Ester 7:10 - Библия - Пэ Балтитко Романи чиб (Романэс) 2019

¹⁰ Адя́кэ ёнэ убладэ Аманос пэ кашт, саво́ ёв кэрдя́ Мардохеёскэ. Тэ́ньци бари холын крали́скири штылыя.

Biblija - Pe Baltitko Romani čib (Romanes) 2019

¹⁰ Adiáke jone ublade Amanos pe kašt, savó jov kerdiá Mardohiejoske. Tén'ci bari xolyn kralískiri štylyja.

Ester 7:10 Iomraidhean Croise

Džiibén 40:22

а барыдыршонэ пэкаибнарис убладя, сыр пирипхэндя о Ёза лэ́нгэ.

Ester 2:1

Пало́ (после) дава́, ке́ли штылыя Артаксерксоскирэ-крали́скири холы́, ёв пририпирдя пал Астинятэ и палдова́, со ёй кэрдя́, и со сыс припхэндло пал ла́тэ.

Ester 5:14

И пхэндя́ лэ́скэ Зэрэш, лэ́скири ромны́, и сарэ́ лэ́скирэ мала́: “Мэк тэ кэрэ́н вэшына (кашт) вучипна́са дрэ пандждэша́ куня́ (локти), и пэ зло́ко (ра́нко) пхэн крали́скэ, соб (кай) тэ ублавэн Мардохеёс пэ лэ́стэ: и тэды лошалэс джа́ пэ свэ́нко крали́са.” И сыс пир ило́ дава́ лав Аманоскэ, и ёв кэрдя́ вэшына.

Ester 7:7

И кра́ли уштыя́ дрэ бари холын пэ́скири свэнкостыр моляса, и гия́ дрэ фэлатинякири у́нта (садо); нэ Ама́но яця́пэ тэ мангэ́л пал джиибэ́н пэ́скиро кра́лица Эстэ́ра, пал-дова́ со ёв дыкхця́, со ужакирэ́ла лэс па́нда (фуй судьба) крали́стыр.

Ester 7:8

Ке́ли кра́ли рисия́ фэлатинякирэ унтатыр пэ штэ́то дро кхэр, кай сыс свэ́нко, Ама́но сыс пыи кэ чхуибэ́н, пэ саво́ сыс Эстэ́ра. И пхэндя́ кра́ли: “Аж камэ́ла и тэ лэл пэ зор кра́лица дрэ кхэр ма́ндэ, ке́ли мэ сом!” Лав выгия́ крали́скирэ уштэндыр, и зачхакирдэ муй Аманоскэ!

Ester 8:7

И пхэндя́ кра́ли Артаксе́рксо кралицакэ Эстэракэ и Мардохеёскэ Юдоскэ: “Ѓа́да, мэ Аманоскиро кхэр отдыём Эстэракэ, и кокорэс лэс убладэ пэ вэшына пал дова́, со ёв чхудя́ пэ́скиро васт пэ Юдэ́ндэ.

Ester 9:14

И припхэндя́ кра́ли тэ кэрэ́н адя́кэ; и дыно́ пэ дава́ упхэныбэ́н дрэ Сузы, и дэшэн Аманоскирэ чхавэ́н убладэ.

Ester 9:25

Нэ сыр Эстэ́ра догия́ кэ кра́ли, и сыр кра́ли припхэндя́ нэвонэ́ лылэса, соб (кай) калэ́ задумки Аманоскирэ, савэ́ ёв придуминдя пэ Юдэ́ндэ, обрисинэ пэ лэ́скиро шэро́, и соб (кай) лэс и чхавэ́н лэскирэн тэ ублавэн пэ вэшына (кашт).

Ióvo 18:8

Пал-дова́ со лэ́скирэ ґэра́ кокорэ́ лыджа́на лэс дрэ кхуды́ (мире́жа), и ёв штавэла кэ фэля́.

Ióvo 20:8

Ёв вурняла криг сыр годэнгиро суно́, и лэс на латхэ́на; и ёв вари-кай хасёла, сы́рбы зданки раты́.

Psalmy 37:15

лэ́нгири курта́ла промарэла лэ́нгиро ило́ и лэ́нгирэ луки пхадёна.

