Čysly 3:10 - Библия - Пэ Балтитко Романи чиб (Романэс) 2019

¹⁰ Аароно́с и лэ́скирэ чхавэ́н чхув тэ кэрэ́н буты́, соб (кай) ёнэ тэ дыкхэ́н пэ́скири рашаскири буты́; а ко́ли подджа́ла яви́р ману́ш, одова́ ману́ш явэ́ла отдыно́ мэрибна́скэ.”

Biblija - Pe Baltitko Romani čib (Romanes) 2019

¹⁰ Aaronós i léskire čhavén čhuv te kerén butý, sob (kaj) jone te dykhén péskiri rašaskiri butý; a kóli poddžála javír manúš, odová manúš javéla otdynó meribnáske.”

Čysly 3:10 Iomraidhean Croise

2 Kralip 6:7

Нэ Рай Дэвэ́л росхолясыя пэ Озастэ, и замардя́ лэс одо́й Дэвэ́л пал дая́ нахрато банг, и мыя́ ёв одо́й пашы́л Дэвлэ́скиро ковчэго.

3 Kralip 12:31

И кэрдя́ ёв мангипнытко штэ́то пэ вучипэ́н, и чхудя́ манушэ́ндыр раша́н, савэ́ на сыс Левиёскирэ чхавэ́ндыр.

1 Паралипоменоно 6:32

Ёнэ дынариндлэ́ (служиндлэ) манушэ́нгэ, савэ́ багандлэ анги́л скэдыибна́скири ски́ния, пака Соломо́но чхудя́ Ра́скирэ-Дэвлэ́скиро Кхэр дрэ Ерусалимо. И ёнэ тэрдинэ́ пэ пэ́скири буты́ пир пэ́скиро гиибэн (порядко).

Ниеми́я 6:11

Нэ мэ пхэндём: “Сашты́ (могинэ́ла) тэ нашэ́л адасаво́ ману́ш, сыр мэ сом?” Сашты́ адасаво́ тэ явэ́л, со, сыр дасаво сыр мэ сом, тэ джал андрэ́ Кхангири́ (Свэнто-свэнтонэнгиро), соб (кай) тэ ячэ́л джидэса? На джа́ва.”

Vygiiben 29:9

и обпхандэ лэн кустыкаса, Аароно́с и лэ́скирэ чхавэ́н, и чхув пэ лэ́ндэ пхандлуня (повязки), и явэ́ла лэ́нгэ дыно́ рашаибэн пир стату́то пэ ве́ко; и пхэрдякир Аароно́скирэ и лэ́скирэ-чхавэ́нгирэ васта́.

Езэкилё 44:8

Тумэ́ на ракхэнас Миро свэ́нто штэ́то, а чхувэ́на лэн, соб (кай) тэ ракхэ́н пэ Миро свэ́нто штэ́то.”

Левито 22:10

Никонэ́скэ явирэ манушэ́скэ нашты́ тэ хал свэнтыма: саво́ дживэ́ла кэ раша́й и налыно бутярно нашты́ тэ хал свэнтыма;

Čysly 1:51

и ке́ли явэ́ла трэй тэ пирилыджас ша́тра, мэк Леви́ты тэ ґаздэ́н ла; и ке́ли явэ́ла трэй тэ чхувэ́н ша́тра, мэк Леви́ты тэ чхувэ́н ла; а ко́ли подджа́ла вари-кон явирэ манушэ́ндыр, явэ́ла отдыно́ пэ мэрибэ́н.

Čysly 16:10

Ёв кэрдя́ пашылэды́р тут кэ Пэ и ту́са сарэ́н тырэ́н пшалэ́н, Левиёскирэ чхавэ́н, и тумэ́ домарэнапэ ишчо (инкэ́) тэ ячэн рашанца.

Čysly 16:35

И выгия́ яг Ра́стыр-Дэвлэ́стыр и хая одолэ́н дуйшэла́ пандждэша́ муршэ́н, савэ́ яндлэ́ гудлэ́ смо́лы (фимиа́мо).

Čysly 16:40

соб (кай) тэ рипирэ́н Израилёскирэ чхавэ́, соб (кай) нико́н яви́р ману́ш, саво́ на Аароно́скирэ родо́стыр, тэ на подджа́л тэ янэл гудлэ́ смо́лы (фимиа́мо) тэ хачкирэл анги́л Ра́скирэ-Дэвлэ́скиро муй, и, соб (кай) тэ на явэ́л лэ́са, со Кореёса и лэ́скирэ манушэ́нца, савэ́ сыс лэ́са кхэтанэ́, сыр ракирдя́ лэ́скэ Рай Дэвэ́л пир Мойзастэ.

