Čysly 21:7 - Библия - Пэ Балтитко Романи чиб (Романэс) 2019

⁷ И явнэ́ мануша́ кэ Мо́йза и пхэндлэ́: “Кэрдя́м амэ грэ́хо, со ракирдям проти Растэ-Дэвлэ́стэ и пэ ту́тэ; помангпэ Ра́скэ-Дэвлэ́скэ, соб (кай), Ёв тэ отлыджал амэ́ндыр сапэн.” И мангдя́пэ Мо́йза пал манушэ́ндэ.

Biblija - Pe Baltitko Romani čib (Romanes) 2019

⁷ I javné manušá ke Mójza i phendlé: “Kerdiám ame grého, so rakirdiam proti Raste-Devléste i pe túte; pomangpe Ráske-Devléske, sob (kaj), Jov te otlydžal améndyr sapen.” I mangdiápe Mójza pal manušénde.

Čysly 21:7 Iomraidhean Croise

Apostolengiri Butý 8:24

И Си́моно отпхэндя́, пхэни́: “Мангэ́нпэ Дэвлэ́скэ тумэ́ пал ма́ндэ, соб (кай) ма́нца нисо́ тэ на кэрэ́лпэ долэ́стыр, пал со тумэ́ ракирдэ́.”

Psalmy 78:34

Ке́ли Ёв замарэлас лэн, тэды ёнэ родэнас Лэс, и ёнэ рискирэнас пэ́скиро ило́ и зоралэ́с родэнас Дэвлэ́с,

Čysly 11:2

И лынэ́ тэ дэн го́дла мануша́ Мойза́скэ; и помангдяпэ Мо́йза Ра́скэ-Дэвлэ́скэ, и штылыя яг.

Vygiiben 8:8

И кхардя́ фарао́но Мойза́с и Аароно́с и пхэндя́: “Мангэ́нпэ Ра́скэ-Дэвлэ́скэ, соб (кай) Ёв тэ отлэл жамбэн ма́ндыр и мирэ́ манушэ́ндыр, и мэ отмэка́ва Израилёскирэ манушэ́н тэ янэ́н свэ́нто дыибэ́н (жэ́ртва) Ра́скэ-Дэвлэ́скэ.”

3 Kralip 13:6

И пхэндя́ кра́ли Дэвлэ́скирэ манушэ́скэ: “Ковлякир Рас-Дэвлэ́с, Дэвлэ́с тырэ́с, и мангпэ акана пал ма́ндэ, соб (кай) васт миро могиндя́ тэ рисёл кэ мэ.” И ковлякирдя Дэвлэ́скиро ману́ш муй Рас-Дэвлэ́с, и васт крали́скиро рисия́ кэ ёв, и яця́, сыр англэды́р.

Vygiiben 8:28

И пхэндя́ фарао́но: “Мэ отмэка́ва тумэн тэ янэ́н Ра́скэ-Дэвлэ́скэ, тумарэ́ Дэвлэ́скэ свэ́нто дыибэ́н (жэ́ртва) пэ чхучи́ пхув, екх со на джа́н дур; мангэ́нпэ пал ма́ндэ.”

Jakov 5:16

Приджинэн пэ́скирэ грэ́хи екх анги́л екхэ́стэ, соб (кай) тумэ́ тэ высастён: чачунэ́ манушэ́скиро мангипэ́н кэрэ́ла бари буты́.

Римлянэнгэ 10:1

Пшала́лэ! Шук мирэ́ илэскири и мангипэ́н кэ Дэвэ́л исын пал дова́, соб (кай) Израилё тэ явэ́л зракхно.

Матфеё 27:4

пхэни́: “Мэ кэрдём грэ́хо, пал-дова́ со здыём Манушэ́с, Савэ́стэ исын бибангипнаскиро рат.” Нэ ёнэ пхэндлэ́: “Со амэ́нгэ? Дава́ исын тыро́ рэ́ндо.”

Osija 5:15

Мэ джа́ва криг, Мэ рисёва́ва пэ Миро штэ́то анги́л дова́, сыр ёнэ приджинэна пэ́скири банг [лэ́нгиро чорипэ́н-ю.о.] и явэ́на тэ родэ́н Миро муй: ке́ли лэн притасавэ́на, ёнэ явэ́на добусо́вэс тэ родэ́н Ман.

Ереме́ё 37:3

И о Сэдэки́я, кра́ли бичхадя́ Иегухалос, чхавэ́с Сэлэмиякирэс и Софонияс, чхавэ́с Маасеяскирэс, кон сыс раша́й, кэ проро́ко Ереме́ё тэ пхэнэ́н: “Помангпэ пал амэ́ндэ Ра́скэ-Дэвлэ́скэ, амарэ́ Дэвлэ́скэ.”

Ереме́ё 15:1

И пхэндя́ Рай Дэвэ́л ма́нгэ: “Мэк Мо́йза и Самуи́ло тэ тэрдён анги́л Ма́ндэ, нэ Миро ди на рисёла кэ адалэ́ мануша́. Бичха́в лэн криг Мирэ́ якхэ́ндыр, и мэк ёнэ тэ джа́н пэ́скэ.

