Ester 1:2 - Библия - Пэ Балтитко Романи чиб (Романэс) 2019

² Дрэ долэ́ дывэса́, сыр кра́ли Артаксе́рксо бэстя́ пэ пэ́скиро крали́тко троно, со сыс дрэ Сузы [Шушан-ю.о.], дрэ лэ́скири крали́скири фэлатин [шэрутно фо́ро-р.с.].

Biblija - Pe Baltitko Romani čib (Romanes) 2019

² Dre dolé dyvesá, syr králi Artaksiérkso bestiá pe péskiro kralítko trono, so sys dre Suzy [Šušan-ju.o.], dre léskiri kralískiri felatin [šerutno fóro-r.s.].

Ester 1:2 Iomraidhean Croise

2 Kralip 7:1

Ке́ли кра́ли дживдя́ дро пэ́скиро кхэр, и Рай Дэвэ́л штылякирдя лэс сарэ́ лэ́скирэ пашатунэ́ вэргэ́ндыр,

3 Kralip 1:46

И Соломо́но акана́ бэстя́ пэ крали́скиро троно.

Ниеми́я 1:1

Лава́ Ниемияскирэ, Ахалииноскирэ чхавэ́скирэ. Дро чхон Кислев, дро бишто бэрш, со́мас мэ кэ Сузы, дро шэрутно фо́ро [крали́скири фэлатин-ю.о.].

Ester 2:3

И мэк кра́ли тэ чхувэ́л дыкхибнаскирэн дрэ сарэ́ пэ́скирэ кралипнаскирэ-провинцыякирэ штэ́ты, савэ́ скэдэ́на сарэ́н тэрнэ́ патывалэ́ джувле́н, савэ́ сыс гожа мо́са, кэ крали́скири фэлатин [шэрутно-р.с.] Сузы, дрэ джувле́нгиро кхэр тэл Гегаёскирэ – крали́скирэ-евнухоскиро ракхибэн, саво́ сыс джувле́нгиро ракхибнари, и мэк лэ́нгэ тэ выдэн макхлуня ваш шукарипэ́н.

Ester 2:5

Сыс дрэ крали́скири фэлатин дрэ Сузы, екх Юдо; лав лэ́скиро сыс Мардохе́ё, Нароскиро чхаво́, Шымаскиро чхаво́, Кишоскиро чхаво́, Вениамино́скирэ родо́стыр.

Ester 3:15

Мануша́, савэ́н бичхадэ́, сы́гэс гинэ́ крали́скирэ припхэныбнаса, и упхэныбэ́н сыс пхэндло́ и дрэ крали́скири фэлатин Сузы. И кра́ли и Ама́но сыс бэштэ́ и пинэ́, а фо́ро Сузы сыс дрэ баро́ пиридживипэн.

Ester 4:16

“Джа́, скэ́дэ сарэ́ Юдэ́н, савэ́ исын дрэ Сузы, и постинэн ваш ма́нгэ, и на хан и на пьен трин дывэса́, ни дывэсэ́, ни раты́, и мэ пэ́скирэ бутярнэнца адя́кэ-паць ява́ва тэ постинав, и коригэды́р (позжэ) мэ джа́ва кэ кра́ли, хоць дава́ исын проти зако́но, и ко́ли трэй явэ́ла тэ хасёвав, то хасёвава.”

Дание́лё 4:4

[7] Тэ́ньци явнэ́ э човаханэ, э астрологи, э Халдеи и э драбакирибнаскирэ пир планеты; и мэ роспхэндём лэ́нгэ суно́, нэ ёнэ на дынэ́ ра́да тэ розґалён лэ́скири зна́чыма.

Дание́лё 8:2

И дыкха́вас мэ дова́ дыкхибэ́н, и ке́ли дыкха́вас, мэ со́мас дрэ Суза, шэрутно фо́ро кай сыс тва́рдыма/диз [крепость-ю.о.], кай исын Эламоскири округа, и дыкха́вас мэ дро дыкхибэ́н, сы́рбы мэ со́мас пашы́л рэка (лэнь) Улай.