Ереме́ё 7:3 - Библия - Пэ Балтитко Романи чиб (Романэс) 2019

³ Адя́кэ ракирэ́ла болыбна́скирэ-янголэ́нгиро Рай Дэвэ́л; Израилёскиро Дэвэ́л: “Парувэн тэ явэ́л чачунэдыр дова́, сыр тумэ́ дживэ́на, и со тумэ́ кэрэ́на, и Мэ кэра́ва адя́кэ, со тумэ́ явэ́на тэ дживэ́н пэ дава́ штэ́то.

Biblija - Pe Baltitko Romani čib (Romanes) 2019

³ Adiáke rakiréla bolybnáskire-jangoléngiro Raj Devél; Izrailjoskiro Devél: “Paruven te javél čačunedyr dová, syr tumé dživéna, i so tumé keréna, i Me keráva adiáke, so tumé javéna te dživén pe davá štéto.

Ереме́ё 7:3 Iomraidhean Croise

4 Kralip 17:13

Тэды Рай Дэвэ́л пирда́л сарэ́ Пэ́скирэ пророкэ́ндэ, пирда́л кажнонэ́стэ, приракхэлас Израилё и Юдас, ракири́: “Рисён тумарэ́ фуе́ дромэндыр, и ракхэ́н Мирэ́ припхэныбэна́, упхэныбэна́ Мирэ́, пир саро́ сыкляибэн, саво́ Мэ припхэндём дадэ́нгэ тумарэнгэ, и саво́ Мэ дыём тумэ́нгэ пирда́л Мирэ́ пророкэ́ндэ.”

Е́здра 10:11

И акана́ приджинэнпэ анги́л Растэ-Дэвлэ́стэ тумарэ́-дадэнги́рэ, и кэрэ́н пир Лэ́скири во́ля. Дурьякирэн пэс явирэ-манушытконэ́ нацые́ндыр и явирэ-тхэмэ́скирэ джувле́ндыр.”

Pritčy 28:13

Кон гаравэла пэ́скирэ грэ́хи, одолэ́скэ на явэ́ла мишто́, нэ кон приджинэла грэ́хи и мэкэ́ла тэ кэрэ́л лэн, кодолэ́с Дэвэ́л тангинэла.

Isajos 55:7

Мэк грэхи́тко ману́ш тэ мэкэл пэ́скиро дром и пэ́скирэ налачхэ́ ду́мы, мэк тэ явэ́л ёв кэ Рай Дэвэ́л, и Дэвэ́л отмэкэ́ла лэ́скиро грэ́хо; мэк ёв тэ явэ́л кэ Дэвэ́л амаро́, Савэ́скэ сарэ́ исын дро́га.

Ереме́ё 17:25

то тэды тумэ́ явэ́на тэ заджа́н пирда́л дая́ форо́скири по́рта кра́лья и тхага́рья, савэ́ исын бэштэ́ пэ Давидо́скиро троно, ёнэ явэ́на тэ традэ́н пэ марибны́тка вурдэна́ (колесницы) и уклистэ́ ёнэ и лэ́нгирэ тхага́рья, пашы́л савэ́ндэ мануша́ Юдэя́тыр и джиибнарья Ерусалимо́стыр, и мануша́ усады (сак) явэ́на тэ дживэ́н дро дава́ фо́ро.

Ереме́ё 18:11

И палдава́ акана́ пхэн манушэ́нгэ Юдэя́тыр и Ерусалимо́скирэ джиибнарье́нгэ: ‘Адя́кэ ракирэ́ла Рай Дэвэ́л: ‘Акэ Мэ акана́ скэда́ва (подкэрава) фуипэ́н тумэ́нгэ, и Мэ придуминава плано пэ тумэ́ндэ: ‘Рисён фэды́р акана́ кажно (сва́ко) тумэ́ндыр, тумарэ́ бибахталэ́ дромэ́стыр, фэдырьякирэн тумарэ́ дрома́ и дова́, со тумэ́ кэрэ́на’”

Ереме́ё 18:8

нэ ко́ли дая́ манушы́тко нацыя рисёла пэ́скирэ чорипна́стыр, тэды Мэ отчхувава биба́хт, сави́ Мэ думиндём тэ янав пэ лэ́ндэ.

Ереме́ё 26:13

Акэ, палдава́ парувэн кэ фэды́р тумарэ́ дрома́, и дова́, со тумэ́ кэрэ́на, и кандэ́н зан Раскири-Дэвлэ́скири, тумарэ́ Дэвлэ́скири, тэды Рай Дэвэ́л потангинэла (пожалинэла) пал доя́ биба́хт, со Ёв выпхэндя пэ тумэ́ндэ.

Ереме́ё 35:15

И Мэ бичхававас кэ тумэ́ сарэ́ Мирэ́ дынарье́н, пророкэ́н, Мэ бичхававас тася́рлэс (ра́нэс) злокостыр лэн, ракири́: “Рисён акана́, кажно (сва́ко) екх тумэ́ндыр пэ́скирэ бибахталэ́ дромэ́стыр, лачхакирэн (кэрэ́н фэдэды́р) пэ́скирэ рэ́нды, и на псирэ́н тэ кэрэ́н паты́в явирэ дэвлорэ́нгэ, тэды тумэ́ явэ́на тэ дживэ́н пэ пхув, со Мэ дыём тумэ́нгэ и тумарэ́ дадэ́нгэ.” Нэ тумэ́ на причхудэ пэ́скиро кан, и на кандынэ́ Ман.

Ереме́ё 35:16

Дыкхэ́н: чхавэ́ Ионадавоскирэ (чхаво́ Рэхавитоскиро) выпхэрдякирдэ припхэныбэ́н пэ́скирэ дадэ́скиро, со ёв дыя́ лэ́нгэ, нэ кадалэ́ мануша́ на кандынэ́ Ман.

Ереме́ё 4:1

‘Ко́ли ту рисёса, Израиле’, – пхэндя́ Рай Дэвэ́л, – ‘рисёв кэ Мэ. И ко́ли ту вычхурдэса пэ́скирэ джунгалэ́ (брыдка) дэвлорэ́ Мирэ́ якхэ́ндыр, тэ́ньчи ту на явэ́са тэ парувэс пэ́скиро дром.

Ереме́ё 6:16

Рай Дэвэ́л ракирэ́ла адя́кэ: “Тэрдён пэ дрома́, и дыкхэ́н, и пхучэ́н пал пхуранэ́ дрома́, кай исын лачхо́ дром и джа́н пир дава́ дром, и тумэ́ латхэ́на де́скэ тэ откхинён. Нэ ёнэ отпхэндлэ́: “Амэ на джа́са пир дава́ дром.”

Jakov 4:8

Явэ́н пашылэды́р кэ Дэвэ́л, и Ёв явэ́ла пашылэды́р кэ тумэ́. Выжужакирэн грэхи́тка, тумарэ́ васта́. Выжужакирэн тумаро́ джиибэ́н, тумэ́ сан дуемитка.