Ester 1:3 - Библия - Пэ Балтитко Романи чиб (Романэс) 2019

³ То дро три́то бэрш лэ́скирэ-кралипнаскиро ёв кэрдя́ свэ́нко ваш сарэ́нгэ пэ́скирэ тхэмэ́скирэ барыдырэ́нгэ и ваш манушэ́нгэ, савэ́ сыс дына́рья пашы́л лэ́стэ, ваш барэ́ Персиякирэ и Мидиякирэ – халадэ́нгирэ барыдырэ́нгэ, ваш пэ́скирэ тхэмэ́скирэ рангэ, и тхагарье́нгэ.

Biblija - Pe Baltitko Romani čib (Romanes) 2019

³ To dro tríto berš léskire-kralipnaskiro jov kerdiá svénko vaš sarénge péskire theméskire barydyrénge i vaš manušénge, savé sys dynárja pašýl léste, vaš baré Piersijakire i Midijakire – xaladéngire barydyrénge, vaš péskire theméskire range, i thagar'jénge.

Ester 1:3 Iomraidhean Croise

Džiibén 40:20

Пэ три́то дывэ́с, саво́ сыс фараоно́скиро бияныпнытко дывэ́с, кэрдя́ ёв свэ́нко ваш сарэ́нгэ пэ́скирэ дынарье́нгэ (слугэ́нгэ), и пририпирдя пал барыдыршонэ кучикаристэ (виночерпиёстэ) и пэкаибнаристэ (хлебодаростэ), машки́р пэ́скирэ дынарьендэ (слугэндэ);

3 Kralip 3:15

И джангадыя (прошниндяпэ) Соломо́но, и ґа́да, дава́ сыс, со Рай Дэвэ́л ракирдя́ лэ́са дро суно́. И гия́ ёв дро Ерусалимо, и тэрдия́ анги́л Ра́скирэ-Дэвлэ́скиро завето́скиро ковчэго, и яндя́ цэ́ло схачкирибэ́н, и яндя́ раманёно (ми́рно) свэ́нто дыибэ́н Ра́скэ-Дэвлэ́скэ, и кэрдя́ баро́ свэ́нко ваш сарэ́ пэ́скирэ дынарье́нгэ.

Е́здра 1:2

“Адя́кэ ракирэ́ла Кира, кра́ли Персиякиро: ‘О Рай Дэвэ́л, Дэвэ́л болыбна́скиро, дыя́ ма́нгэ сарэ́ кралипэна́ пэ пхув. И Ёв припхэндя́ ма́нгэ тэ чхував Кхэр (Кхангири́) Лэ́скэ дро Ерусалимо, пэ Юдэ́я.

Ester 1:14

Пашатунэ́ (приближонна) мануша́ кэ ёв тэды сыс: Каршэна, Шэфаро [Шэтаро-ю.о.], Адмафа, Фарсисо [Паршышо-ю.о.], Мере́со, Марсе́на, Мемухано-эфта́ Персиякирэ и Мидиякирэ тхага́рья, савэ́ могиндлэ́ тэ дыкхэ́н крали́скиро муй и сыс англатунэ́ мануша́ дро кралипэ́н:

Ester 1:4

Сыкадя́ ёв древа́н баро́ пэ́скиро кралипнаскиро барвалыпэ́н и древа́н лачхо́ зяиныбэн лэ́скирэ райканыпнастыр. Мануша́ свэнкинэнас бут дывэса́, пал шэл тэ охтодэша́ (180) дывэса́.

Ester 2:18

И кэрдя́ кра́ли баро́ свэ́нко ваш сарэ́нгэ пэ́скирэ тхэмэ́скирэ рангэ и ваш манушэ́нгэ, савэ́ дынариндлэ́ пашы́л лэ́стэ, – свэ́нко ваш Эстэракэ, и кэрдя́ льго́та провинцые́нгэ и роздыя да́ры кралитконэ нажалиматыр.

Ester 3:7

Дро пэ́рво чхон, саво́ исын чхон Нисано, дрэ дэшуявир бэрш крали́скиро Артаксерксоскиро чхурдынэ́ жре́биё, анги́л Аманоскиро муй дывэ́с дро дывэ́с и чхонэстыр дро чхон, и пыя́ жре́биё пэ дэшуявир чхон, пэ чхон Адаро.

Isajos 21:2

Дарано дыкхибэ́н сыкадэ ма́нгэ: о чор чорэла, о прахари отлэла; заджа́, Еламо, ґаздэпэ, Мидо, сарэ́ ясва мэ залава.

Ереме́ё 51:11

Войстринэн (дэн чол) марибны́тка бустя́ (стре́лы) тэ зяинэн, О Рай Дэвэ́л ґаздыя́ ду́хо (фа́но) Мидиякирэ кралье́нгэ. Пал-дова́ со Ёв придуминдя тэ хасякирэ́л Вавило́но. О Рай Дэвэ́л дукхавэла палэ, Ёв отдэ́ла палэ пал Лэ́скири Кхангири́.

Дание́лё 5:1

О Валтасаро кра́ли кэрдя́ баро́ сками́нд ваш пэ́скирэ тысёнцэнгэ и анги́л тысёнцэнгирэ якха́ пия мол (вино).

Дание́лё 5:28

Перес – росчхудо пэ паша́ тыро́ кралипэ́н и отдыно́ Мидянэнгэ и о Персэнгэ.”

Дание́лё 6:1

Пир ило́ сыс Дариёскэ тэ чхувэ́л упрэ́ пэ кралипэ́н шэл тэ биш э сатрапэн, соб (кай) ёнэ тэ явэ́н пир саро́ кралипэ́н,

Дание́лё 8:20

О бакро, савэ́с ту дыкхця́н дуе шынгэнца, дава́ исын кра́лья Мидянытка и Персытка.

Marko 6:21

Нэ сыг, акэ, дасаво дывэ́с явдя́, ке́ли Иродостэ сыс бияныпнытко дывэ́с, ёв кхардя́ пэ свэ́нко пэ́скирэ барвалэ́ пашатунэ́ ран, тысёнцэнгирэ-халадытконэ барыдырэ́н и самонэ патывалэ́ манушэ́н дрэ Галиле́я,