Čysly 18:3

мэк ёнэ тэ дынаринэ́н (тэ служынэн) ту́кэ и тэ дынаринэ́н пэ сари́ ски́ния; екх, соб (кай) тэ на подджан кэ свэнтонэ́-штэтоскирэ предметы и кэ алта́рё, соб (кай) тэ на мэрэ́н и лэ́нгэ, и тумэ́нгэ.

Čysly 18:7

и ту, и тырэ́ чхавэ́ ту́са, дыкхэ́н пал тумари́ свэнтыма дро саро́, со исын алтарёскиро и со исын андра́л пал шы́рма, и дынаринэ́н; тумэ́нгэ дава́ Мэ дрэ да́ро свэ́нто дынарибэ́н, а яви́р ману́ш, и саво́ подджа́ла, отдыно́ явэ́ла мэрибна́скэ.

Čysly 3:11

И пхэндя́ Рай Дэвэ́л Мойза́скэ, ракири́:

Čysly 3:38

Англатунэ́ рига́тыр дрэ ша́тра, кэ васто́ко анги́л скэдыибна́скири ша́тра, сави́ сыс рисии, кай ґаздэ́лапэ кхам, сыс бангэ́ тэ чхувэ́н ста́но (таборо (лод)) Мо́йза и Ааро́но и лэ́скирэ чхавэ́, савэ́нгэ сыс допатяндыно тэ ракхэ́н свэ́нто штэ́то пал Израилёскирэ чхавэ́ндэ; а ко́ли вари-кон подджа́ла явирэ манушэ́ндыр (саво́ на Аароностыр), явэ́ла отдыно́ мэрибна́скэ.

Римлянэнгэ 12:7

ко́ли вари-конэ́скэ дыно́ тэ помогинэл явирэ́нгэ, мэк одова́ ману́ш тэ помогинэл; ци, ко́ли вари-конэ́скэ дыно́ тэ явэ́л сыклякирибна́скиро, мэк одова́ ману́ш тэ сыклякирэ́л.

Эфесянэнгэ 2:19

Палдава́ тумэ́ на сан буты́р чу́жа, и тумэ́ на сан мануша́, савэ́ на ґара́ явнэ́, нэ тумэ́ сан пал екх Свэнтонэ́ манушэ́нца, и тумэ́ сан екх Дэвлэ́скири сэ́м΄я(ири́),

Яви́р Зако́но 18:5

пал-дова́ со лэс выкэдыя́ Рай Дэвэ́л, Дэвэ́л тыро́, сарэ́ родыцо́стыр тырэстыр, соб (кай) ёв тэ тэрдёл анги́л Растэ-Дэвлэ́стэ, Дэвлэ́стэ тырэстэ, тэ дынаринэ́л Ра́скирэ-Дэвлэ́скирэ лавэ́са, кокоро́ и лэ́скирэ чхавэ́ дрэ сарэ́ дывэса́.

Юдэ́нгэ 8:4

Ко́ли Христо́со тэ ячэласпэ тэ дживэ́л пэ пхув, Ёв на явэ́лас Раша́са, пал-дова́ со исын ада́й кадасавэ́ рашая́, савэ́ ишчо (инкэ́) янэ́на свэ́нта дыибэна́ пир Мойза́скиро Зако́но;

Сэндарьенгири Лылвари́ 17:5

И сыс Михастэ Дэвлэ́скиро Кхэр. И кэрдя́ ёв эфо́до и терафимо, и ёв высвэнцындя пэ́скирэ чхавэ́ндыр екхэ́с, соб (кай) ёв тэ явэ́л лэ́стэ раша́са.

1 Kralip 6:19

И домардя́ Ёв Вефсамисоскирэ манушэ́н пал дова́, со ёнэ поддыкхэнас дро Ра́скирэ-Дэвлэ́скиро ковчэго, и замардя́ манушэ́ндыр пандждэша́ тысёнцы эфтадэша́ манушэ́н; и зарондлэ мануша́, пал-дова́ со домардя́ Рай Дэвэ́л манушэ́н барэ́ марибна́са.