Čysly 7:10 - Библия - Пэ Балтитко Романи чиб (Романэс) 2019

¹⁰ И яндлэ́ барыдыра́ свэ́нто дыибэ́н ваш алта́рё тэ обсвэнцынэн лэс дрэ лэ́скиро макхибнаскиро дывэ́с, и чхудэ́ барыдыра́ пэ́скиро яныбэ́н анги́л алта́рё.

Biblija - Pe Baltitko Romani čib (Romanes) 2019

¹⁰ I jandlé barydyrá svénto dyibén vaš altárjo te obsvencynen les dre léskiro makhibnaskiro dyvés, i čhudé barydyrá péskiro janybén angíl altárjo.

Čysly 7:10 Iomraidhean Croise

2 Паралипоменоно 7:9

а пэ охто́то (бидуе́нгиро дэ́што) дывэ́с кэрдэ́ палатуно́ (после́днё) свэ́нко, пал-дова́ со алта́рё обсвэнцындлэ эфта́ дывэса́ и свэ́нко эфта́ дывэса́.

Ниеми́я 12:27

Акана́, сыр обсвэнцынэна ва́нты Ерусалимо́скирэ, то лэ́нгэ трэиндя́ тэ латхэ́н Левитэ́н пир сарэ́ штэ́ты, соб (кай) тэ янэ́н лэн дро Ерусалимо, соб (кай) тэ свэнкинэн, ке́ли обсвэнцынэна и ваш ра́дымакиро свэ́нко, парикирибнаса и багаибнаса тэл зан цымбалэнгири, псалтиренгири и арфакири.

2 Паралипоменоно 7:5

И яндя́ кра́ли Соломо́но дро свэ́нто яныбэ́н Ра́скэ-Дэвлэ́скэ биш тэ дуй тысёнцы гуруворэ́н и шэл тэ биш тысёнцы бакрэ́н: адя́кэ обсвэнцындлэ Ра́скирэ-Дэвлэ́скиро Кхэр кра́ли и сарэ́ мануша́.

3 Kralip 8:63

И яндя́ Соломо́но дро раманёно (ми́рно) свэ́нто дыибэ́н Ра́скэ-Дэвлэ́скэ, сави́ яндя́ ёв Ра́скэ-Дэвлэ́скэ, биш тэ дуй тысёнцы (бара́) баро́ ското (кхэритконэ́ мурдалэ́н) и шэл тэ биш тысёнцы тыкно́ ското. Адя́кэ обсвэнцындлэ Кхангири́ Ра́скэ-Дэвлэ́скэ кра́ли и сарэ́ Израилёскирэ чхавэ́.

Яви́р Зако́но 20:5

Причхувибнарья [барыдыра́ пэ халадэ́ндэ-ю.о.], мэк тэ пхэнэ́н анги́л манушэ́ндэ, ракири́: “Кон чхудя́ нэво́ кхэр и на нэвякирдя лэс, одова́ мэк тэ джал и тэ рисёл дро пэ́скиро кхэр, соб (кай) ёв тэ на мэрэ́л пэ марибэ́н, и яви́р ману́ш тэ на нэвякирэл лэ́скиро кхэр;

Psalmy 30:1

Давидо́скиро Пса́лмо. Гилы́, ке́ли багандлэ, сыр Свэнцындлэ Давидо́скиро Кхэр.

Ниеми́я 12:43

И янэ́нас дро дова́ дывэ́с барэ́ дыибэна́, и радындлэпэ, пал-дова́ со Дэвэ́л дыя́ лэ́нгэ бари ра́дыма. Радындлэпэ лошаса (радыма́са) и джувля́, и бияты, и ра́дыма (лош) Ерусалимо́скири сыс шундлы дур.

Čysly 7:1

Ке́ли Мо́йза чхудя́ ша́тра (ски́ния), и помакхця ла, и обсвэнцындя ла и алта́рё, и саро́, со трэй ваш лэ́скэ, и помакхця лэн и обсвэнциндя лэн,

Čysly 7:11

И пхэндя́ Рай Дэвэ́л Мойза́скэ: “Пир екхэ барыдырэстэ пэ дывэ́с мэк тэ янэ́н пэ́скирэ да́ры тэ обсвэнцынэн алта́рё.”

Čysly 7:84

Акэ, сыс Израилёскирэ барыдырэндыр яныбэ́н тэ обсвэнцынэн алта́рё дро дывэ́с, ке́ли помакхнэ лэс: дэшуду́й барэ́ чарэ́, дэшуду́й рупувэ́ тахтая́, дэшуду́й сувнакунэ́ кадилы;

Čysly 7:88

и дро раманёно (ми́рно) свэ́нто дыибэ́н саро́ кхэритконэ́ мурдалэ́ндыр (барэ́ ското́стыр) сыс биш тэ штар гуруворэ (телянты), шовдэша́ бакрэ́, шовдэша́ бузнэ, шовдэша́ екхэ-бэршытконэ бакрорэ. Акэ, саво́ сыс яныбэ́н тэ жужакирэл алта́рё пало́ лэ́скиро макхибэн.