Ереме́ё 8:3 - Библия - Пэ Балтитко Романи чиб (Романэс) 2019

³ И сарэ́ мануша́, савэ́ ячэ́напэ джидэ́ далэ́ бибахталэ́-кхэритконэ́ родо́стыр выкэдэна пэ́скэ фэды́р тэ мэрэ́н, сыр тэ дживэ́н пэ сарэ́ долэ́ штэ́ты, пэ савэ́ Мэ традыём [вытрадава-р.с.] лэн,’ – ракирэ́ла болыбна́скирэ-янголэ́нгиро Рай Дэвэ́л.

Biblija - Pe Baltitko Romani čib (Romanes) 2019

³ I saré manušá, savé jačénape džidé dalé bibahtalé-kheritkoné rodóstyr vykedena péske fedýr te merén, syr te dživén pe saré dolé štéty, pe savé Me tradyjom [vytradava-r.s.] len,’ – rakiréla bolybnáskire-jangoléngiro Raj Devél.

Ереме́ё 8:3 Iomraidhean Croise

3 Kralip 19:4

И гия́ ёв пэ чхучи́ пхув пэ цэ́ло дывэ́с, и явдя́, и бэсця́ тэл вэрэсытко хру́сто. И ёв мангдя́пэ Ра́скэ-Дэвлэ́скэ, соб (кай) ёв, тэ мэрэ́л, и пхэндя́: “Ухты́лла (до́си) ужэ ма́нгэ, Раё Дэ́вла, лэ миро джиибэ́н, пал-дова́ со мэ на сом фэды́р мирэ́ дадэндыр.”

Ереме́ё 23:3

“Нэ Мэ скэда́ва отячибэн (одолэ́н, кон яця́пэ) Мирэ́ ґуртостыр сарэ́ тхэмэндыр, кэ савэ́ Мэ протрадыём лэн, и Мэ яна́ва лэн палэ пэ лэ́нгирэ чаритка пхувья́, и лэ́ндэ явэ́на бут чхаворэ́, и лэн явэ́ла бут.

Ереме́ё 23:8

нэ: ‘Тэ явэ́л джидо́ Рай Дэвэ́л, Саво́ вылыджия́ и яндя́ палэ ро́до Израилёскирэ кхэрэ́стыр паш-ратитконэ́ (севернонэ) рига́тыр, и сарэ́ тхэмэндыр, кэ савэ́ Мэ вытрадыём лэн. И ёнэ ячэ́напэ (явэ́на) тэ дживэ́н пэ лэ́нгири пхув.”

Ереме́ё 29:14

и Тумэ́ латхэ́на Ман’, – ракирэ́ла Рай Дэвэ́л, – и Мэ яна́ва палэ тумэн тумарэ́ плено́стыр: и Мэ скэда́ва тумэн сарэ́ Наюдытконэ́ нацые́ндыр и сарэ́ штэтэ́ндыр, кэ савэ́ Мэ традыём тумэн’, – ракирэ́ла Рай Дэвэ́л, – ‘и Мэ яна́ва тумэн палэ пэ штэ́то’, савэ́стыр Мэ тумэн лыджиём дро пле́но.

Ереме́ё 29:28

Пал-дова́ со ёв пирипхэндя лав амэ́нгэ дро Вавило́но, пхэни́: “Дава́ пле́но явэ́ла ґара́ (длу́гэс) тэ тырдэлпэ; чхувэ́н кхэра́ и дживэ́н дрэ лэ́ндэ, и чхувэ́н пэ пхув унты (сады), и хан лэ́нгиро фрукто (пло́до)!’”

Ереме́ё 40:12

и тэды сарэ́ адалэ́ Юды рисинэ́ сарэ́ штэтэ́ндыр, кэ савэ́ лэн традынэ, и ёнэ явнэ́ кэ пхув Юдэякири, кэ Годолия дрэ Маси́фа, и ёнэ скэдынэ́ мол (вино), и лынаитка барьякирдэ́ (пло́ды) древа́н бут.

