Lukas 9:26 - Nuevo Testamento Romané 2007

²⁶ Vareko te avel leke lallao mandar ta katar me alava, i o Chavo e manuseko ka avel leke lallao letar kana ka avel ande po blagosipe ta ando blagosipe leke Dadeko ta e santone suechonengo.

Lukas 9:26 Iomraidhean Croise

Mateo 16:27

Soke o Chavo e manuseko ka avel ande pe Dadeko baripe ta pe suechonenchar; ondaka ka pochinel suakone lleneke prema so cherda pe gaia ppuv.

Mateo 25:31

“Kana o Chavo e manuseko ka avel maskaral katar o villelo ta sa leke suechura, ka besel pe po trono barimako.

Mateo 26:64

O Jesus ppenda leke: —Tu ppendanle. Ta me ppenau tumenge kai tumen ka dikken e manuseke Chave besindo pe Devleki rig e chachi, ta sar ka avel pe oblakura e milosoke.

Marko 8:38

Vareko te avel leke lallao mandar ta katar me alava angla gala llene kai inai chache ta si bilache, i o Chavo e manuseko ka avel leke lallao lendar kana ka avel ando blagosipe leke Dadeko ta e santone suechonenchar.

Juan 12:43

Soke mai but volina e murusengi dragostia neko e Devleki dragostia.

Juan 5:44

¿A sar ka pachan kana tumenge si drago e llene te den orbe lache tumendar, a na o Del o edino?

Apostole 10:22

Von ppende: —Bichalda amen o Kornelio kai si gazda e boñikonengo, iek lleno chacho kai blagosil e Devle ta sa e judiura volin le. Iek suecho e Devleko ppenda leke te ikkarel tut, te lla kai leko cher ta te asunel so ka ppene leke.

Romanos 1:16

Ni lallau katar e lachi viasta, soke si zor e Devleki te braduil sa golen kai pachan, mai anglal e judionen, ta i golen kai inai judiura.

2 Korintios 12:10

Goleke veseliu man kai sem kovlo, kai kusen man, kai inai man so trubul man, kai mangen te maren man, ta i katar e bari patnia kai nakkau pala o Kristo, soke kana mai kovlo sem, ondaka si kana mai zuralo sem.

Galatas 6:14

A me ni kamam te faliu man katar niso samo katar o krusto e Gazdako o Jesukristo, soke cheres o krusto e Kristoko, o sueto mulo mange ta me mulem e suetoke.

1 Timoteo 5:21

Mangau tutar angla o Del, ta angla o Jesukristo, ta angla e suechura kai si esvirime, te kande gala alava ta te ave chacho saurrenchar, na samo e llenenchar kai si chuke drago.

2 Timoteo 1:12

Goleke nakkau gala ezgode. A inai mange lallao katar so nakkau, soke me llanau ande ka pachaiem; ta llanau kai si le e zor te inllarel gaia lachi viasta kai dia mande lligo ni ka avel gua llive.

2 Timoteo 2:12

Ta avilam tromane ande patnia, ka ava ande leki charoina; te ppendam kai ni pinllara le, i vou ka ppenel kai ni pinllarel amen;

Ebreos 11:26

Leke mola mai but te nakkel e patnia kai saia te nakkel o Mesias neko o barvalipe katar o Ejipto.

Ebreos 13:13

Goleke morabi te lla e Jesusea avri katar o pero, ta te nakka isto gua lallao kai vou nakkla kana kafrosarde le po krusto.

Judas 1:14

O Enok, kai saia o eftato katar e vicha e Adaneki, dia orba katar gala llene, ta ppenda gia: “Dikklem e Gazda kai avela bute milie suechonenchar

Apokalipsis 1:7

¡O Kristo avel maskar oblakura! Suako iak ka dikkel le ta i gola kai mundarde le; ta sa e ppuvia e suetoke ka roven pala le. Ea, gia te avelpe.

Apokalipsis 20:11

Ta dikklem iek baro trono parno ta gole kai besela pe lete. Ta angla lete sumbisaile e ppuv ta o miloso ta niko ni dikkla len ios.

Apokalipsis 21:8

A e darane, ta e llene kai ni pachan, ta e bilache, ta gola kai mundaren, gola kai cheren o kurvaluko, ta gola kai cheren e chirimate, gola kai blagosin avere delen ta sa e kojamne, ka aven kote kai ppabol e iag ta o asufre, kai gua si o duito meripe.

Apokalipsis 3:5

O lleno kai ka dobil ka furiavau le parne patavenchar, ta ni ka ikanau leko anau kai si pisime ando lil e zivotoko, ta ka ppenau angla mo Dad ta angla leke suechura kai me pinllarau gole llenen.