Čysly 5:7 - Библия - Пэ Балтитко Романи чиб (Романэс) 2019

⁷ тэды мэк тэ приґалёнпэ дро пэ́скиро грэ́хо, саво́ ёнэ кэрдэ́, и тэ рискирэ́н саро́ дова́, дрэ со ёнэ сыс бангэ́, и тэ дочхувэн кэ дова́ па́нджто паш и тэ отдэ́н одолэ́скэ, проти конэ́стэ ёнэ кэрдэ́ грэ́хо;

Biblija - Pe Baltitko Romani čib (Romanes) 2019

⁷ tedy mek te priĥaljonpe dro péskiro grého, savó jone kerdé, i te riskirén saró dová, dre so jone sys bangé, i te dočhuven ke dová pándžto paš i te otdén odoléske, proti konéste jone kerdé grého;

Čysly 5:7 Iomraidhean Croise

Psalmy 32:5

Мэ приґалыём пэ́скиро грэ́хо анги́л Ту́тэ, и Мэ на гарадём пэ́скиро чорипэ́н Ту́тыр. Мэ пхэндём: “Мэ ява́ва тэ приґалёвавпэ анги́л Растэ-Дэвлэ́стэ; ке́ли мэ пхагирава Лэ́скиро Зако́но”, и Ту отмэкэса мирэ́-грэхоскиро чорипэ́н. Сэ́ла.

Pritčy 28:13

Кон гаравэла пэ́скирэ грэ́хи, одолэ́скэ на явэ́ла мишто́, нэ кон приджинэла грэ́хи и мэкэ́ла тэ кэрэ́л лэн, кодолэ́с Дэвэ́л тангинэла.

Левито 26:40

Нэ ко́ли ёнэ приґалёнапэ дро пэ́скиро чорипэ́н и дрэ пэ́скирэ-дадэ́нгиро чорипэ́н, сыр ёнэ ґаздынэ́пэ проти Ма́ндэ и гинэ́ пэ Ма́ндэ,

Левито 26:41

пал со и Мэ гиём пэ лэ́ндэ и лыджиём лэн андрэ́ пэ лэ́нгирэ-вэргэнгири пхув; тэ́ньчи, сашты́, лэ́нгиро наобчхиндло ило́ ковлёла, и тэды ёнэ явэ́на тэ вырикинэн пал пэ́скиро чорипэ́н,

Левито 5:15

“Ко́ли вари-кон кэрэ́ла чорипэ́н и пир наджиныбэн кэрэ́ла грэ́хо проти дова́ предмето, со сыс обсвэнцындло Ра́скэ-Дэвлэ́скэ, мэк пал пэ́скири банг ёв тэ янэл Ра́скэ-Дэвлэ́скэ бакрэ́нгирэ стадатыр бакрэ́с бидошэнгирэс, пир тыри́ тими́н, рупувэ́ шэкеленца пир шэ́келё свэнтонэскиро, дро свэ́нто дыибэ́н (жэ́ртва) пал чорипэ́н;

Левито 5:16

пал доя́ свэнтыма, проти сави́ ёв кэрдя́ грэ́хо, мэк ёв тэ отдэ́л и тэ дочхувэл кэ дова́ па́нджто паш (до́ля), и тэ отдэ́л ла раша́скэ, и раша́й выжужакирэ́ла лэс бакрэскирэ яныбнаса пал чорипэ́н, и отмэкно лэ́скэ явэ́ла.

Левито 5:5

Ко́ли ёв исын банго́ дро вари-со далэ́стыр, и приджиндя банг, дрэ со ёв кэрдя́ грэ́хо,

Левито 7:7

Сыр пал грэхоскиро свэ́нто дыибэ́н, адя́кэ и пал свэ́нто дыибэ́н пал чорипэ́н Зако́но исын екх: ёв отлыджалапэ раша́скэ, саво́ жужакирэла лэ́са.

Čysly 5:8

ко́ли лэ́стэ нанэ чхаво́, савэ́скэ трэй тэ отдэс пал банг: тэды тэ отдэс дава́ Ра́скэ-Дэвлэ́скэ; мэк тэ явэ́л дава́ раша́скэ, адя́кэ-паць, сыр и бакро ваш жужакирибэн пир патяибэ́н, савэ́са ёв жужакирэлапэ;

Luka 19:8

Нэ Закхеё уштыя́ и пхэндя́ Ра́скэ-Дэвлэ́скэ “Раё Дэ́вла! Мэ отда́ва богэнгэ паш сарэ́ Мирэ́ миштыпна́стыр и, ко́ли мэ лыём хохаибнаса буты́р вари-савэ́ манушэ́стыр, мэ да́ва палэ штар мо́лы буты́р.”

Isúso 7:19

Тэды Ису́со пхэндя́ Аханоскэ: “Миро чхава! Воздэ Ра́скэ-Дэвлэ́скэ, Израилёскирэ Дэвлэ́скэ сла́ва, и приґалёвпэ анги́л Лэ́стэ, и дэ тэ джина́в ма́нгэ, со ту кэрдя́н; на счхакир ма́ндыр”.