Lukas 11:41 - Nuevo Testamento Romané 2007

⁴¹ Den tumari esmola katar so si tumen andral, ta gia ka achel sa chisto.

Lukas 11:41 Iomraidhean Croise

Mateo 26:11

Soke e chorre ka aven suako llive tumenchar, a me ni ka avau suako llive tumenchar.

Mateo 5:42

A vareko te mangela tutar vareso, de le; a vareko te mangela tutar unllile, na ppen leke iok.

Marko 7:19

soke ni del ando lio, del ando lli, ta mapalal likel katar e esnaga? Gale orbaia o Jesus mangla te ppenel kai sa o jape si chisto.

Lukas 12:33

Bichinen so si tumen, ta den golen kai trubul len. Cheren tumenge anbave kai ni ka pparradon ta barvalipe ando miloso kote kai inai o son, kai o chorano nasti del andre ta kai ni e papuruge nasti zatril.

Lukas 16:9

“Ppenau tumenge te dobin amalen e kojamne barvalimaia kai si ande gava sueto, ta gia kana o barvalipe kojamno ni ka avel ios, ka avel tumen ko te lel tumen ande chera kai si ando miloso.

Lukas 18:22

Kana o asunda goia orba o Jesus ppenda leke: —Iek ezgoda trubul tut te chere: bichin sa so si tut ta dele e chorrenge. Gia ka avel tut barvalipe ando miloso. Ondaka aide ta lla pala ma.

Lukas 19:8

Ondaka o Sakeo ustilo ta ppenda e Gazdake: —Gazda, ka dau e chorren dopas katar sa so si man; ta te chordem vareka, ka iriu leke star droma mai but.

Apostole 10:15

O avazi pale asundilo, ta ppenda: “So o Del chistosarda, na ppen tu kai si melalo.”

Apostole 11:29

Ondaka ande Antiokia e llene kai pachana ando Jesus mangle te pomozin e pplalen kai zivina ande Judea, ta bichalde lenge prema so sai dela suako lleno,

Apostole 24:17

“Ta but burs ppirdem ande aver ppuvia ta avilem ando Jerusalem te dau esmola ta te dau so si dino e Devleke.

2 Korintios 8:12

Soke te si vareko kai chachimaia mangel te pomozil, o Del lel letar so vou dia soke dia prema so si le. Soke o Del ni mangel so e manuse inai.

Efesios 4:28

Gua kai vazdela te na vazdel ios ta te ttovelpe te radil ta te cherel iek lacho rado pe vastenchar, te sai avel le vareso te del e llenen kai trubul len.

Tito 1:15

E llene kai si chache sa e ezgode si lenge chache; a e llene kai inai chache ta ni pachan, niso inai lenge chacho, soke lengi golli ta lenge mislura si melale.

Ebreos 13:16

Na bristaren tumen te cheren o lachipe ta te pomozin averen soke gala si e kurbanura kai si drago e Devleke.

Ebreos 6:10

Soke o Del si chacho ta ni ka bristarel so tumen cherden, ta o volipe kai sikaden leke kana pomozisarden e llenen katar o foro santo, ta sar llik akana tumen cherenle.

Santiago 1:27

O pachape chachuno angla o Del o Dad si gava: te pomozi e minonen kai anai len ni dad ni dei; te pomozin e ppivlien kana nakken nuzde, ta te arakkenpe katar o bilachipe kai si ando sueto.