Ереме́ё 44:2

“Адя́кэ ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: ‘Тумэ́ дыкхнэ́ сари́ биба́хт (би́да), со Мэ яндём пэ Ерусалимо и пэ сарэ́ фо́рья Юдэя́кирэ; и, акэ, далэ́ фо́рья исын чхучэ́ (пуста), и ние́кх (нико́н) на дживэ́ла одо́й,

Ереме́ё 44:6

Палдава́ Миро холякирибэ́н и Мири́ холы́ вычхудэпэ и росхачинэ дрэ фо́рья Юдэя́кирэ и пэ вули́цы (га́сы) Ерусалимо́скирэ; и ёнэ исын чхучэ́ и би манушэ́нгирэ, сыр исын дава́ ададывэ́с.

Ереме́ё 6:9

Адя́кэ ракирэ́ла Рай Дэвэ́л – болыбна́скиро-янголэ́нгиро: “Ёнэ явэ́на зоралэ́с тэ обтринскирэн манушэ́н Израилёстыр, кон ячнэ́пэ сы́рбы винаградоскири рандь, ри́скир палэ пэ́скиро васт сы́рбы винаградонэ–обкэдыибнаскиро (обирателё), кон чхувэ́ла му́ри дрэ корзи́ны (кхудэ́).

Дание́лё 9:7

Ту́тэ, Раё, исын чачипэ́н, и амэ́ндэ пэ муя́ исын ладж; сыр акана́, кажнонэ́ Юдостэ, сыр Ерусалимо́скирэ джиибнаскирьендэ, и кэ саро́ Израилё, дрэ пашатунэндэ и дуранэндэ, дрэ сарэ́ тхэма, карик Ту традыян лэн пало́ лэ́нгиро отгиибэн, савэ́са ёнэ отгинэ́ Ту́тыр.

Левито 26:33

а тумэн росчхурдава Мэ тэ дживэ́н машки́р манушэ́ндэ и нангякирава пала́л пал тумэ́ндэ курта́ла, и явэ́ла пхув тумари́ чхучи́ и фо́рья тумарэ́ роспхагирдэ́.

Amoso 3:1

Шунэ́н дава́ лав, со Рай Дэвэ́л пхэндя́ проти тумэ́ндэ, чхавора́лэ Израилёскирэ, проти саро́ кхэри́тко ро́до, саво́ Мэ вылыджиём Египто́скирэ пхувья́тыр, ракири́:

Jona 4:3

Палдова́ акана́, Раё Дэ́вла, лэ, мэ зоралэ́с манга́ва Тут, миро джиибэ́н ма́ндыр, пал-дова́ со фэды́р исын ваш ма́нгэ тэ мэрав, сыр тэ джива́в.”

Mihiejo 2:3

Палдава́ адя́кэ ракирэ́ла Рай Дэвэ́л: “Акэ, Мэ придуминава кадасави биба́хт проти кадая́ сэ́м΄я (ири́), со тумэ́ на могинэ́на (на саштынэна) тэ дурьякирэн (тэ злэн) далэ́ бибахтятыр тумарэ́ мэня; и тумэ́ на явэ́на тэ задэнпэ, (тэ псирэ́н маму́й); пал-дова́ со дава́ часо исын бибахтало́.

Яви́р Зако́но 30:1

И явэ́ла адя́кэ: ке́ли явэ́на пэ ту́тэ сарэ́ далэ́ лава́ – бахтякирибэ́н и прокошыбэ́н, савэ́ ракирдём мэ ту́кэ, и ту лэ́са лэн кэ пэ́скиро ило́ машки́р сарэ́ манушэ́ндэ, машки́р савэ́ндэ росчхувэла тэ дживэ́л тут Рай Дэвэ́л, Дэвэ́л тыро́,

Яви́р Зако́но 30:4

Усае́кх, ко́ли б ту тэ явэс росчхудо кэ болыбна́скиро яго́ро (кэ краё), и одотхы́р скэдэ́ла тут Рай Дэвэ́л, Дэвэ́л тыро́, и одотхы́р лэ́ла тут,

Sykadyipén 6:16

и ёнэ ракирэ́нас бэргэнгэ и скалэнгэ: “Пэрэн пэ амэ́ндэ и гаравэн амэн якхэ́ндыр Одолэ́стыр, Саво́ исын бэшто́ пэ троно, и Свэнтонэ́ Бакрорэскирэ холя́тыр,

Sykadyipén 9:6

И дрэ долэ́ дывэса́ мануша́ явэ́на тэ родэ́н мэрибэ́н, нэ ёнэ на латхэ́на; ёнэ явэ́на тэ мангэ́н, соб (кай) тэ мэрэ́н, нэ мэрибэ́н нашэла лэ́ндыр.