Ереме́ё 26:3 - Библия - Пэ Балтитко Романи чиб (Романэс) 2019

³ Кажно лэ́ндыр, хай, явэ́ла тэ кандэл и тэ рискирэ́л пэ́скирэ бибахталэ́ дромэ́стыр, соб (кай) Мэ тэ обрискирав (тэ отпарував) Пэс чорипна́стыр, саво́ Мэ думинава тэ кэра́в лэ́нгэ пал фуипэ́н, со ёнэ кэрэ́на.’”

Biblija - Pe Baltitko Romani čib (Romanes) 2019

³ Kažno léndyr, xaj, javéla te kandel i te riskirél péskire bibahtalé droméstyr, sob (kaj) Me te obriskirav (te otparuvav) Pes čoripnástyr, savó Me duminava te keráv lénge pal fuipén, so jone keréna.’”

Ереме́ё 26:3 Iomraidhean Croise

3 Kralip 21:27

И сыс адя́кэ: сыр Аха́во вышундя далэ́ лава́, то ёв роскусця и́ди пэ́скирэ, и причхудя гоно́ праскаса пэ маса́ пэ́скирэ, и постиндя ёв, и сыс суто́ дро гоно́, и ёв псирдя́ пхарэ́ минаса.

3 Kralip 21:29

“Ци дыкхэ́са, сыр Аха́во тыкнякирдя пэс анги́л Ма́ндэ? Пал-дова́ со о Аха́во тыкнякирдя пэс анги́л Ма́ндэ, то Мэ на ява́ва тэ янав бари би́да пэ кхэр лэ́скиро, нэ Мэ яна́ва бари би́да дрэ дывэса́ чхавэ́скирэ лэ́скирэ.”

Ереме́ё 26:13

Акэ, палдава́ парувэн кэ фэды́р тумарэ́ дрома́, и дова́, со тумэ́ кэрэ́на, и кандэ́н зан Раскири-Дэвлэ́скири, тумарэ́ Дэвлэ́скири, тэды Рай Дэвэ́л потангинэла (пожалинэла) пал доя́ биба́хт, со Ёв выпхэндя пэ тумэ́ндэ.

Ереме́ё 26:19

Ци Езэки́я, кра́ли Юдэя́киро, и сари́ Юдэ́я мулякирдэ́ лэс? Ци со ёв, Езэки́я, на дарэлас и на родэлас Дэвлэ́скири ла́ска. И Рай Дэвэ́л потангиндя (пожалиндя) пал биба́хт, со Ёв выпхэндя пэ лэ́ндэ. Нэ амэ кэра́са баро́ чорипэ́н проти амарэ́ дия́.”

Ереме́ё 36:3

Дава́, хай, (могинэ́ла) тэ явэ́л, со кхэр Юда́скиро явэ́ла тэ шунэ́л пал сари́ би́да, со Мэ камамас тэ янав пэ лэ́ндэ, соб (кай) кажно (сва́ко) лэ́ндыр могинэлас тэ рисёл криг лэ́скирэ бибахталэ́ дромэ́стыр, соб (кай) Мэ сашты́ тэ отмэкав (тэ простинав) лэ́нгэ лэ́нгиро чорипэ́н и лэ́нгиро грэ́хо.”

Ереме́ё 36:7

Дава́ сашты́ тэ явэ́л, со ёнэ выпхэнэна пэ́скирэ патерья (молитвы) анги́л Растэ-Дэвлэ́стэ, и со ёнэ рисёна пэ́скирэ кажнонэ́ бибахталэ́ дромэ́стыр. Пал-дова́ со бари холын исын и мижэхипэн (мижэх лава́), савэ́ Рай Дэвэ́л пхэндя́ пэ далэ́ манушэ́ндэ.”

Езэкилё 12:3

А ту, манушэ́скиро чхава, кэр пэ́скэ дова́, со трэй ваш пиритрадыпэн, и пиритрадэ дывэсэ́ анги́л лэ́нгирэ якха́. Пиритрадэ екхэ штэто́стыр пэ яви́р штэ́то анги́л лэ́нгирэ якха́, соб (кай) ёнэ тэ ґалён. Нэ ёнэ исын кхэр, кай на кандэ́на никонэ́с.

Езэкилё 18:21

И фуй ману́ш, ко́ли рисёла криг сарэ́ пэ́скирэ грэхэ́ндыр, савэ́ ёв кэрэ́лас, и ко́ли ёв явэ́ла тэ дживэ́л пир сарэ́ Мирэ́ упхэныбэна́, и явэ́ла тэ кэрэ́л пир зако́но и чачунэ́с, джидо́ явэ́ла, на мэрэ́ла.

Osija 11:9

Мэ на ява́ва тэ кэра́в пир саро́ зоралыпэ́н Мирэ́ холынакиро, Мэ на ява́ва тэ хасякира́в Ефремос. Пал-дова́ со Мэ сом Дэвэ́л, а на ману́ш, Екх Свэ́нто машки́р тумэ́ндэ; и Мэ на ява́ва трашаса дро фо́ро.

Ioil 2:14

Кон джинэ́ла, ци Ёв пожалинэла, и мэкэ́ла бахталыпэ́н пал Пэ́стэ, соб (кай) тумэ́ тэ янэ́н свэ́нто дыибэ́н гивэстыр, и тхадуно свэ́нто дыибэ́н Ра́скэ-Дэвлэ́скэ, тумарэ́ Дэвлэ́скэ?

Jona 4:2

И ёв мангдя́пэ Ра́скэ-Дэвлэ́скэ и пхэндя́ ёв: “О Раё Дэ́вла! Саро́ дава́ на пир мирэ́ лава́, со мэ пхэндём, ке́ли мэ ишчо (инкэ́) со́мас пэ пэ́скири пхув? Палдава́ мэ и насцём вагэдыр (ґарэдыр) кэ Фарсисо: пал-дова́ со мэ на джиндём, со Ту сан лачхэ́-дескиро Дэвэ́л, Саво́ сыкавэ́ла ла́ска, Саво́ ле́нтэс холясо́ла и кэрэ́ла бут-бут лачхипэ́н, Кон жалинэла тэ кэрэ́л бэдыпэн.