Čysly 10:9 - Библия - Пэ Балтитко Романи чиб (Романэс) 2019

⁹ и, ке́ли джа́на тумэ́ пэ марибэ́н пэ тумари́ пхув проти вэргостэ, саво́ джа́ла марибна́са пэ тумэ́ндэ, башавэн ґара́ (длу́гэс) тривога, – и тумэ́ явэ́на пририпирдэ анги́л Растэ-Дэвлэ́стэ тумарэстэ, и явэ́на зракхнэ́ тумэ́ вэргэ́ндыр;

Biblija - Pe Baltitko Romani čib (Romanes) 2019

⁹ i, kiéli džána tumé pe maribén pe tumarí phuv proti vergoste, savó džála maribnása pe tuménde, bašaven ĥará (dlúges) trivoga, – i tumé javéna priripirde angíl Raste-Devléste tumareste, i javéna zrakhné tumé vergéndyr;

Čysly 10:9 Iomraidhean Croise

Džiibén 8:1

И пририпирдя Дэвэ́л пал Ноёстэ, и пал кажно джидо́ создыибэн, и пал сарэ́ кхэритконэ́ мурдалэ́ндэ (ското), савэ́ сыс лэ́са дро ковчэго; и ґаздыя́ Дэвэ́л балва́л пэ пхув, и пирияця́ пани́.

2 Паралипоменоно 13:12

И, акэ, амэ́ндэ дрэ шэралыпэн исын Дэвэ́л, и Лэ́скирэ рашая́, и ро́ги (трубы) исын зоралэзанякирэ, соб (кай) тэ дэн го́дла проти тумэ́ндэ. Чхавэ́ Израилёскирэ! На марэ́нпэ Ра́са-Дэвлэ́са, тумарэ́-дадэнги́рэ Дэвлэ́са; пал-дова́ со тумэ́ адя́кэ на дорэсэ́на лачхипэ́н.”

2 Паралипоменоно 13:14

И обдыкхнэпэ Юдэи, и ґа́да, лэ́нгэ марибэ́н сыс анги́л и пала́л; и задынэ го́дла ёнэ кэ Рай Дэвэ́л, а рашая́ забашадэ рогэ́нца.

Psalmy 106:4

Ри́пир ман, Раё Дэ́вла, пир Тыри́ ла́ска кэ Тырэ́ мануша́, на бистыр ман, сыр Ту явэ́са тэ зракхэс лэн:

Psalmy 106:42

и лэ́нгирэ вэ́рги притасавэнас лэн и ёнэ пэ́скирэ вастэ́нца чхувэ́нас ґа́мо пэ лэ́ндэ.

Psalmy 136:23

Ёв рипирдя амэн сыр амэ са́мас пэ тэлатуно штэ́то, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки;

Isajos 18:3

Сарэ́ тумэ́, кон дживэ́ла пэ свэ́то и пэ пхув! Дыкхэ́н, ко́ли шпэ́ра марибны́тко ґаздэ́лапэ пэ бэ́рги, и ко́ли башады забашавэла, то шунэ́н!

Isajos 58:1

“Кхар зоралэ́ заня́са, на андырша; ґа́здэ тыри́ зан сыр ро́го (труба), сыка́в Мирэ́ народоскэ пэ лэ́скирэ налачхэ́ рэ́нды, сыка́в Яково́скирэ кхэрэ́скэ пэ лэ́скирэ грэ́хи.

Ереме́ё 4:19

Миро ди калёла! Миро ди калёла, саро́ миро ило́ дукхала тугатыр! Сыр издрала миро ило́ роибнастыр, ма́нгэ нашты́ тэ явав штыл, пал-дова́ со ту шунэса, миро ди, сыр башавэла ро́го (труба), сыр дэ́на го́дла, кай джа́ла марибэ́н.

Ереме́ё 4:21

Сыр ґара́ (длу́гэс) ма́нгэ тэ дыкха́в пэ сцяго (пэ флаго), и тэ шунав рогоскири зан?

