Filipiicenge 3:5 - Библия - Пэ Балтитко Романи чиб (Романэс) 2019

⁵ мэ со́мас обчхиндло пэ охто́то (бидуе́нгиро дэ́што) дывэ́с, сыр бияндыём, мэ сом Израилёскирэ родо́стыр, и мэ сом Вениамино́скирэ родыцо́стыр, Юдо Юдэндыр, и мэ сом Фарисеё пир сыклякирибэ́н;

Biblija - Pe Baltitko Romani čib (Romanes) 2019

⁵ me sómas občhindlo pe ohtóto (bidujéngiro déšto) dyvés, syr bijandyjom, me som Izrailjoskire rodóstyr, i me som Vieniaminóskire rodycóstyr, Judo Judendyr, i me som Farisiejo pir sykliakiribén;

Filipiicenge 3:5 Iomraidhean Croise

Džiibén 14:13

И екх ману́ш, саво́ яця́пэ джидо́, явдя́, и роспхэндя́ Юдоскэ Аврамоскэ, саво́ тэды дживдя́ пашы́л дэмбитко вэшоро Мамре́, Амореянинос, Эшколоскирэ пшалэ́с и Анероскирэ пшалэ́с, савэ́ сыс дро доракирибэ́н Аврамоса.

Džiibén 17:12

Пэ охто́то (бидуе́нгиро дэ́што) дывэ́с бияныпнастыр, мэк тэ явэ́л обчхиндло тумэ́ндэ дрэ тумари́ стрэч кажно муршкано́ бия́то, саво́ бия́ндыя дро кхэр и киндло пал руп, вари-конэ́стыр чужонэстыр, кон исын на тырэ́ родо́стыр.

Džiibén 40:15

пал-дова́ со ман чордэ Юдэ́нгирэ пхувья́тыр; адя́кэ-паць и ада́й ничи́ на кэрдём, пал со тэ чхурдэ́н ман дро бэшыбэн.”

Džiibén 41:12

И сыс одо́й амэ́нца тэрно́ Юдо, писха́ри стрэгарьенгирэ ра́скэ; амэ роспхэндям лэ́скэ амарэ́ сунэ́, и ёв амэ́нгэ кажнонэ́скэ пирипхэндя;

Jona 1:9

И отпхэндя́ ёв лэ́нгэ: “Мэ сом Юдо; и мэ дарава Ра́стыр-Дэвлэ́стыр; Дэвлэ́стыр болыбнаскирэстыр, Кон создыя́ мо́рё (дэрья́в) и пхув шуки́.”

Luka 1:59

И сыс адя́кэ: ке́ли биятоскэ (муршорэскэ) сыс охто́ (бидуе́нгиро дэш) дывэса́, ёнэ явнэ́ тэ обчхинэн лэс, и ёнэ камлэ́ тэ кхарэ́н чхавэ́с “Заха́рия” пир дадэ́стэ,

Luka 2:21

И ке́ли прогинэ́ охто́ (бидуе́нгиро дэш) дывэса́, соб (кай) тэ обчхинэн Тыкнэ́ Биятос, дынэ́ Лэ́скэ лав Ису́со, лав, саво́ дыя́ Янго́ло анги́л дава́, сыр Лэ́скири Дай яця́ пхари́ Лэ́са.

Luka 5:38

Нэ нэви́ мол трэй тэ чхувэ́л дрэ нэвэ гонэ́, тэды зракхэ́лапэ и мол, и гонэ́.

Apostolengiri Butý 22:3

И ёв пхэндя́: “Мэ сом Юдо, бияндыём дро Киликиякиро Тарсо, а выбариём мэ дрэ дава́ фо́ро, мэ сом лачхэ́с высыклякирдо дрэ амарэ́ дадэ́нгиро и высталиндёмпэ пашы́л Гамалиилостэ дро Зако́но, и адя́кэ-паць мэ патя́ва дрэ Дэвлэ́стэ, сыр и сарэ́ тумэ́ ададывэ́с;

Apostolengiri Butý 23:6

Нэ Па́вли джиндя́, со екх паш лэ́ндыр сыс Садукеи, а яви́р паш Фарисе́и, палдава́ ёв лыя́ зоралэ́с тэ ракирэ́л Синедрионоскэ (сэндоскирэ скэдыибнаскэ): “Пшала́лэ мирэ́! Мэ сом Фарисеё, чхаво́ Фарисеёскиро; и сэндинэна ман пал миро лачхо́ ужакирибэ́н дро отджидыибэн мулэ́ндыр.”

Apostolengiri Butý 6:1

Нэ дрэ долэ́ дывэса́, ке́ли сыкляибны́тка ячнэ́ буты́р, выгия́ Елинистэндыр холямо́ ракирибэ́н пэ Юдэ́ндэ, со ёнэ бистрэна пал лэ́нгирэ пивлендэ (удовэндэ), ке́ли роздэна кажнонэ́-дывэсы́тко хабэ́н.

Римлянэнгэ 11:1

Палдава́ мэ пхучава: “Ци Дэвэ́л мэкця́ Пэ́скирэ манушэ́н?” Над. Мэ кокоро́ сом Израильтянино, Авраамо́скирэ родо́стыр, Вениамино́скирэ рига́тыр.

2 Коринфянэнгэ 11:22

Исын ёнэ Юды? Мэ адя́кэ-паць сом. Исын ёнэ Израилёскирэ? Мэ адя́кэ-паць сом. Исын ёнэ Авраамо́скирэ родо́стыр? Мэ адя́кэ-паць сом.

1 Kralip 4:6

И шундлэ́ Филистимля́ни го́дла радымакири, и пхэндлэ́: “Со́стыр дасавэ́ бари го́дла радымакири дро Юдэ́нгиро ста́но?” И уджиндлэ́, со Ра́скирэ-Дэвлэ́скиро ковчэго явдя́ дро ста́но.