Psalmy 106:23

И Ёв пхэндя́, со Ёв хасякирэлас лэн, тэ на явэ́л Мо́йза, савэ́с Дэвэ́л выкэдыя́, саво́ тэрдия́ муршканэ́с тэ уракирэл Дэвлэ́с, и тэ рискирэ́л лэ́скиро хасякирибэн, соб (кай) Ёв тэ на хасякирэ́л лэн.

Ióvo 42:10

И Рай Дэвэ́л дыя́ палэ Иовоскиро миштыпэ́н, ке́ли ёв мангдя́пэ пал лэ́скирэ малэндэ. И Рай Дэвэ́л дыя́ Иовоскэ дуй мо́лы бутэды́р, сыр сыс лэ́стэ.

Ióvo 42:8

Палдава́ лэн акана́ эфта́ гурувэ́н и эфта́ бакрэ́н и джа́н кэ Миро писха́ри Ио́во и янэ́н лэн сыр свэ́нто хачкирибнаскиро дыибэ́н, и мэк Миро писха́ри Ио́во тэ мангэ́лпэ пал тумэ́ндэ. Пал-дова́ со мэ прилава лэ́скиро мангипэ́н, и соб (кай) Ма́нгэ тэ на сыкавав Пэ́скири зор пэ тумэ́ндэ пал тумаро́ дылныпэ́н, пал-дова́ со тумэ́ ракирдэ́ на чачипэ́н пал Ма́ндэ, сыр миро писха́ри Ио́во пхэндя́.”

1 Kralip 15:30

И пхэндя́ Са́уло: “Мэ кэрдём грэ́хо, нэ сыка́в паты́в ма́нгэ какана́ анги́л мирэ́ манушэ́нгирэ пхурыдырэндэ и анги́л Израилё, и рисёв ма́нца, и мэ да́ва паты́в Ра́скэ-Дэвлэ́скэ, тырэ́ Дэвлэ́скэ.”

1 Kralip 15:24

И пхэндя́ Са́уло Самуилоскэ: “Кэрдём мэ грэ́хо, пал-дова́ со пхагирдём Ра́скирэ-Дэвлэ́скиро припхэныбэ́н и тыро́ лав; нэ мэ дарандыём манушэ́ндыр и шундём лэ́нгири зан;

Яви́р Зако́но 9:20

И пэ Аароностэ древа́н (збит) холя́сыя Рай Дэвэ́л и камдя́ тэ мулякирэ́л лэс; нэ мэ мангдёмпэ и пал Аароностэ дро дова́ часо.

Vygiiben 32:30

Пэ яви́р дывэ́с Мо́йза пхэндя́ манушэ́нгэ: “Тумэ́ кэрдэ́ баро́ грэ́хо; и адя́кэ мэ джа́ва упрэ́ кэ Рай Дэвэ́л, соб (кай) тэ вымангав тэ отмэкэ́л тумаро́ грэ́хо.”

Vygiiben 32:11

Нэ Мо́йза лыя́ тэ примангэл Рас-Дэвлэ́с, Пэ́скирэ Дэвлэ́с, и пхэндя́: “Мэк тэ на захачол, Раё Дэ́вла, Тыро́ холякирибэ́н пэ Тырэ́ манушэ́ндэ, савэ́н Ту вылыджиян барэ́ зорья́са и зоралэ́ вастэ́са Египто́скирэ пхувья́тыр,

Džiibén 20:7

акана́ ри́скир ромня́ палэ ромэскэ: пал-дова́ со ёв исын проро́ко, и ёв явэ́ла тэ мангэ́лпэ пал ту́тэ, и ту явэ́са джидо́; а ко́ли на рискирэса, тэды джин, со ту, и сарэ́ тырэ́, мэрэ́на.”

Džiibén 20:17

И Авраа́мо мангдя́пэ Дэвлэ́скэ, и Дэвэ́л высастякирдя́ Авимелехос и лэскирья ромня́ и лэ́скирэ писхарицэн (рабыне́н), и ёнэ лынэ́ тэ биянэн чхавэ́н.

4 Kralip 13:4

И мангдя́пэ о Иоахазо Ра́скэ-Дэвлэ́скэ, и шундя́ лэс Рай Дэвэ́л; пал-дова́ со Ёв дыкхця́ Израильтянэнгиро притасаибэн, сыр тасадя лэн Сирия́киро кра́ли.

Isajos 26:16

Раё Дэ́вла! Дрэ биба́хт би́да ёв Тут родэлас; мангэласпэ, ко́ли холы́ Тыри́ сыс пэ лэ́стэ.

Vygiiben 8:4

и пэ ту́тэ, и пэ тырэ́ манушэ́ндэ, и пэ сарэ́ тырэ́ дынарьендэ джа́на упрэ́ жамбы.’”

Vygiiben 10:17

акана́ примангэн грэ́хо миро ишчо (инкэ́) мо́ло, и пхэнэ́н па́тери (моли́тва) Ра́скэ-Дэвлэ́скэ, Дэвлэ́скэ тумарэскэ, соб (кай) Ёв тэ отлыджал ма́ндыр дава́ мэрибэ́н.”