Ester 9:3 - Библия - Пэ Балтитко Романи чиб (Романэс) 2019

³ И сарэ́ тхэмэ́скирэ (государствалэ) рая дрэ провинцыи, и шэралэ́ и тхэмэ́скирэ барыдыра́, и мануша́, савэ́ сполнинэна крали́скирэ рэ́нды подрикирэнас Юдэ́н, пал-дава́ со пыя́ пэ лэ́ндэ дар анги́л Мардохеёстэ.

Biblija - Pe Baltitko Romani čib (Romanes) 2019

³ I saré theméskire (gosudarstvale) raja dre provincyi, i šeralé i theméskire barydyrá, i manušá, savé spolninena kralískire réndy podrikirenas Judén, pal-davá so pyjá pe lénde dar angíl Mardohiejoste.

Ester 9:3 Iomraidhean Croise

Е́здра 2:2

кон явдя́ кхэтанэ́ Зоровавелёса, Исусо́са (Ёхошуаса), Ниемияса, Сараияса, Реелаёса, Мардохеёса (Мордэхаёса), Билшаноса, Мисфароса, Бигваёса, Рехумоса и Вааноса. Акэ, кицы́ сыс мануша́ Израилёстыр:

Е́здра 8:36

И ёнэ подынэ крали́скирэ припхэныбэна́ крали́скирэ барэдырэнгэ дрэ округа, и шэралэ́ рангэ дрэ доя́ пхув, со исын пэ дая́ риг рэкакири (лэнякири). И ёнэ кэрдэ́ паты́в манушэ́нгэ и Кхэрэ́скэ (Кхангирьякэ) Дэвлэскирэскэ.

Ester 3:12

И сыс кхардэ́ крали́скирэ лыла́-чхиныбнаскирэ дро пэ́рво чхон, пэ лэ́скиро дэшутрито дывэ́с, и сыс чхиндло́, сыр пхэндя́ Ама́но, крали́скирэ барыдырэ́нгэ дрэ провинцыи тхэмэ́скирэ и барыдырэ́нгэ пэ кажно провинцыя и тхагарье́нгэ кажнонэ́ манушэ́нгирэ; дрэ кажно провинцыя ла́кирэ чхиныбнаса и сарэ́ манушэ́нгэ пэ лэ́нгири чиб. Саро́ сыс чхиндло́ Артаксерксоскирэ крали́скирэ лавэ́стыр и спхандло крали́скирэ ангрустяса чэргэнорьяса.

Ester 8:17

И дрэ кажно провинцыя и дро кажно фо́ро, и пэ кажно штэ́то, карик догия́ припхэныбэ́н крали́скиро и лэ́скиро упхэныбэ́н, сыс ра́дыма Юдэ́ндэ и лош (веселиё), свэ́нко и свэнкитко дывэ́с. И бут мануша́ рига́тыр ячнэ́ Юдэнца, пал-дова́ со пыя́ пэ лэ́ндэ дар анги́л Юдэ́ндэ.

Ester 8:5

И пхэндя́: “Ко́ли крали́скэ явэ́ла пир ило́, и ко́ли мэ латхём тангипэ́н анги́л муй лэ́скиро, и чачуно́ дава́ рэ́ндо анги́л муй крали́скиро, и со мило сом мэ якхэнгэ лэскирэнгэ; тэды мэк тэ явэ́л чхиндло́, соб (кай) тэ явэ́н рискирдэ́ лыла́ пир задуминыбэн Аманоскиро, чхавэ́скирэ Гамедатоскирэ, Вугеяниноскирэ, савэ́ ёв чхиндя́ пал Юдэ́нгиро замарибэн дрэ сарэ́ провинцыи крали́скирэ.

Ester 8:9

И кхардэ́ тэды крали́скирэ лыла́-пиричхиныбнаскирэн дро три́то чхон, дро чхон Сивано, пэ лэ́скиро биш тэ три́то дывэ́с, и сыс чхиндло́ саро́ адя́кэ, сыр припхэндя́ Мардохе́ё, кэ/жы́ко Юды, и кэ/жы́ко барыдыра́ пэ провинцыи и тхэмэ́скирэ барыдырэ́нгэ, и кэ/жы́ко тхага́рья провинцыякирэ Индиятыр кэ/жы́ко Ефиопия, шэл тэ биш тэ эфта́ провинцыи дрэ кажно провинцыя лылэнца лакирэнца и кэ/жы́ко сарэ́ мануша́ пэ лэ́нгири чиб, и кэ/жы́ко Юды лэ́нгирэ чхиныбнаса и пэ лэ́нгири чиб.

Дание́лё 3:2

И бичхавэлас о кра́ли Навуходоносо́ро тэ скэдэл сатрапэн, штэтоскирэ барыдырэ́н (наместникэн), шэралэ́ ран, советникэн (юнкарэн), ракхибнаскирэн пэ кучипэ́н (сокровишчо), сэндарьен, шэратунэ сэндарьен, и сарэ́н барыдырэ́н провинцыякирэн, соб (кай) ёнэ тэ явэ́н пэ высвэнцыныбнаскиро моменто ваш идоло, саво́ чхудя́ о кра́ли Навуходоносо́ро.