Ester 4:11 - Библия - Пэ Балтитко Романи чиб (Романэс) 2019

¹¹ “Сарэ́ мануша́, савэ́ кэрэ́на буты́ пашы́л крали́стэ и дрэ крали́скирэ провинцыи джинэ́на, со кажнонэ́скэ манушэ́скэ, и муршэскэ и джувля́кэ, кон заджа́ла кэ кра́ли дрэ андратуны́ грэ́да, и кон на сыс кхардо, екх сэ́ндо – мэрибэ́н; екх одова́, кэ кон протырдэла кра́ли пэ́скиро сувнакуно́ дэсто́, кодова́ ячэ́лапэ джидо́. А мэ на сом кхарды кэ кра́ли, ґа́да, аж трия́нда дывэса́.”

Biblija - Pe Baltitko Romani čib (Romanes) 2019

¹¹ “Saré manušá, savé keréna butý pašýl kralíste i dre kralískire provincyi džinéna, so kažnonéske manušéske, i muršeske i džuvliáke, kon zadžála ke králi dre andratuný gréda, i kon na sys khardo, jekh séndo – meribén; jekh odová, ke kon protyrdela králi péskiro suvnakunó destó, kodová jačélape džidó. A me na som khardy ke králi, ĥáda, až trijánda dyvesá.”

Ester 4:11 Iomraidhean Croise

Ester 1:19

Ко́ли трэй крали́скэ, мэк тэ выджа́л лэ́стыр крали́скиро упхэныбэ́н, и тэ зачхинэн дрэ Персиякирэ и Мидиякирэ зако́ны, и тэ на отпарувэлпэ, пал-дова́, со Астинь на явэ́ла тэ заджа́л анги́л Артаксерксоскиро крали́скиро муй, а ла́киро крали́скиро штэ́то кра́ли пиридэлапэ явирьякэ, сави́ явэ́ла фэды́р ла́тыр.

Ester 2:14

Бэльвеле́ ёй заджалас, и пэ зло́ко (ра́нко) рисёлас дрэ яви́р джувлитко кхэр, тэл Шаазгазокиро ракхибэн, крали́скирэ евнухоскиро, кон сыс крали́скирэ-джувле́нгиро ракхибнари; и буты́р на выджа́ла кэ кра́ли, ко́ли фэ́ни кра́ли замангэла ла, и ёй кхарэ́ласпэ пир лав.

Ester 4:10

И пхэндя́ Эстэ́ра Гафахоскэ, и бичхадя́ лэс тэ пхэнэ́л Мардохеёскэ:

Ester 4:12

И пирипхэндлэ Мардохеёскэ Эстэракирэ лава́.

Ester 6:4

И пхэндя́ кра́ли: “Кон исын пэ грэ́да (дво́ро)?” Ама́но тэды явдя́ пэ андратунэ́ крали́скирэ-кхэрэ́скири грэ́да тэ ракирэ́л крали́са, соб (кай) тэ ублавэн Мардохеёс пэ вэшына, саво́ ёв приготовиндя ваш лэ́скэ.

Ester 8:4

И протырдыя́ кра́ли кэ Эстэ́ра сувнакуно́ дэсто́; и ґаздыя́пэ Эстэ́ра, и тэрдия́ анги́л муй крали́скиро.

Дание́лё 2:9

Адя́кэ со, ко́ли тумэ́ на роспхэнэнас миро суно́, то тумэ́ндэ екх исын пэ годы́: тумэ́ скэдынэ́пэ тэ пхэнэ́н ма́нгэ хохаибэ́н и начачунэ лава́, соб (кай) тэ джал дурэды́р (накхэла) о часо; адя́кэ, роспхэнэ́н ма́нгэ суно́, и тэды мэ ґалёвава, со тумэ́ сашты́ (могинэ́на) тэ роспхэнэ́н ма́нгэ лэ́скири зна́чыма.”

1 Petr 3:7

Адя́кэ-паць и тумэ́, муршалэ, дживэ́н и ґалён пэ́скирэ ромнен, пал-дова́ со джувлендэ исын тыкнэды́р зор и отлыджанпэ адя́кэ кэ ёнэ, сыр кэ бизорья́кирэ, кутякирэ́н (уважынэн) лэн, пал-дова́ со ёнэ лэ́на паш дро ве́чно джиибэ́н Дэвлэ́стыр, сыр и тумэ́. Кэрэ́н адя́кэ, тэды ни сави́ ва́нта (сцяна) на явэ́ла пэ дром тумэ́ндэ тэ мангэ́нпэ Дэвлэ́скэ.