Lukas 6:26 - Nuevo Testamento Romané 2007

²⁶ “¡Tesko tumenge kana sa e llene ka blagosin tumen, soke isto gia cherena tumare purane e llenenchar kai sea poraukura kojamne!

Lukas 6:26 Iomraidhean Croise

Mateo 7:15

“Arakken tumen katar e poraukura kai inai chache kai aven tumende bakrane patavenchar, a andral von si ruva chorane.

Lukas 6:25

“¡Tesko tumenge kai akana sen chalie, soke ka avel tumenge bok! “¡Tesko tumenge kai akana asan, soke ka roven zalbatar!

Juan 15:19

Te avilena e suetoke, o sueto volisardaia tumen sar volil so si leko. A me esvirisardem tumen katar o sueto, goleke o sueto murzil pe tumende, soke ni sen e suetoke.

Juan 7:7

O sueto nasti murzil pe tumende; a pe mande murzil, soke me sikavau bristomaia kai von cheren o bilachipe.

Romanos 16:18

soke gola llene ni radin e Jesukristoke amaro Gazda, von roden te chaliaven von pe, ta gugle alavenchar kojaven e lie e manusenge, kai si proste.

Santiago 4:4

Tumen cheren o kurvaluko. ¿Ni llanen tumen kai kana sen amal e suetoia ondaka sen dusmanura e Devleke? Vareko te mangel te avel amal e suetoia, cherdol dusmano e Devleko.