Ester 2:2 - Библия - Пэ Балтитко Романи чиб (Романэс) 2019

² И пхэндлэ́ тэрнэ́-бэршэнгирэ (отроки), савэ́ дынариндлэ́ пашы́л крали́стэ: мэк тэ родэ́н кучэс крали́скэ тэрнэн гожонэн патывалэ́ джувле́н.

Biblija - Pe Baltitko Romani čib (Romanes) 2019

² I phendlé terné-beršengire (otroki), savé dynarindlé pašýl kralíste: mek te rodén kučes kralíske ternen gožonen patyvalé džuvlién.

Ester 2:2 Iomraidhean Croise

Džiibén 12:14

И сыс адя́кэ: ке́ли Авра́мо явдя́ дро Еги́пто, Египтя́ни дыкхнэ́, со ёй сыс древа́н шука́р.

3 Kralip 1:2

И пхэндлэ́ лэ́скэ лэ́скирэ слу́ги (дына́рья): “Мэк тэ родэ́н ваш хула́скэ амарэскэ, крали́скэ, патываля джувлорья, соб (кай) ёй тэ тэрдёл анги́л крали́стэ, и тэ псирэ́л пал лэ́стэ, и тэ пасёл лэ́са, – и явэ́ла тато хула́скэ амарэскэ, крали́скэ.”

Ester 1:10

Пэ эфта́то (битринэ́нгиро дэ́што) дывэ́с, ке́ли пхэрдия моля́тыр (лолэ́ бравинтатыр) крали́скиро ило́ радыма́са, ёв пхэндя́ Мегуманоскэ, Бизфаскэ, Харбонаскэ, Бигфаскэ и Авагфаскэ, Зефароскэ и Каркасоскэ эфта́ (эфтэ) – евнухэнгэ, савэ́ дынариндлэ́ анги́л Артаксерксоскирэ-крали́скиро муй.

Ester 1:14

Пашатунэ́ (приближонна) мануша́ кэ ёв тэды сыс: Каршэна, Шэфаро [Шэтаро-ю.о.], Адмафа, Фарсисо [Паршышо-ю.о.], Мере́со, Марсе́на, Мемухано-эфта́ Персиякирэ и Мидиякирэ тхага́рья, савэ́ могиндлэ́ тэ дыкхэ́н крали́скиро муй и сыс англатунэ́ мануша́ дро кралипэ́н:

Ester 2:3

И мэк кра́ли тэ чхувэ́л дыкхибнаскирэн дрэ сарэ́ пэ́скирэ кралипнаскирэ-провинцыякирэ штэ́ты, савэ́ скэдэ́на сарэ́н тэрнэ́ патывалэ́ джувле́н, савэ́ сыс гожа мо́са, кэ крали́скири фэлатин [шэрутно-р.с.] Сузы, дрэ джувле́нгиро кхэр тэл Гегаёскирэ – крали́скирэ-евнухоскиро ракхибэн, саво́ сыс джувле́нгиро ракхибнари, и мэк лэ́нгэ тэ выдэн макхлуня ваш шукарипэ́н.

Ester 6:14

Ёнэ ишчо (инкэ́) ракирдэ́ лэ́са, сыр явнэ́ крали́скирэ е́внухи, и лынэ́ тэ сыгнякирэн Аманос тэ джал пэ свэ́нко, саво́ кэрдя́ Эстэ́ра.