Čysly 21:8 - Библия - Пэ Балтитко Романи чиб (Романэс) 2019

⁸ И пхэндя́ Рай Дэвэ́л Мойза́скэ: “Кэр пэ́скэ сапэс и чхув лэс пэ вучо́ кило, и ману́ш, савэ́с дандырэлас сап, дыкхи́ пэ лэ́стэ, ячэ́лапэ джидо́.”

Biblija - Pe Baltitko Romani čib (Romanes) 2019

⁸ I phendiá Raj Devél Mojzáske: “Ker péske sapes i čhuv les pe vučó kilo, i manúš, savés dandyrelas sap, dykhí pe léste, jačélape džidó.”

Čysly 21:8 Iomraidhean Croise

4 Kralip 18:4

Ёв отпарудя вучипэна́, розмардя́ статулы, вычингирдя дэмбы и харкунэ́ сапэс, савэ́с кэрдя́ Мо́йза, – пал-дова́ со кэ сама долэ́ дывэса́ Израилёскирэ чхавэ́ тхувалякирдэ лэ́скэ и кхардэ́ лэс ‘Нехуштано.’

Psalmy 145:8

Рай Дэвэ́л исын лачхэдескиро (милосно) и тангипнаскиро и, Ёв насыг холясо́ла, и исын древа́н лачхэ́-илэ́скиро.

Isajos 14:29

“На ра́дынпэ Филистиякири пхув, со пхадёла дэсто́, саво́ тут марэлас, пал-дова́ со сапитконэ родо́стыр выджа́ла сап, а далэ́ сапэстыр – сап, саво́ явэ́ла тэ вурнял.

Isajos 30:6

Пхарипэ́н пасёла пэ грэ́ндэ, савэ́ джа́на пэ паш-дывэ́с (юго), пир пхув, кай тасавэна и притасавэ́на, каты́р выджа́на саплыня и кармуса (мышы), савэ́ вурняна; ёнэ лыджа́на пэ ослэндэ пэ́скиро барвалыпэ́н и пэ верблюдэндэ пэ́скиро кучипэ́н, лыджа́на кэ народо, савэ́стыр ничи́ лачхо́ на прилэ́на (нисаво́ лачхипэ́н на явэ́ла).

Isajos 45:22

Кэ Мэ обрисён и тумэ́ зракхэнапэ, сарэ́ яго́ры (краи́) пэ пхув, пал-дова́ со Мэ сом Дэвэ́л и нанэ явирэ́с.

Joannostir 3:14

Сыр Мо́йза (Моисеё) ґаздыя́ сапэс пэ чхучи́ пхув, адя́кэ Чхавэ́скэ Манушэскирэскэ трэиндя́ тэ явэ́л ґаздыно́,