Filipiicenge 2:16 - Библия - Пэ Балтитко Романи чиб (Романэс) 2019

¹⁶ ке́ли ракхэна джиибна́скиро лав ваш миро шарибэ́н дро Христосо́скиро дывэ́с, со мэ на ивья́ (на напра́снэс) псирдём и кэрдём буты́.

Biblija - Pe Baltitko Romani čib (Romanes) 2019

¹⁶ kiéli rakhena džiibnáskiro lav vaš miro šaribén dro Xristosóskiro dyvés, so me na ivjá (na naprásnes) psirdjom i kerdjom butý.

Filipiicenge 2:16 Iomraidhean Croise

Psalmy 40:9

‘Мэ древа́н кама́м тэ кэра́в Тыри́ во́ля, о миро Дэ́вла, и Тыро́ Зако́но исын дро Миро ило́.

Psalmy 71:17

О, Дэ́вла! Ту сыклякирдян ман мирэ́ тэрныпнастыр и кэ акана́ мэ ракира́ва сарэ́нгэ пал Тырэ́ ди́вна бутя́.

Isajos 49:4

А Мэ пхэндём: “Ивья́ (напра́снэс) Мэ кэравас буты́, Мэ нашадём (хасякирдём) пэ́скири зор. Нэ миро чачипэ́н кэ Рай Дэвэ́л; Дэвэ́л миро отпарикирэла Ма́нгэ.”

Матфеё 10:27

Со Мэ пхэна́ва тумэ́нгэ екх пэ екх, ракирэ́н сарэ́нгэ, и со тумэ́нгэ мануша́ пхэнэ́на пэ кан, пхэнэ́н пэ кхэри́тко бэ́рга.

Luka 12:8

Нэ Мэ пхэна́ва тумэ́нгэ: кажнонэс, кон приґалёла Ман и роспхэнэ́ла пал Ма́ндэ анги́л манушэ́стэ, кодолэ́с Мэ приґалёвава анги́л Дэвлэ́скирэ Янголэндэ;

Joannostir 6:63

Ду́хо (Фа́но) дэ́ла джиибэ́н, а дро манушы́тко лоч (плоть) нанэ ни сави́ зор. Лава́, савэ́ Мэ ракира́ва тумэ́нгэ, исын ду́хо (фа́но) и джиибэ́н.

Joannostir 6:68

Си́моно Пэ́три Лэ́скэ отпхэндя́: “Раё Дэ́вла! Кэ кон амэ́нгэ тэ джас? Ту́тэ исын лава́, савэ́ дэ́на ве́чно джиибэ́н.

Apostolengiri Butý 13:26

Мануша́лэ-Пшала́лэ, Чхавэ́ Авраамо́скирэ, и машки́р тумэ́ндэ исын На́юды, савэ́ кутякирэна Дэвлэ́с! Дава́ зракхибнаскиро лав сыс бичхадо́ амэ́нгэ:

1 Коринфянэнгэ 1:8

Ёв адя́кэ-паць подрикирэ́ла тумаро́ зорало́ патяибэ́н кэ ко́нцо (кэ яго́ро), соб (кай) тумэ́ тэ явэ́н бидошакирэ дро дывэ́с, ке́ли амаро́ Рай Дэвэ́л, Ису́со Христо́со, явэ́ла яви́р мо́ло.

1 Коринфянэнгэ 9:26

И палдова́ мэ прастава на сы́рбы ману́ш, конэ́скэ нанэ смысло, палдава́ мэ маравпэ пал призо на сыр ману́ш, саво́ пэкавэла пир фа́но (воздухо).

2 Коринфянэнгэ 1:14

и адя́кэ-паць, сыр тумэ́ сы́рбы ґалынэ́ паш, со тумэ́ могинэ́на тэ радынэ́нпэ пал амэ́ндэ, адя́кэ-паць, сыр и амэ радынасапэ пал тумэ́ндэ дро дывэ́с, ке́ли Рай Дэвэ́л Ису́со явэ́ла нэвэ́стыр.

Galatenge 2:2

и мэ гиём одори́к пир Дэвлэ́скиро упхэныбэ́н и пирипхэндём бахталы́ зан (звесь), сави́ мэ роспхэнавас анги́л Наюдэ́ндэ, нэ екх пэ екх кодолэ́нгэ, кон сыс дрэ паты́в машки́р манушэ́ндэ, пал-дова́ со, ци на ивья́ (напра́снэс) мэ сыклякиравас манушэ́н и ґарэдыр сыклякирдём;

Galatenge 4:11

Мэ дарава, со ци на ивья́ (напра́снэс) мэ кэрдём буты́ машки́р тумэ́ндэ.

Filipiicenge 1:10

соб (кай) тумэ́ могинэ́нас тэ розлэн (тэ розгалён), со исын фэды́р ваш тумэ́нгэ, соб (кай) тумэ́ тэ явэ́н жужэ́ и бибангипнаскирэ дро Дывэ́с, ке́ли Христо́со явэ́ла,

Filipiicenge 1:6

мэ патя́ва зоралэ́с дро дова́, со Дэвэ́л, Кон лыя́ тэ кэрэ́л дрэ тумэ́ндэ дава́ лачхо́ рэ́ндо, явэ́ла тэ кэрэ́л кэ/жы́ко дова́ Дывэ́с, ке́ли нэвэ́стыр явэ́ла Ису́со Христо́со:

1 Фесалоникийцэнгэ 2:19

Кон могинэ́ла тэ явэ́л амарэ́ лачхэ́ ужакирибнаса, ци радыма́са, ци шарибнытконэ вянкаса (коронаса)? Ци дава́ исын на тумэ́ анги́л амарэ́ Растэ – Дэвлэ́стэ, Исусо́стэ Христосо́стэ, сыр Ёв явэ́ла.

1 Фесалоникийцэнгэ 3:5

Пал-дова́ и мэ адя́кэ-паць на могиндём тэ вырикирав буты́р и бичхадём Химас тэ уджинэл пал тумаро́ патяибэ́н, соб (кай) тэ на злыджал тумэн на́лачхо и сари́ амари́ буты́ ваш Дэвлэ́скэ тэ на явэ́л ивья́ (напра́снэс).

Юдэ́нгэ 4:12

Дэвлэ́скиро лав исын джидо́ и пхэрдо́ зорья́са, вострэдыр (чолалэды́р) любонэ куртала́тыр, сави́ чхинэла пэ дуй рига́, Дэвлэ́скиро лав заджа́ла хор машки́р ило́ и ду́хо (фа́но), машки́р кокалы́ и трушу́л, кай исын думо, и сэндинэла манушэ́нгирэ рэ́нды и мысли пэ ило́.

1 Petr 1:23

Тумэ́ сан нэвэ́стыр бияндлэ, на тумарэ́ дадэндыр, а Дэвлэ́скирэ лавэ́стыр, саво́ исын джидо́, и саво́ ве́чнэс зракхэ́лапэ.

1 Ian 1:1

Пал дова́, со сыс англыпна́стыр, пал дова́, со амэ шундя́м, со дыкхцям пэ́скирэ якхэ́нца, со амэ роздыкхасас, и со чилавэнас амарэ́ васта́, дова́ и амэ пхэнасас пал Джиибна́скиро лав, –

Sykadyipén 22:17

Ду́хо (Фа́но) и тэрны́ пхэнэ́на: “Яв!” И мэк о одова́, кон шунэ́ла, тэ пхэнэ́л: “Яв!” И мэк одова́, конэ́стэ исын смэ́га, тэ пьел джиибна́скиро пани́ би ловэнгиро.