Čysly 15:3 - Библия - Пэ Балтитко Романи чиб (Романэс) 2019

³ и явэ́на тэ янэ́н свэ́нто дыибэ́н Ра́скэ-Дэвлэ́скэ, цэ́ло схачкирибэ́н, ци тэ явэ́л свэ́нто дыибэ́н зачхиндлэ́ гурувэндыр и бакрэ́ндыр, соб (кай) тэ кэрэ́л пир совла́х, ци пир паты́в, ци дрэ тумарэ́ свэ́нки, соб (кай) тэ кэрэ́н гудло́ тхув, лачхо́ Ра́скэ-Дэвлэ́скэ,

Biblija - Pe Baltitko Romani čib (Romanes) 2019

³ i javéna te janén svénto dyibén Ráske-Devléske, célo shačkiribén, ci te javél svénto dyibén začhindlé guruvendyr i bakréndyr, sob (kaj) te kerél pir sovláh, ci pir patýv, ci dre tumaré svénki, sob (kaj) te kerén gudló thuv, lačhó Ráske-Devléske,

Čysly 15:3 Iomraidhean Croise

Džiibén 8:21

И сунгадя Рай Дэвэ́л гудло́ тхув (дымо) и пхэндя́ Рай Дэвэ́л дро Пэ́скиро ило́: “Мэ на ява́ва буты́р тэ прокошав пал пхув манушэ́с, пал-дова́ со манушэ́скиро ило́ исын тэ кэрэ́л фуипэ́н лэ́скирэ тэрныпнастыр: и буты́р Мэ на ява́ва тэ хасякира́в саро́, со исын джидо́, сыр Мэ кэрдём.

Е́здра 7:17

акана́ палдава́ кин сы́гэс пэ далэ́ ловэ́ гурувэ́н, бакрэ́н и бакрорэ́н кхэтанэ́ лэ́нгирэ свэнтонэ́ дыибнаса гивэстыр и лэ́нгирэ тхадунэ свэнтонэ́ дыибнаса, и ян лэн пэ алта́рё дро Кхэр (Кхангири́) тумарэ́ Дэвлэ́скиро кэ Ерусалимо.

Psalmy 54:6

Акэ, Дэвэ́л дэ́ла васт ма́нгэ. Рай Дэвэ́л исын одолэнца, кон подрикирэ́ла миро ди.

Vygiiben 29:18

и схачкир сарэ́ бакрэ́с пэ алта́рё. Дава́ исын цэ́ло схачкирибэ́н Ра́скэ-Дэвлэ́скэ, гудло́ тхув, свэ́нто дыибэ́н, Ра́скэ-Дэвлэ́скэ.

Vygiiben 29:25

и лэ дава́ лэ́нгирэ вастэ́ндыр, и хачкир сарэ́са пэ алта́рё цэлонэ́ схачкирибнаса сыр гудло́ тхув анги́л Растэ-Дэвлэ́стэ: дава́ исын свэ́нто дыибэ́н (жэ́ртва) Ра́скэ-Дэвлэ́скэ.

Vygiiben 29:41

явирэ́с бакрэ́с ян бэльвэле́: яржэскирэ дароса, дасаво-паць сыр ранкоса (злокоса), и дасавэса тхадунэ-свэнтонэ́ дыибнаса ян лэс дрэ гудло́ тхув, дро ягуно свэ́нто дыибэ́н Ра́скэ-Дэвлэ́скэ.

Левито 10:13

и хан лэс пэ свэ́нто штэ́то, пал-дова́ со дава́ исын котэ́р (куско) тыро́, и котэ́р тырэ́ чхавэ́нгиро Ра́скирэ-Дэвлэ́скирэ свэнтонэ́ дыибнэндыр: адя́кэ ма́нгэ пхэндло́ Ра́стыр-Дэвлэ́стыр;

Левито 27:2

“Ра́кир Израилёскирэ чхавэ́нгэ и пхэн лэ́нгэ: ‘Кон совлахала тэ высвэнцынэл вари-конэ́скиро ди Ра́скэ-Дэвлэ́скэ пир тыри́ тими́н (цэна),

Левито 7:16

Ко́ли вари-кон янэ́ла свэ́нто дыибэ́н пир совла́х ци илэ́стыр, тэды лэ́скиро свэ́нто дыибэ́н трэй тэ хан дро яныбнытко дывэ́с, и пэ яви́р дывэ́с, со ячэ́лапэ лэ́стыр, лэс сашты́ тэ хан,

