Filipiicenge 1:23 - Библия - Пэ Балтитко Романи чиб (Романэс) 2019

²³ Ман тырдэла и екх и яви́р: ма́ндэ исын выкэдыибэн тэ розячавпэ джиибнаса и тэ явав кхэтанэ́ Христосо́са, пал-дова́ со дава́ исын фэды́р сарэ́стыр,

Biblija - Pe Baltitko Romani čib (Romanes) 2019

²³ Man tyrdela i jekh i javír: mánde isyn vykedyiben te roziačavpe džiibnasa i te javav khetané Xristosósa, pal-dová so davá isyn fedýr saréstyr,

Filipiicenge 1:23 Iomraidhean Croise

2 Коринфянэнгэ 5:8

и амэ зоралэ́с патя́са и амэ фэды́р камасас тэ мэкас амаро́ кхэр ваш маса́ и тэ явас кхэрэ́ Дэвлэ́са.

Psalmy 17:15

А мэ ява́ва тэ дыкха́в Тыро́ муй дрэ чачипэ́н, ке́ли мэ джанґадёвава, мэ ява́ва тэ радынавпэ, соб (кай) тэ явав пашы́л Ту́тэ.

Sykadyipén 14:13

И мэ шундём зан болыбна́стыр, сави́ пхэндя́: “Зачхин: ‘Бахталэ́ исын одолэ́, савэ́ мэрэ́на дро екхипэ́н Дэвлэ́са ададывэсэстыр!’” “Чачо́”, – ракирэ́ла Ду́хо. “Ёнэ дэ́на ра́да тэ откинён пхарэ́ бутя́тыр и лэ́нгирэ рэ́нды джа́на пала́л!”

Apostolengiri Butý 7:59

Ёнэ ишчо (инкэ́) мардэ́ Стехванос барэ́нца, а Стехвано мангдя́пэ Дэвлэ́скэ и ракирдя́: “Раё Дэ́вла, Ису́се! Прилэ́ миро ду́хо (фа́но).”

Luka 23:43

Ису́со пхэндя́ Лэ́скэ: “Чачэс, Мэ ракира́ва ту́кэ: ададывэ́с ту явэ́са Ма́нца дро Болыбна́скиро Раё.”

2 Ximaske 4:6

Пал-дова́ со какана́ миро рат прочхувэла, сыр мол ваш свэ́нто дыибэ́н Ра́скэ-Дэвлэ́скэ и явдя́ миро часо тэ уджав кадалэ́ свэто́стыр.

Joannostir 17:24

Да́до! Савэ́н Ту дыя́н Ма́нгэ, ёнэ ячнэ́ дро́га Ма́нгэ, соб (кай) ёнэ тэ явэ́н одо́й кхэтанэ́ Ма́нца, кай и Мэ; мэк ёнэ тэ дыкхэ́н Мири́ бари паты́в, сави́ Ту дыя́н Ма́нгэ, пал-дова́ со Ту́кэ Мэ яцём дро́го анги́л, сыр свэ́то сыс создыно́.

Joannostir 12:26

Одова́, саво́ Ма́нгэ дынаринэла, мэк тэ джал пал Ма́ндэ, и кай Мэ сом одо́й и дына́ри Миро явэ́ла; и одолэ́скэ, кон Ма́нгэ явэ́ла тэ дынаринэ́л, одолэ́с Миро Дад славинэла.

Psalmy 49:15

Сыр бакрэ́н лэн выкэдэна ваш лю́но (адо), мэрибэ́н явэ́ла тэ чаравэл лэн, чачипнаскирэ мануша́ явэ́на тэ рикирэ́н лофо (верхо) пэ лэ́ндэ злокостыр и лэ́нгиро маса́ явэ́на тэ кирнён; маґила явэ́ла лэ́нгиро штэ́то.

1 Фесалоникийцэнгэ 4:17

тэ́ньчи амэ, сэвэ явэ́на джидэ́ дро дова́ часо, ява́са ґаздынэ́ пхувья́тыр, кхэтанэ́ лэ́нца пэ о́блоки тэ стрэнинас (тэ пирилас) Рас-Дэвлэ́с и амэ саро́ часо ява́са кхэтанэ́ Лэ́са.

Joannostir 14:3

И ке́ли Мэ джа́ва и кэдава штэ́то тумэ́нгэ, Мэ ява́ва нэвэ́стыр и лава́ тумэн кэ Пэ; соб (кай) и тумэ́ тэ явэ́н одо́й, кай Мэ ява́ва.

Luka 12:50

Ма́нгэ трэй тэ болавпэ, и сыр Мэ пиридживава, пака дава́ саро́ сполнинэлапэ!

1 Фесалоникийцэнгэ 2:13

Палдава́ и амэ адя́кэ-паць ўса́ды (сак) парикираса Дэвлэ́скэ, со тумэ́ прилынэ́ Дэвлэ́скиро лав, саво́ амэ роспэндям, тумэ́ прилынэ́ лэс на сы́рбы манушэ́нгиро лав, нэ сыр Дэвлэ́скиро лав, пир чачипэ́н, саво́ кэрэ́ла буты́ дрэ тумэ́ндэ патяибнаскирэндэ.

Joannostir 13:1

Анги́л свэ́нко Патради́ Ису́со, сыр джиндя́, со явдя́ пашылэды́р мардо́ (шту́нда) ваш Лэ́скэ тэ мэкэл дава́ свэ́то и тэ рисёл кэ Дад, Лэ́скэ ячнэ́ древа́н дро́га одолэ́, савэ́ дживдэ́ Лэ́са пэ дава́ свэ́то, и какана́ Ёв сыкадя́ сари́ зор Пэ́скирэ ласкаса кэ ёнэ.

Luka 8:38

А ману́ш, савэ́стыр выгинэ́ налачхэ́ ду́хи (фаны), мангдя́ Исусо́с тэ явэ́л Лэ́са. Нэ Ису́со бичхадя́ лэс и пхэндя́:

1 Фесалоникийцэнгэ 2:1

Пшала́лэ, тумэ́ джинэ́на, кокорэ́, со амаро́ явибэн кэ тумэ́ на сыс ивья́ (напра́снэс),

2 Коринфянэнгэ 6:12

Амарэ́ рига́тыр амэ сам сарэ́ илэ́стыр кэ тумэ́, а тумэ́ сы́рбы запхандлэ пэ́скиро ило́ амэ́ндыр,

2 Kralip 24:14

И пхэндя́ Дави́до Гадоскэ: “Пхаро́ исын древа́н ма́нгэ; нэ мэк тэ пэрав мэ дрэ Ра́скирэ-Дэвлэ́скирэ васта́, пал-дова́ со баро́ исын Лэ́скиро ковлыпэн; екх со дрэ манушэ́нгирэ васта́ тэ на пэрав ма́нгэ.”

Filipiicenge 1:24

нэ тэ ячавпэ джидо́, дава́ исын буты́р трэй ваш тумэ́нгэ;