ явэ́л Лэ́скэ сла́ва какана́ и пэ сарэ́ ве́ки. Ами́нь.

1 Ian 1:3

акэ, дова́-паць, со амэ дыкхцям и шундя́м, и пхэна́са тумэ́нгэ, соб (кай) тумэ́ндэ тэ явэ́н кхэтаныпэн амэ́нца, а амаро́ кхэтаныпэн исын Дадэ́са, и Лэ́скирэ чхавэ́са, Исусо́са Христосо́са.

1 Ian 2:19

Ёнэ выгинэ́ амэ́ндыр, нэ ёнэ на сыс амарэ́; пал-дова́ со, ко́ли ёнэ тэ явэ́н амарэ́, тэды ёнэ ячэнас амэ́нца, нэ ёнэ выгинэ́ амэ́ндыр ваш дова́, соб (кай) тэ явэ́л сыкадо, со ние́кх лэ́ндыр нанэ амаро́.

1 Ian 5:20

Амэ джина́са, со Дэвлэ́скиро Чхаво́ явдя́ и дыя́ амэ́нгэ годы́, соб (кай) амэ тэ уджинас, кон исын чачуно́ Дэвэ́л, и соб (кай) амэ́нгэ тэ явас дро екхипэ́н чачунэ́ Дэвлэ́са, Лэ́скирэ Чхавэ́са, Исусо́са Христосо́са. Дава́ исын чачуно́ Дэвэ́л и ве́чно джиибэ́н.