Čysly 7:88 - Библия - Пэ Балтитко Романи чиб (Романэс) 2019

⁸⁸ и дро раманёно (ми́рно) свэ́нто дыибэ́н саро́ кхэритконэ́ мурдалэ́ндыр (барэ́ ското́стыр) сыс биш тэ штар гуруворэ (телянты), шовдэша́ бакрэ́, шовдэша́ бузнэ, шовдэша́ екхэ-бэршытконэ бакрорэ. Акэ, саво́ сыс яныбэ́н тэ жужакирэл алта́рё пало́ лэ́скиро макхибэн.

Biblija - Pe Baltitko Romani čib (Romanes) 2019

⁸⁸ i dro ramanjono (mírno) svénto dyibén saró kheritkoné murdaléndyr (baré skotóstyr) sys biš te štar guruvore (tielianty), šovdešá bakré, šovdešá buzne, šovdešá jekhe-beršytkone bakrore. Ake, savó sys janybén te žužakirel altárjo paló léskiro makhiben.

Čysly 7:88 Iomraidhean Croise

Левито 3:9

и мэк тэ янэл мирнонэ жэртватыр Ра́скэ-Дэвлэ́скэ дро свэ́нто дыибэ́н ла́киро чэкэ́н, саро́ курдюко, отчхины лэс пир са́мо хребтоскиро кокало, и чэкэ́н (ту́ко), саво́ заучхакирэла андратунэ́ маса́ (букорэ), и саро́ чэкэ́н, саво́ исын пэ андратунэ́ маса́,

Čysly 7:1

Ке́ли Мо́йза чхудя́ ша́тра (ски́ния), и помакхця ла, и обсвэнцындя ла и алта́рё, и саро́, со трэй ваш лэ́скэ, и помакхця лэн и обсвэнциндя лэн,

Čysly 7:10

И яндлэ́ барыдыра́ свэ́нто дыибэ́н ваш алта́рё тэ обсвэнцынэн лэс дрэ лэ́скиро макхибнаскиро дывэ́с, и чхудэ́ барыдыра́ пэ́скиро яныбэ́н анги́л алта́рё.

Čysly 7:84

Акэ, сыс Израилёскирэ барыдырэндыр яныбэ́н тэ обсвэнцынэн алта́рё дро дывэ́с, ке́ли помакхнэ лэс: дэшуду́й барэ́ чарэ́, дэшуду́й рупувэ́ тахтая́, дэшуду́й сувнакунэ́ кадилы;

Čysly 7:87

Дро цэ́ло схачкирибэ́н сыс дэшуду́й гуруворэ (телянты), барэ́ кхэритконэ́ мурдалэстыр (ското́стыр), дэшуду́й бакрэ́, дэшуду́й екхэ-бэршытконэн бакрорэ и пашы́л лэ́ндэ маруно́ яныбэ́н, и дро свэ́нто дыибэ́н пал грэ́хо дэшуду́й бузнэн,