Ереме́ё 4:5

Подэн зан (звесь) дрэ Юдэ́я, обзанякирэн дро Ерусалимо и пхэнэ́н: ‘Пхурдэ́н дрэ ро́ги (трубы) пир пхув: ровэ́н, кэдэнпэ кхэтанэ́ и пхэнэ́н: ‘Скэдэ́нпэ и джа́са андрэ́ фо́рья марибнытконэ́ (зоралэ́) вантэнца.’

Ереме́ё 49:2

Палдава́, акэ, явэ́на дывэса́,” – ракирэ́ла Рай Дэвэ́л, – “со явэ́ла шундлы марибнаскири зан (глос) дрэ Рава Амоноскирэ-чхавэнгири. И далэ́ форо́стыр ячэ́напэ руинэнгирэ бэ́ргицы, и Равакирэ гава́ явэ́на хачкирдэ́ яга́са. Тэ́ньци Израилё лэ́ла палэ дая́ пхув сыр пэ́скиро миштыпэ́н одолэ́ндыр, кон лыя́ лэ́стыр,” – ракирэ́ла Рай Дэвэ́л.

Ереме́ё 6:1

О, Вениамино́скирэ чхавэ́, кэдэнпэ тэ нашэ́н криг Ерусалимо́стыр! Пхурдэ́н дрэ ро́ги (трубы) дрэ Текуя и кэрэ́н яг, сыр сигнало дро Бэц-Хацэрэмо; бари биба́хт джа́ла паш-ратякирэ рига́тыр (северостыр) и бари би́да.

Ереме́ё 6:17

Рай Дэвэ́л адя́кэ-паць чхудя́ стрэгарьен (ракхибнарьен) ваш адалэ́ манушэ́нгэ: “Шунэ́н рогоскири зан!” Нэ ёнэ пхэндлэ́: “Амэ на ява́са тэ шунас.”

Езэкилё 7:14

Забашавэна дро ро́го (труба), саро́ кэдэлапэ, соб (кай) тэ джал пэ марибэ́н, нэ нико́н на явэ́ла пэ марибэ́н, пал-дова́ со Миро холямипэн исын пэ саро́ лэ́нгиро бутыпэн.

Osija 5:8

Пхурдэ́н дро бакрано ро́го дрэ Гива́, пхурдэ́н дро ро́го (труба), дрэ Ра́ма; дэн го́дла зоралэ́с дро Беф-Авэно, дыкх жа пала́л пал пэ́стэ, о Вениамино!

Левито 23:24

“Пхэн Израилёскирэ чхавэ́нгэ: дрэ эфта́то чхон, пэ англатунэ́-чхонэ́скиро дывэ́с мэк тэ явэ́л тумэ́ндэ откхиныбэн, свэ́нко рогэнгиро (трубэнгиро), свэ́нто скэдыибэ́н;

Amoso 3:6

Ко́ли тэ на башавэл зоралэ́с ро́го (труба) дро фо́ро, ци явэ́на мануша́ тэ дарэ́н? Ко́ли исын бари би́да дро фо́ро, ци дава́ исын на Дэвлэ́стыр, Кон домэкця дава́?

Софония 1:16

дро дова́ дывэ́с явэ́на тэ пхурдэ́н дро ро́го (труба) и явэ́ла марибны́тко годлыма проти фо́рья зоралэ́ вантэнца и проти вучэ́ вучардя (башни).

Čysly 31:6

И бичхадя́ лэн Мо́йза пэ марибэ́н, пир тысёнцо родыцо́стыр, лэн и Финеесос, рашаскирэ Елизароскирэ чхавэ́с пэ марибэ́н, и дрэ лэ́скиро васт сыс свэ́нта кхорэ́ (сасу́ды) и ро́ги (трубы) ваш сигнало.

