Lukas 3:11 - Nuevo Testamento Romané 2007

¹¹ O Juan ppenda leke: —Gole kai si le dui gada, si te del gole kai inai le ni iek; ta gole kai si le jape, morabi te del gole kai inai le.

Lukas 3:11 Iomraidhean Croise

Mateo 25:40

O charo ka ppenen lenge: ‘Chachimaia ppenau tumenge kai sogo cherden pala iek katar me pplal ka si mai prosto, isto mange cherden le.’

Lukas 11:41

Den tumari esmola katar so si tumen andral, ta gia ka achel sa chisto.

Lukas 18:22

Kana o asunda goia orba o Jesus ppenda leke: —Iek ezgoda trubul tut te chere: bichin sa so si tut ta dele e chorrenge. Gia ka avel tut barvalipe ando miloso. Ondaka aide ta lla pala ma.

Lukas 19:8

Ondaka o Sakeo ustilo ta ppenda e Gazdake: —Gazda, ka dau e chorren dopas katar sa so si man; ta te chordem vareka, ka iriu leke star droma mai but.

Juan 13:29

Soke o Judas inllarela e love, nesave mislina kai o Jesus ppendaia leke te chinel fiso kai trubula len e Paskuake, o te del vareso e chorren.

Apostole 10:2

O Kornelio ta leki familia pachana ando Del. Ta dela but love te pomozil e judionen ta molilape but e Devleke.

Apostole 10:31

Ta ppenda mange: ‘Kornelio, o Del asunda cho molipe ta diape golli kai pomozisardan e llenen kai si chorre.

Apostole 10:4

O Kornelio dikkla po suecho, ta daraia puchla le: “¿So mange, Gazda?” O suecho ppenda leke: “O Del llanel kai moli tut ta llanel so chere pala e llene kai si chorre.

Efesios 4:28

Gua kai vazdela te na vazdel ios ta te ttovelpe te radil ta te cherel iek lacho rado pe vastenchar, te sai avel le vareso te del e llenen kai trubul len.

1 Timoteo 6:17

Ppen e barvalenge katar gava sueto, te na aven barikane, ta te na ttoven pi vera ande po barvalipe soke o barvalipe sai jasardol. Mai sukar si te ttoven pi vera ando Del soke vou del amen but katar suako ezgoda lachi amenge.

1 Timoteo 6:18

Ppen lenge te cheren o lachipe, te aven barvale ande lache ezgode kai cheren ta te fulaven averenchar so si len.

Ebreos 6:10

Soke o Del si chacho ta ni ka bristarel so tumen cherden, ta o volipe kai sikaden leke kana pomozisarden e llenen katar o foro santo, ta sar llik akana tumen cherenle.

Santiago 1:27

O pachape chachuno angla o Del o Dad si gava: te pomozi e minonen kai anai len ni dad ni dei; te pomozin e ppivlien kana nakken nuzde, ta te arakkenpe katar o bilachipe kai si ando sueto.

Santiago 2:14

Pplalalen, ¿So dobil o lleno kai ppenel kai si le pachape ta ni cherel e Devleki buchi? ¿So mislin tumen; gua lleno ka braduilpe samo pala o pachape?

1 Juan 3:17

Soke fiko te avel barvalo ta dikkel kai leko pplal si chorro ta ni pomozil le, ¿sar ka avel ande le o volipe e Devleko?

1 Juan 4:20

Suako lleno kai ppenel: “Me voliu e Devle” ta murzil pe po pplal, vou si kojamno. Soke te na volila pe pplale kai dikkel le, sar ka volil e Devle kai nasti dikkel le.