Ester 7:7 - Библия - Пэ Балтитко Романи чиб (Романэс) 2019

⁷ И кра́ли уштыя́ дрэ бари холын пэ́скири свэнкостыр моляса, и гия́ дрэ фэлатинякири у́нта (садо); нэ Ама́но яця́пэ тэ мангэ́л пал джиибэ́н пэ́скиро кра́лица Эстэ́ра, пал-дова́ со ёв дыкхця́, со ужакирэ́ла лэс па́нда (фуй судьба) крали́стыр.

Biblija - Pe Baltitko Romani čib (Romanes) 2019

⁷ I králi uštyjá dre bari xolyn péskiri svenkostyr moliasa, i gijá dre felatiniakiri únta (sado); ne Amáno jaciápe te mangél pal džiibén péskiro králica Estéra, pal-dová so jov dykhciá, so užakiréla les pánda (fuj sud'ba) kralístyr.

Ester 7:7 Iomraidhean Croise

Ester 1:12

Нэ кра́лица Астинь на закамдя́ тэ явэ́л пир крали́скиро упхэныбэ́н, саво́ сыс пирипхэндло пир евнухэнгэ, пал-дава́ древа́н росхолясыя кра́ли, и холы́ лэ́скири захачи́я дрэ лэ́стэ.

Ester 1:5

Ке́ли прогинэ́ (накхлэ) далэ́ дывэса́, то кра́ли кэрдя́ свэ́нко ваш пэ́скирэ манушэ́нгэ, савэ́ сыс дрэ у́нта (садо) Сузы, барэстыр кэ тыкно́ эфта́ дывэсэнгиро пэ крали́скирэ, фэлатинякири пэ грэ́да (дво́ро).

Ester 7:10

Адя́кэ ёнэ убладэ Аманос пэ кашт, саво́ ёв кэрдя́ Мардохеёскэ. Тэ́ньци бари холын крали́скири штылыя.

Psalmy 112:10

Фуй ману́ш явэ́ла тэ дыкхэ́л и лэ́скиро ило́ явэ́ла тэ калёл; ёв явэ́ла тэ скрежынэл дандэнца и тэ нашавэл зор; а дова́, со ёв ужакирдя, хасёла криг.

Pritčy 14:19

Чорэ́ мануша́ бандякирэна шэро́ анги́л лачхэндэ, и фуй мануша́ анги́л чачунэ́-манушэ́нгири по́рта (вра́ты).

Pritčy 14:35

Кра́ли сыкавэ́ла паты́в годэ́ дынари́скэ, нэ ёв зоралэ́с холясо́ла пэ одолэ́стэ, саво́ ладжакирэла лэс.

Pritčy 16:14

Крали́скиро холякирибэ́н сыкавэ́ла пэ мэрибэ́н, нэ годо́ ману́ш ковлякирэла крали́с.

Pritčy 19:12

Кра́ли, саво́ холясо́ла, исын сы́рбы шчэр (ле́во), саво́ рыкинэла, лэ́скири ла́ска исын сы́рбы пахлын (роса) пэ чар.

Isajos 60:14

И явэ́на кэ ту чхавэ́ одолэ́-манушэ́нгирэ, савэ́ тут притасавэнас; ёнэ бандёна тэл тыро́ васт, и пэрэ́на кэ тырэ́ ґэра́ сарэ́, кон пэ ту́тэ дыкхця́ вучипна́са, и кхарна тут Ра́скирэ-Дэвлэ́скирэ фороса, Свэнтонэ́ Израилёскирэ Сионоса.

Дание́лё 3:19

Тэ́ньци о Навуходоносо́ро пхэрдия холя́са, э мина москири лэ́стэ парудяпэ пэ Шэдрахостэ, Мешахостэ и Авед-Негостэ, со ёв замангдя тэ хачкирэ́н бов дро эфта́ (битринэ́нгиро дэш) мо́лы зоралэды́р, сыр ґарэдыр росхачкирэнас лэс,

Sykadyipén 3:9

Акэ, мэ да́ва ту́кэ одолэ́н, савэ́ исын налачхэскирэ скэдыибна́стыр, савэ́ ракирэ́на, со ёнэ исын Юды, а дава́ нанэ чачипэ́н, ёнэ исын хохаибнарья; ґа́да, Мэ кэра́ва адя́кэ, соб (кай) ёнэ тэ дэн “паклоно” патыва́са анги́л тырэ́ ґэра́, тэ джинэ́н, со Ма́нгэ яця́н ту дро́го.

1 Kralip 20:7

Ко́ли пэ дава́ ёв пхэнэ́ла: ‘Шука́р,’ тэды явэ́ла рама́нё тырэ́ дынари́скэ; а ко́ли ёв холясо́ла, тэды джин, со холямо́ рэ́ндо пэ годы́ лэ́стэ.

1 Kralip 20:9

И пхэндя́ Ионафа́но: “Ни сыр на явэ́ла дава́ ту́са; палдава́ со, ко́ли мэ чачунэ́с уджинава, со мирэ́ дадэ́стэ скэдыно́ дро годы́ холямо́ рэ́ндо тэ кэрэ́лпэ ту́тэ, тэды нау́што мэ на пхэна́ва ту́кэ пал дава́?”

1 Kralip 25:17

и адя́кэ подумин и подыкх, со тэ кэра́с, пал-дова́ со на менинэла би́да хула́с амарэс и саро́ лэ́скиро кхэр; а ёв исын ману́ш холямо́, нашты́ тэ ракирэ́с лэ́са.”