1 Коринфянэнгэ 14:8

Палдава́ адя́кэ-паць исын рогоса (трубаса); ко́ли ёй башавэла, со нико́н на ґалёла, тэды кон халадэндыр (рулдэндыр) явэ́ла тэ кэдэлпэ пэ марибэ́н?

Яви́р Зако́но 20:1

Ке́ли ту выджаса пэ марибэ́н проти тырэ́ вэргостэ (врогостэ) и ту явэ́са тэ дыкхэ́с грэн и марибны́тка вурдэна́ и манушэ́н буты́р сыр ту́тэ, тэды на дар лэ́ндыр, пал-дова́ со ту́са исын Рай Дэвэ́л, Дэвэ́л тыро́, Саво́ вылыджия́ тут Египто́скирэ пхувья́тыр.

Isúso 6:5

Ке́ли затрубинэла свэнкитко шынг (ро́го), ке́ли ушунэна зан рогоскири, тэды сарэ́ мануша́ мэк тэ задэн го́дла зоралэ́ заня́са; и ва́нта форо́скири роспэрэлапэ кэ пэ́скиро фунда́менто, и сарэ́ мануша́ явэ́на тэ джа́н дрэ фо́ро, и явэ́на тэ заджа́н сы́гэс кажно (сва́ко) пэ́скирэ рига́тыр.

Сэндарьенгири Лылвари́ 10:12

И Сидоняни, и Амаликитяни, и Моавитяни, и, ке́ли тумэ́ годлынэ кэ Мэ, ци на зракхцём Мэ тумэн лэ́нгирэ вастэ́ндыр?

Сэндарьенгири Лылвари́ 10:8

Ёнэ тасадэ и мэнчындлэ Израилёскирэ чхавэ́н долэ́ бэршэстыр дэшуохто (бидуе́нгиро биш) бэрш, сарэ́н Израилёскирэ чхавэ́н пир доя́ Иорданоскири риг пэ Амореенгири пхув, сави́ сыс дрэ Галаа́до.

Сэндарьенгири Лылвари́ 2:18

Ке́ли Рай Дэвэ́л дэ́лас лэ́нгэ сэндарьен, тэды Кокоро́ Рай Дэвэ́л сыс сэнда́ри и зракхця́ лэн лэ́нгирэ вэргэ́ндыр дрэ сарэ́ сэндарьенгирэ дывэса́: пал-дова́ со тангиндя лэн Рай Дэвэ́л, шуны лэ́нгирэ ґондя́ манушэ́ндыр, савэ́ лэн бидыкхнэ и тасадэ.

Сэндарьенгири Лылвари́ 3:27

Ке́ли ёв явдя́, то затрубиндя рогоса пэ Ефремо́скири бэ́рга, и згинэ лэ́са Израилёскирэ чхавэ́ бэрга́тыр, и ёв гия́ анги́л лэ́ндэ.

Сэндарьенгири Лылвари́ 6:34

И Ра́скирэ-Дэвлэ́скиро Ду́хо (Фа́но) облыя Гедеонос; ёв затрубиндя рогоса (трубаса), и кхардо сыс Авиезероскиро кхэри́тко ро́до (племё) тэ джал пал лэ́стэ.

Сэндарьенгири Лылвари́ 6:9

зракхцём тумэн Египтянэнгирэ вастэ́стыр и сарэнгирэ вастэ́ндыр, савэ́ притасавэнас тумэн, протрадыём лэн тумэ́ндыр, и дыём тумэ́нгэ лэ́нгири пхув,

1 Kralip 10:18

и пхэндя́ Израилёскирэ чхавэ́нгэ: “Адя́кэ ракирэ́ла Рай Дэвэ́л, Дэвэ́л Израилёскиро: ‘Мэ вылыджиём Израилё Египто́стыр, и зракхцём тумэн Египтянэнгирэ вастэ́стыр и сарэ́ кралипнаскирэ вастэ́стыр, савэ́ тэлякирдэ тумэн.