Čysly 28:27

и янэ́н цэ́ло схачкирибэ́н дро гудло́ тхув Ра́скэ-Дэвлэ́скэ: кхэритконэ́ мурдалэстыр (барэ́ ското́стыр) дуе́н гуруворэ́н, екхэ бакрэ́с и эфта́ екхэ-бэршытконэ бакрэ́н,

Čysly 29:8

и янэ́н цэ́ло схачкирибэ́н Ра́скэ-Дэвлэ́скэ дро гудло́ тхув: екхэ гуруво́рэс, екхэ бакрэ́с, эфта́ екхэ-бэршытконэн бакрэ́н; би дошакирэн, бангэ́ ёнэ тэ явэ́н тумэ́ндэ;

Čysly 6:15

и кхудо (корзина) опреснокэнца пшеничнонэ яржэстыр, маро́, саво́ сыс спэкно елеёса, и пресна марикля, савэ́ сыс помакнэ елеёса, и пашы́л лэ́ндэ маруно́ яныбэ́н и вычхуибэн;

Матфеё 3:17

И акэ, зан болыбна́стыр, сави́ ракирдя́: “Кадава́ исын Миро дро́го Чхаво́, дрэ Савэ́стэ исын Мири́ бари ра́дыма.”

2 Коринфянэнгэ 2:15

Пал-дова́ со амэ сам сы́рбы гудло́ тхув (дымо), со Христо́со янэ́ла Дэвлэ́скэ ваш одолэ́нгэ, савэ́ исын зракхнэ́ и ваш одолэ́нгэ, савэ́ хасёна;

2 Коринфянэнгэ 2:16

ваш екхэ манушэ́нгэ дава́ исын мэрибнаскиро кхандыпэн, ваш явирэ манушэ́нгэ дава́ исын джиибна́скири сунг. Кон жа, тэды, исын лачхо́ пэ дава́?

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Яви́р Зако́но 12:11

то тэды, саво́ штэ́то выкэдэ́ла Рай Дэвэ́л, Дэвэ́л тумаро́, соб (кай) тэ явэ́л лав Лэ́скиро одо́й, одори́к янэ́н саро́, со мэ пхэна́ва тумэ́нгэ: тумарэ́ цэ́ла схачкирибэна и тумарэ́ свэ́нта дыибэна́ Ра́скэ-Дэвлэ́скэ, тумарэ́ дэшэнгирья (десятины) и тумарэ́ вастэнгиро ґаздыпэн, и саро́, со исын выкэдымо фэды́р пир тумарэ́ совэла, пал со тумэ́ дынэ́ лав Ра́скэ-Дэвлэ́скэ;

Яви́р Зако́но 12:17

Нашты́ ту́кэ тэ хас дрэ тырэ́ кхэра́ дэшэнгирья тырэ́ марэстыр, и мол (вино) тыри́ и елеё тыро́, и тырэ́ барэ́ мурдалэнгирэн (скотоскирэ) англатунэн и тырэ́ тыкнэ́ мурдалэнгирэн, и сарэ́стыр, пэ со исын тырэ́ совэла, савэ́ ту совлахадян и яныбэ́н пир пэ́скиро ило́, и тырэ́ вастэнгирэ ґаздыпнастыр;

Яви́р Зако́но 12:6

и одори́к янэ́н тумарэ́ цэ́ла схачкирибэна, и тумарэ́ свэ́нта дыибэна́ Ра́скэ-Дэвлэ́скэ, и тумарэ́ дэшэнгирья (десятины), и тумарэ́ вастэнгиро ґаздыпэн, и тумарэ́ совэла, и тумаро́ яныбэ́н пир пэ́скиро ило́, и англатунэн (пэрвонэ́ бияндлэн) тумарэ́ барэ́ и тыкнэ́ тумарэ́ кхэритконэ́ мурдалэ́ндыр (ското́стыр);

Filipiicenge 4:18

Мэ дорэсцём буты́р, сыр ма́нгэ трэй, мэ сом радо, ке́ли дорэсцём Епафодитостыр саро́, со тумэ́ бичхадэ́ ма́нгэ сы́рбы гудло́ аромато, сыр дро́го свэ́нто дыибэ́н, саво́ исын лачхо́ Дэвлэ́скэ.