Lukas 14:32 - Nuevo Testamento Romané 2007

³² A te nasti marelpe lenchar, kana o gua charo ka avel dur, ka bichalel llenen te ppenen leke kai ni kamel te marelpe.

Lukas 14:32 Iomraidhean Croise

Mateo 5:25

Lachar tut oma che dusmanoa llik kai si tut vreme, soke sai avelpe kai cho dusmano sai inllarel tut kai o krisari, soke te na cherea gia, o krisari sai del tut kai e boñikura ta sai ttoven tut ande rubie.

Mateo 5:42

A vareko te mangela tutar vareso, de le; a vareko te mangela tutar unllile, na ppen leke iok.

Lukas 12:58

Te ttovela tut vareko ande kris, ta lla lea kote kai chinen e krisa, cher te lachardo lea mai anglal te ave kote soke si tut vreme, te na inllarel tut angla o krisari. Soke te na cherdan gia, o krisari ka ttovel tut ande sudonenge va, ta e sudura ka ttoven tut ande rubie.

Lukas 14:31

O varesavo charo te si te llal te marelpe avere charoia, ¿ni ka besel mai anglal te dikkel dal leke des milie boñikura sai ka marenpe ogolenchar kai si bis milie boñikura?

Lukas 14:33

Goleke, vareko tumendar te na mukela sa so si le, nasti avel mo disipulo.

Lukas 19:14

A e llene katar leki ppuv murzina pe lete, ta bichalde pala le nesave llenen te ppenen: ‘Ni kamam gava lleno te avel amaro charo.’

Apostole 12:20

O Erodes jolailoa e llenenchar kai zivina ando Tiro ta ando Sidon, a von diepe orba maskar pete te llan lete. Cherde te peren drago e Blastoke, iek baro sudo e charoko o Erodes, ta mangle letar te del orba pala lende te na avel joli maskar lende, soke o Tiro ta o Sidon lena sa so trubul len katar e ppuv e charoki.