Ереме́ё 3:3 - Библия - Пэ Балтитко Романи чиб (Романэс) 2019

³ Палдава́ панинга́ сыс пририкирдэ, и на сыс вэснакирэ брышында и тумэ́ндэ чиката ячнэ́ сы́рбы налачхэ́ джувля́тэ, нэ тумэ́ на прилынэ́ ладжакирибэн.

Biblija - Pe Baltitko Romani čib (Romanes) 2019

³ Paldavá paningá sys pririkirde, i na sys vesnakire bryšynda i tuménde čikata jačné sýrby nalačhé džuvliáte, ne tumé na prilyné ladžakiriben.

Ереме́ё 3:3 Iomraidhean Croise

Džiibén 19:34

Пэ яви́р дывэ́с пхурэдыршо пхэн пхэндя́ тыкнэдыршонакэ: “Ѓа́да, мэ тася́ со́мас суты мирэ́ дадэ́са: матькираса лэс и дрэ дая́ рат; и ту джа́ и сов лэ́са, и биянаса амарэ́ дадэ́стыр чхавэ́н.”

Ниеми́я 9:17

Ёнэ на закамлэ тэ поддэнпэ, на пририпирдэ ди́вы тырэ́, савэ́ ту кэрдя́н лэ́нца, и рикирдэ мэн упрэ́ и пир пэ́скири во́ля палэ чхудэ́ анги́л пэ́стэ шэралэс, соб (кай) тэ явэ́н писхарье́нца. Нэ Ту, сан Дэ́вла, Саво́ выкэдэ́ла тэ отмэкэ́л грэ́хи, Саво́ длэнгэс вырикирэ́ла, и Ту на ячкирдян лэн.

Pritčy 21:29

Фуй ману́ш кашталякирэла пэ́скиро муй, нэ дэвлы́тко зоралэ́с джинэ́ла пэ́скиро дром.

Isajos 5:6

Дасавэса Мэ лэс ячкирава: на явэ́на тэ обчхинэн лэс, на явэ́на тэ обґанавэн лэс, забарьёла ёв налачхэ́ чарьяса, Мэ припхэнава болыбнаскэ, соб (кай) ёв тэ на дэл брышы́нд лэ́скэ.”

Ереме́ё 14:1

Ра́скирэ-Дэвлэ́скиро лав, саво́ явдя́ кэ Ереме́ё пал баро́ шукипэн:

Ереме́ё 14:22

Ци исын машки́р Наюды́тка и́долы одолэ́, савэ́ дэ́на брышы́нд? Ци могинэ́ла (сашты́) кокоро́ болыбэ́н тэ дэл барэ́ панинга́? Ци дава́ нанэ Рай Дэвэ́л, амаро́ Дэвэ́л? Палдава́ амэ ява́са тэ ужакирас Тут, пал-дова́ со Ту кэрдя́н саро́ дава́.

Ереме́ё 14:3

Лэ́нгирэ лачхэ́-родоскирэ рая [упратунэ-р.с.] бичхавэна пэ́скирэ кхэритконэ́ дынарье́н пал пани́: ёнэ джа́на кэ панитка ґанбиня́, нэ ёнэ на латхэ́на пани́; ёнэ рисёна палэ чхучэ́ пирье́нца: ёнэ исын ладжакирдэ́, ёнэ исын запхагирдэ дрэ годы́, и ёнэ учхакирдэ пэ́скирэ шэрэ́.

Ереме́ё 14:4

Пал-дова́ со пхув пхарадыя, сыр на сыс брышы́нд пэ пхув, пхувьявирэ-бутярнэ́ исын ладжакирдэ́, ёнэ учхакирдэ пэ́скирэ шэрэ́.

Ереме́ё 36:2

“Лэ сви́тко лылварьятыр, и зачхин пэ дава́ сви́тко сарэ́ лава́, со Мэ пхэндём ту́кэ пал Израилё, пал Юдастэ и пал Наюды́тка на́цыи, долэ́ дывэсэ́стыр, ке́ли Мэ лыём тэ ракира́в тумэ́нгэ: Иосияскирэ дывэсэ́ндыр кэ дава́ дывэ́с.

Ереме́ё 5:24

И ёнэ на пхэнэ́на дро пэ́скиро ило́: “Трэй тэ дарас Ра́стыр-Дэвлэ́стыр, амарэ́ Дэвлэ́стыр, кон бичхавэ́ла брышы́нд, вэснакиро и восенякиро (пал-лынаскиро), дрэ пэ́скиро часо (цы́ро), Кон ракхэ́ла ваш амэ́нгэ упхэндлэ куркэ тэ чхинэн гива́.”

Ереме́ё 5:25

Тумаро чорипэ́н дурьякирдя саро́ дава́ тумэ́ндыр, и тумарэ́ грэ́хи пририкирдэ саро́ дава́ лачхипэ́н тумэ́ндыр.

