Lukas 4:41 - Nuevo Testamento Romané 2007

⁴¹ Katar but nasuale likiste duura bilache, kai urkina ta ppenena: —¡Tu san o Chavo e Devleko! A o Jesus dia pe duura bilache ta ni mukela len te ppenen niso, soke llanena kai vou saia o Kristo.

Lukas 4:41 Iomraidhean Croise

Mateo 26:63

A o Jesus ni ppenda niso. Ondaka o mai baro popo ppenda leke: —Ando anau katar o Del o llundo ppenau chuke te ppene o chachipe. Ppen amenge: San tu o Mesias, o Chavo e Devleko.

Mateo 4:3

Ondaka o llavolo avilo pasa le, ta ppenda leke: —Te san chachimaia o Chavo e Devleko, ppen gale barrenge te cherdon marrno.

Mateo 8:16

Kana peli e riat inllarde lete bute llenen kai sea llavoluria ande lende, ta samo e alavea tradia avri e llavolonen ta sastarda sa e nasualen.

Mateo 8:29

Ta urkina ta ppenena: —¡So si chuke amenchar, Jesus Chavo e Devleko! ¿Avilan kate te pati amen mai oma katar amaro vreme?

Mateo 8:4

Ondaka o Jesus ppenda leke: —Na ppen nikake so avilape tuia, lla ta sikado e popoke, ta de kurbano pala cho sastipe sar ppenda o Moises te cheren, te sai dikken e popura kai sastilan.

Marko 1:25

A o Jesus silnosailo pe lete ta ppenda leke: —¡Ppande cho mui ta like letar!

Marko 1:32

Kana peli e riat ande sa e nasualen kai o Jesus, ta i golen kai sea ande lende llavolura,

Marko 1:34

Ta sastarda bute llenen kai sea nasuale katar but muke, ta ikanda but llavolura e llenendar; ta ni mukla len te den orba soke e duura pinllarena le.

Marko 3:11

Kana dikkena le e duura bilache, dena changa angla le ta urkina ta ppenena: —¡Tu san o Chavo e Devleko!

Lukas 4:39

O Jesus bangilo late ta ppenda nasualimake te llaltar, ta o nasualipe liape latar. Isto kote voi ustili ta ttoda te radil leke.

Juan 20:31

A gala avava pisisaile te pachan tumen kai o Jesus si o Mesias, e Devleko Chavo, ta te pachana te avel tumen zivoto ostade ande leko anau.

Santiago 2:19

Tu pacha kai o Del si iek, sukar chere; i e llavolura pachan, ta izdran daratar.