Filipiicenge 1:5 - Библия - Пэ Балтитко Романи чиб (Романэс) 2019

⁵ пал-дова́ со тумэ́ роспхэнэнас бахталы́ зан (звесь) пэрвонэ́ дывэсэ́стыр и адя́кэ-паць кэ ададывэсатуно дывэ́с,

Biblija - Pe Baltitko Romani čib (Romanes) 2019

⁵ pal-dová so tumé rosphenenas bahtalý zan (zvies') pervoné dyveséstyr i adiáke-pac' ke adadyvesatuno dyvés,

Filipiicenge 1:5 Iomraidhean Croise

Apostolengiri Butý 2:42

И ёнэ ўса́ды (сак) явэ́нас кхэтанэ́ пир Апостолэнгиро сыклякирибэ́н тэ ракирэ́н екх екхэ́са, тэ пхагирэн маро́ и тэ мангэ́нпэ Дэвлэ́скэ.

Римлянэнгэ 11:17

А ко́ли вари-савэ́ рандя́ отпхадинэ, а тут сыр хрустэнгири маслина прибарьякирды пэ лэ́нгиро штэ́то, и какана́ адя́кэ-паць, сыр и ёнэ, ту чаравэ́саспэ (хахавэ́саспэ) явирэ ранде́нца тхулэ́-оливитконэ́ каштэ́стыр,

Римлянэнгэ 12:13

помогинэн (подэн васт) Дэвлытконэ́ манушэ́нгэ, ке́ли лэ́ндэ исын трэ́бима, дыкхэ́н илэ́са пал одолэ́ манушэ́ндэ, савэ́ явэ́на кэ тумэ́.

Римлянэнгэ 15:26

пал-дова́ со Македония и Ахия закамлэ тэ скэдэ́н тэ дэн ловэ́ илэ́стыр свэнтонэнгэ Ерусалимо́стыр.

1 Коринфянэнгэ 1:9

Дэвлэ́скэ, Саво́ прикхардя тумэн дро кхэтаныбэн Лэ́скирэ Чхавэ́са, Исусо́са Христосо́са, Амарэ́ Ра́са, трэй тэ патя́н сарэ́са.

2 Коринфянэнгэ 8:1

Мэ кама́м, соб (кай) тумэ́ тэ джинэ́н, пшала́лэ, пал Дэвлэ́скиро бахталыпэ́н, со дыно́ кхангирья́кирэ скэдыибнэнгэ дрэ Македония,

Эфесянэнгэ 3:6

соб (кай) и Наюдэ́нгэ тэ явэ́н кхэтанэ́ Юдэнца дро Дэвлэ́скиро бахтякирибэ́н и, соб (кай) ёнэ тэ ячэн пашэ́нца екхэ масэ́ндыр, адя́кэ-паць и дыно́ лав отлыджалапэ лэ́нгэ, саво́ сыс дыно́ дро Исусо́стэ Христосо́стэ пир бахталы́ зан.

Filipiicenge 1:12

Пшала́лэ, мэ кама́м, соб (кай) тумэ́ тэ джинэ́н, со саро́, со кэрдя́пэ ма́нца, и со помогиндя ма́нгэ мишто́ тэ роспхэнав бахталы́ зан,

Filipiicenge 1:16

Екх мануша́ роспхэнэна Христосо́скиро лав далэ́стыр, со ёнэ спробинэна зорья дро лав екх екхэ́са, а на илэ́стыр, ёнэ камэ́на тэ кэрэ́н, соб (кай) тэ явэ́л ма́нгэ пхарэдыр дро штарибэ́н.

Filipiicenge 1:27

Дживэ́н гожэс адя́кэ, соб (кай) тэ явэ́н лачхэ́ Христосо́скирэ – бахталэ́ занякэ (звесякэ), соб (кай) мэ, ке́ли ява́ва и дыкха́ва тумэн, ци на ява́ва, нэ соб (кай) тэ шунав тумэ́ндэ, со тумэ́ сан тэрдэ́ зоралэ́с дро екх ду́хо (фа́но), со тумэ́ марэнапэ кхэтанэ́ пал патяибэ́н дрэ бахталы́ зан (звесь),

Filipiicenge 1:7

чачэс, дава́ трэй ма́нгэ тэ мыслинав пал сарэ́ндэ тумэ́ндэ, пал-дова́ со тумэ́ сан дро миро ило́ и какана́ дро штарибэ́н (бэшыбэн), адя́кэ-паць, ке́ли мэ затэрдёвава пал сарэ́ндэ тумэ́ндэ и допхэнава патяибэ́н пал бахталы́ зан (звесь), сарэ́н тумэ́ндэ, савэ́ сан кхэтанэ́ ма́нца дро Дэвлэ́скиро бахталыпэ́н.

Filipiicenge 2:12

И палдава́, мирэ́ дро́га, сыр тумэ́ саро́ часо, ке́ли мэ сом тумэ́нца, нэ буты́р сарэ́стыр какана́ дро дава́ часо, ке́ли ман нанэ тумэ́нца, причхувэ́н зор дара́са и издраныпнаса тэ кэрэ́н буты́ ваш пэ́скиро зракхибэ́н,

Filipiicenge 2:22

Нэ сыр ёв (Хима) пэс сыкадя́, тумэ́ кокорэ́ джинэ́на, пал-дова́ со ёв сыс кхэтанэ́ ма́нца, сыр чхаво́ дадэ́са, дынариндя́ ваш бахталы́ зан (звесь).

Filipiicenge 4:3

и мэ манга́ва и тут, миро чачуно́ мал пир буты́, тэ дэс васт лэ́нгэ, адалэ́ джувленгэ, савэ́ лынэпэ тэ роспхэнэ́н бахталы́ зан (звесь) кхэтанэ́ ма́нца, и Климентоса и явирэ мирэ́ малэнца пир буты́, савэнгирэ лава́ исын дрэ Дэвлэ́скирэ-джиибна́скири лылвари́.

Filimon 1:17

И палдава́, ко́ли ту гинэса ман пал пэ́скирэ малэ́стэ (другостэ), тэды прилэ́ лэс адя́кэ, сыр ту прилэсас ман:

Юдэ́нгэ 3:14

Пал-дова́ со амэ ячасапэ кхэтанэ́ Христосо́са, ко́ли зракхаса дова́ зорало́ патяибэ́н кэ ко́нцо (кэ яго́ро), со амэ́ндэ сыс англэды́р.

2 Petr 1:1

Симоностыр Пэтристыр, Исусо́скирэ Христосо́скирэ писхаристыр и Апостолостыр, сарэ́ манушэ́нгэ, кон прилыя́ дасаво-паць дро́го патяибэ́н кхэтанэ́ амэ́нца пир чачипэ́н амарэ́ Дэвлэ́скиро и Зракхибнарискиро, Исусо́скирэ Христосо́скиро,

1 Ian 1:3

акэ, дова́-паць, со амэ дыкхцям и шундя́м, и пхэна́са тумэ́нгэ, соб (кай) тумэ́ндэ тэ явэ́н кхэтаныпэн амэ́нца, а амаро́ кхэтаныпэн исын Дадэ́са, и Лэ́скирэ чхавэ́са, Исусо́са Христосо́са.

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.