Ереме́ё 5:3

Раё Дэ́вла! Ци на дыкхэ́на Тырэ́ якха́ пал патяибэ́н? Ту пэкавэса лэн пэ мэрибэ́н, нэ лэ́нгэ на дукхана даба (удары) (нанэ дукхано); Ту домарэсас лэн, нэ ёнэ отпхэндэпэ, соб (кай) Ту тэ пирисыклякирэс лэн: ёнэ кэрдэ́ пэ́скирэ муя́ зоралэды́р скалатыр, ёнэ отпхэндэпэ тэ рисён палэ кэ Ту.

Ереме́ё 6:15

“И ци ладжандынэ ёнэ, сыр ёнэ кэрдэ́ джунгалэ́ рэ́нды (де́лы)? Над, ёнэ на ладжандынэ, и ёнэ на джинэ́на, со исын дасаво тэ лолён. Палдава́ ёнэ пэрэ́на машки́р одолэ́ндэ, савэ́ пэрэ́на пэ мэрибэ́н”, – пхэндя́ Рай Дэвэ́л.

Ереме́ё 8:12

Ци ладжандынэ ёнэ, сыр ёнэ кэрдэ́ джунгалэ́ дэвлорэ́? Над! Ёнэ на ладжандынэ сарэ́са, и ёнэ на джиндлэ́ тэ лолён. Палдава́ ёнэ пэрэ́на машки́р одолэ́ндэ, савэ́ пынэ́, дро лэ́нгирэ-сэндоскиро часо (цы́ро) ёнэ обштавэна,’ – раки́рла Рай Дэвэ́л.

Ереме́ё 9:12

Кон исын годо́ ману́ш, соб (кай) ёв тэ дэл ра́да тэ ґалёл саро́ дава́? И конэ́скэ Ра́скирэ-Дэвлэ́скирэ ушта́ пхэндлэ́, соб (кай) ёв могинэлас тэ пхэнэ́л статэчнэс сарэ́нгэ? Со́скэ дая́ пхув хасия́, схачия сы́рбы шуки́ чхучи́ пхув мал адя́кэ, со нико́н на джа́ла пир ла́тэ?’

Езэкилё 3:7

А Израилёскиро кхэр на закамэ́ла тэ шунэ́л тут, пал-дова́ со ёнэ на камэ́на тэ шунэ́н Ман, пал-дова́ со саро́ Израилёскиро кхэр исын пхарэ́-шэритка, и захалэ илэ́са.

Левито 26:19

и Мэ пхагирава пхутькирды тумари́ нартыма (упорство), и болыбэ́н тумаро́ упра́л кэра́ва, сыр састы́р, и пхув тумари́, сыр харко́ма (медь);

Amoso 4:7

“Мэ адя́кэ-паць на давас брышы́нд тумэ́нгэ, ке́ли сыс ишчо (инкэ́) трин чхона́ кэ укэдыибэн гивэнгиро. Мэ бичхававас брышы́нд пэ екх фо́ро, и Мэ на бичхававас брышы́нд пэ яви́р фо́ро: екх котэ́р пхув сыс почхудо брышындэса, а яви́р, со сыс почхудо брышындэса, зашутия.

Amoso 4:8

Палдава́ дуй, ци трин фо́рья гинэ́ кэ яви́р фо́ро тэ пьен пани́, нэ ёнэ на пинэ́ чалэ́с, нэ усае́кх тумэ́ на рисинэ́ кэ Мэ”, – ракирэ́ла Рай Дэвэ́л.

Софония 2:1

Скэдэ́нпэ тумэ́ тэ обдуминэн, скэдэ́н тумэ́ кхэтанэ́, о биладжакуно манушы́тко ро́до;

Софония 3:5

Нэ чачипна́скиро Рай Дэвэ́л исын машки́р дава́ фо́ро, Ёв на кэрэ́ла пир начачипэ́н. Кажно зло́ко Ёв янэ́ла Пэ́скиро чачипэ́н пэ дуд, лэс ухты́лла (до́си): нэ начачунэ мануша́ на джинэ́на ладжаипэ́н.

Agiejo 1:11

Пал-дова́ со Мэ выкхардём шутькирибэн пэ пхув, и пэ бэ́рги, пэ гив и пэ нэви́ мол (вино), и пэ маслинитко дзэт (елеё), пэ саро́, со пхув биянэ́ла, пэ манушэ́ндэ, и пэ кхэритконэ́ мурдалэ́ндэ, и пэ сари́ буты́ тумарэ́ вастэнгири.”

Яви́р Зако́но 28:23

И тырэ́ болыбэна, савэ́ исын упра́л пэ тыро́ шэро́, кэрэ́напэ харкомаса (медяса), и пхув тэл ту́тэ састырэса;

Юдэ́нгэ 12:25

Дыкхэ́н, на отрисён криг Одолэ́стыр, Саво́ ракирэ́ла тумэ́нгэ. Ко́ли одолэ́ мануша́, савэ́ отрисинэ криг тэ шунэ́н Лэс, Саво́ ракирдя́ лэ́нгэ Болыбна́стыр пэ пхув, на мениндлэ ка́ра, тэды буты́р сарэ́стыр и амэ на менинаса ла, савэ́нгэ Ёв ракирэ́ла Болыбна́стыр: