Ester 5:2 - Библия - Пэ Балтитко Романи чиб (Романэс) 2019

² И протырдыя́ кра́ли кэ Эстэ́ра сувнакуно́ дэсто́, саво́ сыс дрэ лэ́скирэ васта́, и подги́я Эстэ́ра, и лыяпэ пал дэстоскиро яго́ро (концо).

Biblija - Pe Baltitko Romani čib (Romanes) 2019

² I protyrdyjá králi ke Estéra suvnakunó destó, savó sys dre léskire vastá, i podgíia Estéra, i lyjape pal destoskiro jagóro (konco).

Ester 5:2 Iomraidhean Croise

Džiibén 32:28

И пхэндя́: “Акана́ лав ту́кэ явэ́ла на Яково, а Израилё; пал-дова́ со ту спробиндян зорья Дэвлэ́са, и ту манушэ́н пиризорьякирэса.”

Ниеми́я 1:11

Мэ манга́ва зоралэ́с Тут, Раё Дэ́вла! Тэ явэ́л Тыро́ кан откэрдо тэ шунэ́л па́тери (моли́тва) Тырэ́ писхарискиро и па́тери Тырэ́ писхарьенгиро, савэ́ камэ́на тэ лэн шукарипэ́н анги́л Тыро́ Лав. И тэ дэс Ту лачхыпэн Тырэ́ писхари́скэ акана́, и тэ дэс лэ́скэ ла́ска кадасавэ́ манушэ́стэ. Мэ со́мас моля́киро дыибна́ри (кучика́ри) крали́стэ.

Ester 2:9

И яця́ лачхи́ лэ́скирэ якхэнгэ ада́я тэрны́ патывалы́ джувлы́, и яця́ лэ́стэ ла́ска кэ ёй, и ёв сыгнякирдя тэ дэл ла́кэ макхлуня ваш гожыма и саро́, со сыс упхэндло́ (назначындло) пэ ла́кири паш, и тэ чхувэ́н кэ ёй эфта́ патывалэ́ джувле́н, савэ́ сыс мол тэ явэ́н пашы́л ла́тэ, крали́скирэ кхэрэ́стыр; и пирилыджия ла и ла́кирэ патывалэ́ джувле́н дрэ най фэдэды́р джувле́нгирэ-кхэрэ́скири паш.

Ester 4:11

“Сарэ́ мануша́, савэ́ кэрэ́на буты́ пашы́л крали́стэ и дрэ крали́скирэ провинцыи джинэ́на, со кажнонэ́скэ манушэ́скэ, и муршэскэ и джувля́кэ, кон заджа́ла кэ кра́ли дрэ андратуны́ грэ́да, и кон на сыс кхардо, екх сэ́ндо – мэрибэ́н; екх одова́, кэ кон протырдэла кра́ли пэ́скиро сувнакуно́ дэсто́, кодова́ ячэ́лапэ джидо́. А мэ на сом кхарды кэ кра́ли, ґа́да, аж трия́нда дывэса́.”

Ester 8:4

И протырдыя́ кра́ли кэ Эстэ́ра сувнакуно́ дэсто́; и ґаздыя́пэ Эстэ́ра, и тэрдия́ анги́л муй крали́скиро.

Psalmy 116:1

Мэ рикирава сыр Дро́гима Рас-Дэвлэ́с дро ило́, пал-дова́ со Ёв шунэ́ла мири́ зан и миро мангипэ́н Лэ́скэ:

Pritčy 21:1

Крали́скиро ило́ исын дрэ Ра́скирэ-Дэвлэ́скирэ васта́ сы́рбы панитка ручаи, со тхадэна: Ёв рискирэ́ла лэн, сыр Лэ́скэ исын трэй.

Apostolengiri Butý 10:4

Ёв дыкхця сы́гэс пэ лэ́стэ и пиристрахадыи, пхуця́: “Раё Дэ́вла?” Янго́ло отпхэндя́ лэ́скэ: “Тыро́ мангипэ́н и дова́, со ту дэ́са васт чорорэ́ манушэ́нгэ, явнэ́ Дэвлэ́скэ пэ рипирибэ́н.

Apostolengiri Butý 7:10

и помогинэлас лэ́скэ дрэ сарэ́ лэ́скирэ пхарипэна, и дыя́ лэ́скэ годы́ и Фараоно́скирэ-Египто́скирэ крали́скири паты́в, саво́ и чхудя́ лэс балунитконэса пэ Еги́пто и пэ саро́ лэ́скиро кхэр.