Lukas 1:32 - Nuevo Testamento Romané 2007

³² Vou ka avel but pinllardo, ka ikkaren le chavo katar o Del e milosoko ta o Del o Gazda, ka cherel le charo, sargo e Davide kai saia katar leki vicha,

Lukas 1:32 Iomraidhean Croise

Mateo 1:1

Gava si o lil katar e vicha e Jesukristoki, vou saia katar e vicha e Davideki ta i e Abraameki.

Mateo 12:42

I e charoina katar o Sur ka ustel ando llive e krisako gale vichaia ta ka dosarel la soke voi avili katar o goia rig e ppuviaki te sai asunel o bizaipe katar o Salomon, a so si kate si mai baro neko o Salomon.

Mateo 28:18

O Jesus avilo mai pase ta dia lenchar orba ta ppenda lenge: Sa e zor si dini mange ando miloso ta i pe ppuv.

Mateo 3:11

Me, chachimaia kristiu tumen e paiea te sai irin tumen katar tumare bilache droma. A gua kai avel mapalal mandar, vou si mai zuralo neko me, kai ni sem lacho ni te inllarau leke sinele. Vou ka kristil tumen e Santone Duoia ta e iagaia.

Marko 14:61

A o Jesus ni ppenda niso. O mai baro popo puchla le pale ta ppenda: —¿San tu o Mesias, o Chavo katar o Del o blagosime?

Marko 5:7

ta urkisarda zurale: —¡Na amisao manchar, Jesus, Chavo katar o Del e milosoko! ¡Mangau tutar ando anau e Devleko te na patisare man!

Lukas 1:15

soke cho chaurro ka avel baro angla o Gazda. Ni ka piel mol ni rachia, ta mai anglal te biandol ia ka avel pperdo katar o Santo Duo.

Lukas 1:35

O suecho ppenda leke: —O Santo Duo ka avel upral pe tute ta e zor katar o Del e milosoko ka ucharel tut sargo iek oblako. Goleke o minono kai ka biandol ka avel Santo Chavo e Devleko.

Lukas 1:76

A tu, chaurrea, ka ikkaren tut porauko katar o Del e milosoko, soke ka lla angla o Gazda ta ka lachare leke droma,

Lukas 3:16

a o Juan ppenda saurrenge: —“Me, chachimaia kristiu tumen e paiea; a avel pala ma iek kai ka kristil tumen e Duoia ta e iagaia. Le si mai but zor neko man, a me ni sem lacho ni te putarau o kavisi katar leke sinele.

Lukas 6:35

Tumen morabi te volisaren tumare dusmanonen, ta te cheren o lachipe, ta te na mangen chari kana den unllile, ta gia ka avel baro tumaro chari, ta tumen ka aven chave katar o Del e milosoko, kai si lacho i e llenenchar kai ni den fala ta e bilachenchar.

Juan 12:34

E llene ppende leke: —Amen asundam e zakonotar kai o Mesias zivil ostade. ¿Sar ppene tu kai o Chavo e manuseko si te vazdinaol? ¿Ko si gava o Chavo e manuseko?

Juan 6:69

Amen pachaiam ta llana kai tu san o Santo e Devleko.

Apostole 16:17

Gaia chei lleli pala o Pablo ta pala amende, ta urkila: —¡Gala llene radin e Devleke katar o miloso, ta ppenen tumenge o drom e braduimako!

Apostole 2:30

A o David saia porauko, ta llanela kai o Del dia le po alau sovlienchar kai ka cherel te avel charo iekke llene katar leko porodo.

Apostole 2:36

“Te llanel sa o foro katar o Israel kai chachimaia isto gava Jesus kai tumen krustosarden, o Del cherda le Gazda ta Mesias.”

Apostole 7:48

A o Del ni zivil ande chera kai cherde e manusa pe vastenchar. Sar ppenda o porauko:

Romanos 1:4

kai ppende kai vou si o chavo e Devleko bare zoriaia, soke vou ustilo katar o meripe pala o Santo Duo.

Apokalipsis 3:7

“Pisisar i e suechoke katar e kkanlliri kai si ande Filadelfia: ‘Gia ppenel o Santo, o chachuno, gua kai si lete o klucho katar o David, gua kai kana putarel niko nasti ppandel, ta kana ppandel niko nasti putarel: