Filipiicenge 2:1 - Библия - Пэ Балтитко Романи чиб (Романэс) 2019

¹ И ко́ли ваш тумэ́нгэ исын вари-саво́ подрикирибэ́н дрэ Исусо́стэ, ко́ли исын вари-сави́ бахт тумарэ́ патыватыр кэ яви́р мануша́, ко́ли исын вари-саво́ илэ́скиро кхэтаныпэн пир Ду́хо, ко́ли исын вари-саво́ тангипэ́н и жалима,

Biblija - Pe Baltitko Romani čib (Romanes) 2019

¹ I kóli vaš tuménge isyn vari-savó podrikiribén dre Isusóste, kóli isyn vari-saví baht tumaré patyvatyr ke javír manušá, kóli isyn vari-savó iléskiro khetanypen pir Dúho, kóli isyn vari-savó tangipén i žalima,

Filipiicenge 2:1 Iomraidhean Croise

Psalmy 133:1

Кхангирья́кири Гилы́. Давидоскири. Дыкхэ́н! Сыр лачхэ́с и дрогэс исын тэ дживэ́н машки́р пшалэ́ндэ дро екхипэ́н!

Isajos 16:11

Палдова́ тангинэла миро ило́ сыр башады (гусли) пал Моа́во, и ило́ Миро – пал Кирхарешэто.

Luka 2:25

И, ґа́да, сыс ману́ш, савэ́с кхардэ́ Симеоно; ёв сыс чачуно́ ману́ш и дарэлас Дэвлэ́стыр; ёв ужакирэлас, ке́ли явэ́ла Израилёскиро Зракхибнари, и Ду́хо (Фа́но) Свэ́нто сыс пэ лэ́стэ.

Joannostir 14:18

Мэ на ячкирава тумэн пиротэнца (сиротэнца), Мэ ява́ва кэ тумэ́.

Joannostir 14:27

Мэ ячкирава рама́нё (миро) тумэ́нгэ, Миро рама́нё Мэ да́ва тумэ́нгэ: нэ на адя́кэ, сыр свэ́то дэ́ла, Мэ да́ва тумэ́нгэ, и мэк тэ на страхадёл тумаро́ ило́, и тэ на дарэл.

Joannostir 17:13

Какана́ Мэ джа́ва кэ Ту, и дава́ Мэ ракира́ва, пака Мэ сом дро свэ́то, соб (кай) лэ́ндэ тэ явэ́л Мири́ пхэрды́ ра́дыма дрэ пэ́стэ.

Apostolengiri Butý 2:46

И кажно дывэ́с ёнэ кэдэнаспэ кхэтанэ́ дрэ Кхангири́, пхагирэнас маро́ и ханас кхэтанэ́ радыма́са и чачипна́са дро ило́,

Apostolengiri Butý 4:32

Патяибнаскирэ мануша́ сыс кхэтанэ́ илэ́са и годя́са; и нико́н нисо́ пэ́скирэ миштыпна́стыр на гиндя пал пэ́скиро, а саро́, со лэ́ндэ сыс, сыс пэ сарэ́ндэ;

Римлянэнгэ 5:5

И амари́ наде́я на подлыджала амэн, пал-дова́ со Дэвлэ́скири ла́ска пир Свэ́нто Ду́хо (Фа́но) пхэрдякирдя́ амарэ́ илэ ласкаса, сави́ дыны́ амэ́нгэ:

Римлянэнгэ 8:26

Адя́кэ-паць и Ду́хо (Фа́но) подрикирэ́ла амэн дрэ амаро́ бизорьякирибэн; амэ на джина́са, пал со и сыр трэй тэ мангаспэ Дэвлэ́скэ, нэ Ду́хо кокоро́ мангэ́ла Дэвлэ́с пал дова́, со амарэ́ лава́ исын на дрэ зор тэ пиридэл.

1 Коринфянэнгэ 12:13

Пал-дова́ со амэ болдямпэ екхэ Духо́са дро екх маса́, – Юды ци Гре́ки (Баламэ́), – писха́рья ци вольна мануша́, и сарэ́нгэ амэ́нгэ сыс дыно́ тэ прилас екх Ду́хо (Фа́но).

1 Коринфянэнгэ 15:31

Мэ со дывэ́с мэра́ва: мэ совлахава, со дава́ чачипэ́н шарибнаса, со исын ма́ндэ, пал тумаро́ патяибэ́н дрэ Исусо́стэ Христосо́стэ, амарэ́ Растэ-Дэвлэ́стэ.

1 Коринфянэнгэ 3:16

Тумэ́ джинэ́на, со тумэ́ сан Дэвлэ́скири Кхангири́, и со Дэвлэ́скиро Ду́хо (Фа́но) дживэ́ла дрэ тумэ́ндэ.

2 Коринфянэнгэ 13:14

Мэк бахталыпэ́н амарэ́ Ра́скирэ-Дэвлэ́скиро, Исусо́скирэ-Христосо́скиро, Дэвлэ́скири ла́ска и паты́в и Свэнтонэ́ Духо́скиро кхэтаныпэ́н тэ явэ́н тумэ́нца. Ами́нь.

2 Коринфянэнгэ 2:14

Нэ парик Дэвлэ́скэ, Саво́ ўса́ды (сак) лыджа́ла вучэ́с амэн дро екхипэ́н Христосо́са и пиридэла пир амэ́ндэ джиныбэ́н пал Христосо́стэ, саво́ амэ сунгаса (сунгаваса) сыр гудло́ кхандыпэн.

Galatenge 4:6

Нэ пал-дова́, со тумэ́ сан Лэ́скирэ чхавэ́, Дэвэ́л бичхадя́ Лэ́скирэ-Чхавэ́скиро Ду́хо (Фа́но) дро амаро́ ило́, Саво́ дэ́ла го́дла: “Авва! Да́до!”

Galatenge 5:22

А пир Свэ́нто Ду́хо (Фа́но) мануша́ дживэ́на патыва́са кэ яви́р мануша́, радыма́са, спокойнымаса, длугонэ вырикирибнаса, лачхэ́-илыткимаса, лачхипна́са, чачипна́са;

Эфесянэнгэ 4:4

Исын екх маса́ и екх Ду́хо (Фа́но), сыр исын и екх наде́я, кэ сави́ Дэвэ́л кхардя́ тумэн;

Filipiicenge 1:8

Дэвэ́л исын якхи́тко ма́нгэ, со тумэ́ сан древа́н дро́га ма́нгэ сарэ́ тумэ́, Исусо́скирэ Христосо́скирэ ласкаса.

Filipiicenge 3:3

Пал-дова́ со обчхиныбэн дава́ исын амэ тумэ́нца, савэ́ мангэ́напэ Дэвлэ́скэ Лэ́скирэ Духо́са, и шарасапэ дро екхипэ́н Исусо́са Христосо́са, и амэ на древа́н патя́са дрэ лоч (плоть),

Колосянэнгэ 2:2

соб (кай) лэ́нгирэ илэ тэ явэ́н подрикирдэ, соб (кай) ёнэ тэ явэ́н кхэтанэ́ дрэ паты́в кэ яви́р мануша́ ваш кажно барвалыпэ́н, тэ уджинэ́н пхэрдэ́с Дэвлэ́скиро гарадо́ чачипэ́н пал Христосо́стэ,

Колосянэнгэ 3:12

И палдава́ пирикэрэн пэс дрэ манушэ́ндэ, савэ́н Дэвэ́л выкэдыя́: явэ́н свэ́нта, дро́га, явэ́н тангипны́тка и лачхэ́-илытка, бишарибнаскирэ, ковлэ́-илы́тка, длугонэ вырикирибнаса;

Юдэ́нгэ 6:18

Дэвэ́л кэрдя́ адя́кэ пир дуй чачипэна́: Дэвэ́л на парувэла пхэндло́ лав и на хохавэла. Амэ́нгэ, савэ́ чхурдыямпэ кэ Ёв тэ ухтыласпэ пал наде́я, со сыс дыны́ амэ́нгэ, явэ́ла зорало́ подыно васт (помошш) тэ зракхаспэ.

1 Petr 1:2

пир Дэвлэ́скирэ-Дадэ́скиро задуминыбэн ваш дова́, соб (кай) тэ кандэ́н Исусо́с Христосо́с, Саво́ отмэкця́ грэ́хи Лэ́скирэ Духо́са, соб (кай) тумэ́ тэ явэ́н помакхнэ Лэ́скирэ Ратэ́са: мэк бахтякирибэ́н и рама́нё (миро) тэ явэ́н бут бут тумэ́нгэ.

1 Ian 3:24

И кон ракхэ́ла Лэ́скирэ припхэныбэна́, одова́ дживэ́ла дро екхипэ́н Лэ́са, и Дэвэ́л исын дро екхипэ́н Лэ́са. И дова́, со Дэвэ́л дживэ́ла дро екхипэ́н Лэ́са, амэ уджинаса пир Ду́хо (Фа́но), Саво́ Ёв дыя́ амэ́нгэ.

1 Ian 4:12

Ние́кх ману́ш ние́кхвар на дыкхця́ Дэвлэ́с. Ко́ли амэ сам лачхэ́ екх кэ екх, тэды Дэвэ́л дживэ́ла дро екхипэ́н амэ́нца, и Лэ́скири ла́ска исын пхэрды́ дрэ амэ́ндэ.

1 Ian 4:16

И амэ уджиндям ла́ска и упатяндыям, сави́ ла́ска исын Дэвлэ́стэ кэ амэ. Дэвэ́л исын дрэ пшалы́тко паты́в кэ яви́р мануша́, и одова́ ману́ш, кон исын лачхо́ кэ яви́р, дживэ́ла дро екхипэ́н Дэвлэ́са и Дэвэ́л исын дро екхипэ́н лэ́са.