Čysly 1:3 - Библия - Пэ Балтитко Романи чиб (Романэс) 2019

³ Бишэ́ бэршэ́ндыр и пхурэды́р, сарэ́н, кон сыс дрэ зор дро Израилё ваш марибэ́н, пир лэ́нгирэ отря́ды пиригинэн лэн – ту и Ааро́но.

Biblija - Pe Baltitko Romani čib (Romanes) 2019

³ Bišé beršéndyr i phuredýr, sarén, kon sys dre zor dro Izrailjo vaš maribén, pir léngire otriády piriginen len – tu i Aaróno.

Čysly 1:3 Iomraidhean Croise

2 Kralip 24:9

И подыя Иоа́во кицыпэн (количэство) пэ папири манушытконэ́ пиричхиныбнаса крали́скэ; и выгия́, со Израильтянэ́н сыс охтошэла тысёнцы зоралэ́ муршэ́н, савэ́ сыс лачхэ́ кэ марибэ́н, а Юдэякирэн сыс панджшэла́ тысёнцы.

1 Паралипоменоно 5:18

Чхавэ́ндэ Рувимо́скирэ и Гадоскирэндэ и дро паш кхэри́тко ро́до Манасия́скиро сыс мануша́ марибны́тка, мурша́, савэ́ лыджа́нас шчы́то и курта́ла, савэ́ мардэ́ лукостыр и сыс сыклякирдэ́ кэ марибэ́н, лэн сыс штардэша́ штар тысёнцы эфташэла́ шовдэша́ манушэ́н, савэ́ выгинэ́ пэ марибэ́н.

2 Паралипоменоно 25:5

И скэдыя́ Ама́сия Юдэе́нгирэн, и чхудя́ лэн пир стрэ́чы (поколе́нии) тэл зор тысёнцэнгирэ-барыдырэнгири и шэлэнгирэ-барыдырэнгири, сарэ́н Юдэе́н и Вениаминянэн; и пиригиндя лэн бишэ́ бэршэ́ндыр и буты́р, и латхя́ (ластя) лэ́ндыр трин шэла́ тысёнцы манушэ́н фэдыршонэн, савэ́ псирдэ́ пэ марибэ́н, савэ́ рикирдэ чхурдыпнытко буст (коп΄ё) и шчы́то.

Vygiiben 12:17

Дыкхэ́н ракхунэс (ракхибнаса) пэ опресноки, пал-дова́ со дро дава́-паць дывэ́с Мэ вылыджиём тумарэ́ манушэ́н Египто́скирэ пхувья́тыр, и ракхэ́н дава́ дывэ́с дрэ сарэ́ тумарэ́ ро́ды, сыр упхэныбэ́н ве́чно.

Vygiiben 30:14

кажно, кон попэрэла дро пиригиныбэ́н бишэ́ бэршэ́ндыр и буты́р, трэй, соб (кай) ёв тэ дэл яныбэ́н Ра́скэ-Дэвлэ́скэ;

Vygiiben 38:26

Пир паш шэ́келё манушэ́стыр пир пхарипэ́н пир шэ́келё ваш свэ́нто штэ́то шовэ шэлэндыр тринэ́ тысёнцэндыр, панджэ́ шэлэндыр пандждэшэ манушэ́ндыр, кажнонэстыр, савэ́ загинэ́ дрэ гиныбэ́н, бишэ́ бэршэ́ндыр и буты́р.

Čysly 14:29

пэ дая́ чхучи́ пхув пэрэ́на тумарэ́ маса́, и сарэ́ тумэ́ сан пиригиндлэ, ци бут тумэн сыс, бишэ́ бэршэ́ндыр и пхурэды́р, савэ́ жалиндлэпэ холя́са пэ Ма́ндэ,

Čysly 26:2

“Пиригинэн саро́ Израилёскирэ-чхавэ́нгиро скэдыибэ́н бишэ́ бэршэ́ндыр и пхурэды́р, пир лэ́нгирэ чэ́карья (семействы), [дадэ́скири сэмэ́нца-ю.о.], сарэ́н, кон исын лахчо ваш марибэ́н дро Израилё.”

Čysly 3:15

“Пиригин Левиёскирэ чхавэ́н пир лэ́нгирэ чэ́карья (семействы), пир лэ́нгирэ ро́ды; гин сарэ́н муршэ́н екхэ чхонэстыр и пхурэды́р.”

Čysly 32:11

“Адалэ́ мануша́, савэ́ выгинэ́ Египто́стыр, бишэ́ бэршэ́ндыр и пхурэды́р, на явэ́на тэ дыкхэ́н пхув, пал сави́ Мэ дыём совла́х Авраамо́скэ, Исаако́скэ и Яково́скэ, пал-дова́ со ёнэ на кандынэ́ Ман,

Čysly 33:1

Ѓа́да, исын Израилёскирэ-чхавэ́нгирэ дрома́ [станы-р.с.], савэ́нца гинэ́ ёнэ Египто́скирэ пхувья́тыр пир пэ́скирэ отря́ды, тэл барыдырэндэ Мойзастэ и Аароностэ.

Čysly 4:3

трия́нда бэршэ́ндыр и пхурэды́р кэ пандждэша́ бэрш, сарэ́н, кон сыс дрэ зор тэ кэрэ́л буты́, соб (кай) тэ бичхавэс тэ кэрэ́н буты́ дрэ скэдыибна́скири ша́тра.

Яви́р Зако́но 24:5

Ко́ли вари-кон лыя́ ромня́ наґара, тэды ёв мэк тэ на джал пэ марибэ́н, и нисаво́ бангипэн нашты́ тэ чхувэ́н пэ лэ́стэ; мэк ёв тэ ячэ́лпэ во́льно дро кхэр пэ́скиро екх бэрш и тэ радынэ́лпэ пэ́скирэ ромня́са, савья́ лыя́.

Яви́р Зако́но 3:18

И дыём мэ тумэ́нгэ дро дова́ часо упхэныбэ́н, ракири́: “Рай Дэвэ́л, Дэвэ́л тумаро́, дыя́ тумэ́нгэ дая́ пхув; сарэ́, кон могинэ́ла тэ джал пэ марибэ́н, лэн марибны́тко (оружыё), джа́н анги́л тумарэ́ пшалэ́ндэ, Израилёскирэ чхавэ́ндэ;