Ester 6:4 - Библия - Пэ Балтитко Романи чиб (Романэс) 2019

⁴ И пхэндя́ кра́ли: “Кон исын пэ грэ́да (дво́ро)?” Ама́но тэды явдя́ пэ андратунэ́ крали́скирэ-кхэрэ́скири грэ́да тэ ракирэ́л крали́са, соб (кай) тэ ублавэн Мардохеёс пэ вэшына, саво́ ёв приготовиндя ваш лэ́скэ.

Biblija - Pe Baltitko Romani čib (Romanes) 2019

⁴ I phendiá králi: “Kon isyn pe gréda (dvóro)?” Amáno tedy javdiá pe andratuné kralískire-kheréskiri gréda te rakirél kralísa, sob (kaj) te ublaven Mardohiejos pe vešyna, savó jov prigotovindia vaš léske.

Ester 6:4 Iomraidhean Croise

Ester 4:11

“Сарэ́ мануша́, савэ́ кэрэ́на буты́ пашы́л крали́стэ и дрэ крали́скирэ провинцыи джинэ́на, со кажнонэ́скэ манушэ́скэ, и муршэскэ и джувля́кэ, кон заджа́ла кэ кра́ли дрэ андратуны́ грэ́да, и кон на сыс кхардо, екх сэ́ндо – мэрибэ́н; екх одова́, кэ кон протырдэла кра́ли пэ́скиро сувнакуно́ дэсто́, кодова́ ячэ́лапэ джидо́. А мэ на сом кхарды кэ кра́ли, ґа́да, аж трия́нда дывэса́.”

Ester 5:1

Пэ три́то дывэ́с Эстэ́ра уридяпэ дрэ крали́тко и́дя, и тэрдия́ ёй пэ андратунэ́ крали́скирэ-кхэрэ́скири грэ́да, анги́л крали́скиро кхэр; кра́ли тэды сыс бэшто́ пэ пэ́скирэ-крали́скиро троно, дро крали́скиро кхэр, маму́й (проти) дро загиибэ́н дро кхэр. Ке́ли кра́ли дыкхця́ кра́лица Эстэ́ра, сави́ сыс тэрды пэ грэ́да; ёй латхя́ тангипэ́н (жалима) дрэ лэ́скирэ якха́.

Ester 5:14

И пхэндя́ лэ́скэ Зэрэш, лэ́скири ромны́, и сарэ́ лэ́скирэ мала́: “Мэк тэ кэрэ́н вэшына (кашт) вучипна́са дрэ пандждэша́ куня́ (локти), и пэ зло́ко (ра́нко) пхэн крали́скэ, соб (кай) тэ ублавэн Мардохеёс пэ лэ́стэ: и тэды лошалэс джа́ пэ свэ́нко крали́са.” И сыс пир ило́ дава́ лав Аманоскэ, и ёв кэрдя́ вэшына.

Ester 6:3

И пхэндя́ кра́ли: “Сави́ дынэ́ паты́в и сла́ва Мардохеёскэ пал дава́?” И пхэндлэ́ тэрнэ́ мануша́ крали́скирэ, савэ́ сыс бутярнэ́ пашы́л лэ́стэ: “Нисо́ на сыс кэрдо́ лэ́скэ.”

Ester 6:5

И пхэндлэ́ тэрнэ́ мануша́ крали́скэ: “Ѓа́да, Ама́но исын тэрдо́ пэ грэ́да.” И пхэндя́ кра́ли: “Мэк ёв тэ заджа́л.”

Ester 7:9

И пхэндя́ Харбона, екх евнухэндыр, саво́ сыс пашы́л крали́стэ: “Ѓа́да, и вэшына (кашт) исын”, саво́ кэрдя́ Ама́но ваш Мардохеёскэ, саво́ ракирдя́ лачхипэ́н ваш крали́скэ, исын тэрдо́ пашы́л кхэр Аманоскиро, вучипна́са дрэ пандждэша́ куня́. И пхэндя́ кра́ли: “Ублавэн лэс пэ лэ́стэ.”

Ióvo 5:13

Ёв ухтылэ́ла бут-годякирэ манушэ́н дрэ лэ́нгири фрэнтыма адя́кэ, со мэндронэ – манушэ́нгирэ кхэтанэ́ ду́мы обрисёна фуипнаса пэ лэ́ндэ:

Psalmy 2:4

Одова́, Кон дживэ́ла дро Болыбна́скиро Рай, явэ́ла тэ салпэ и Рай Дэвэ́л явэ́ла тэ просал лэн.

Psalmy 33:19

со Рай Дэвэ́л зракхэ́ла Лэ́нгиро ди мэрибна́стыр и Ёв явэ́ла тэ ракхэ́л лэн джидэнца, сыр явэ́ла бокх.

Ekliesiastos 9:10

Саро́, со тыро́ васт латхэ́ла тэ кэрэ́л, кэр дава́ сарэ́ тырэ́ зоралыпнастыр, пал-дова́ со нанэ ни буты́, ни придуминэса нисо́, ни джиныбэ́н, ни годыпэ́н дрэ маґила (дрэ кула), карик ту кэдэсапэ тэ джас.