Psalmy 7:16

Ёв ґанадя рово (хохой) и выганадя ґанби́н (яма), и ёв пыя́ дро дая́ ґанби́н, сави́ ёв кэрдя́.

Psalmy 94:23

Ёв рискирэ́ла пэ лэ́ндэ лэ́нгиро чорипэ́н, и Ёв хасякирэ́ла лэн лэ́нгирэ фуипнаса, Рай Дэвэ́л, амаро́ Дэвэ́л, чхурдэ́ла лэн тэ хасён.

Pritčy 11:27

Манушэ́с, саво́ добусовэс (старательнэс) родэ́ла лачхипэ́н, одова́ родэ́ла ла́ска Дэвлэ́стыр, нэ пхаро́ явэ́ла кодолэ́скэ, саво́ родэ́ла чорипэ́н.

Pritčy 11:8

Чачипна́скиро исын зракхно бидатыр, а фуй ману́ш пэрэ́ла одори́к пэ штэго лэ́скиро.

Pritčy 26:27

Кон ґанавэла ґанби́н (яма), одова́ кокоро́ пэрэ́ла дрэ ла́тэ, и кон катынэла упрэ́ бар, пэ одолэ́стэ бар рисёла палэ.

Ереме́ё 34:17

“Палдава́ адя́кэ ракирэ́ла Рай Дэвэ́л: ‘Тумэ́ на кандынэ́ Ман, соб (кай) тумэ́ тэ мэкэ́н пэ во́ля, кажно (сва́ко) тумэ́ндыр пэ́скирэ пшалэ́с, кажно тумэ́ндыр пэ́скирэ пашатунэс / суседос (котарис): А́кэ, Мэ да́ва вольныма тумэ́нгэ – тэ мэрэ́н, ци куртала́тыр, ци мэрибнытконэ франсэндыр, ци бокха́тыр! И Мэ кэра́ва адя́кэ, соб (кай) тэ холясон пэ тумэ́ндэ (тумэ́ндыр тэ чуринэнпэ) сарэ́ кралипэна́ пэ пхув.

Езэкилё 5:13

И пириячэ́ла Мири́ холы́, и штылёла Миро холякирибэ́н пэ лэ́ндэ, и явэ́ла Ма́нгэ пир ило́, и ґалёна, со Мэ, Рай Дэвэ́л, Дэвэ́л, ракиравас дро Пэ́скиро зэвлыныпэ́н, ко́ли кончынэлапэ Мири́ хор холы́ пэ лэ́ндэ.

Дание́лё 6:24

И дыя́ о кра́ли, и сыс лыджинэ́ кэ ёв одолэ́ мануша́, савэ́ бангякирдэ Даниелёс, и ёнэ сыс чхурдынэ́ дро шчэрэнгиро рово (хохо́й), сыр кокорэ́, адя́кэ-паць лэ́нгирэ чхаворэ́ и лэ́нгирэ джувля́; на догинэ́ ёнэ кэ ровоскиро дно (дугно), сыр ханэ́ лэн шчэра́ (левы) и пхагирдэ́ лэ́нгирэ кокалы́.

Дание́лё 6:25

Пало́ дова́ о кра́ли Дариё чхиндя́ сарэ́ манушытконэ́ нацые́нгэ, кхэритконэ́ родэ́нгэ и екхэ-чибакирэ ирьенгэ (чибэнгэ/ чибьенгэ) (языкэнгэ), савэ́ дживдэ́ пэ сари́ пхув: “Рама́нё (миро) тумэ́нгэ мэк тэ барьёл!”

Заха́рия 6:8

Тэды кхардя́ ёв ман и пхэндя́ ма́нгэ: “Адя́кэ, дыкх, савэ́ выгинэ́ пэ паш-рати́тко (северно) пхув, ковлякирдэ́ Миро ду́хо (фа́но) пэ пхув паш-рати́тко.”

Сэндарьенгири Лылвари́ 15:7

Самсо́но пхэндя́ лэ́нгэ: “Мэк тумэ́ кэрдэ́ дава́, нэ мэ отхава палэ (отомстинава) тумэ́нгэ кокорэнгэ и тэды штылёвава.”