Juan 7:14 - Nuevo Testamento Romané 2007

¹⁴ Kana nakklia dopas katar e eslava, o Jesus dia ando cher e Devleko ta sikavela.

Juan 7:14 Iomraidhean Croise

Mateo 21:12

O Jesus dia andre ando cher e Devleko ta tradia avri sa golen kai chinena ta bichinena ta dia tele moia e stalia golenge kai pparruvena e love e suetoke, ta i e estoliche golenge kai bichinena e gulubura,

Mateo 26:55

Ondaka o Jesus ppenda e llenenge: —¿Soke tumen avilen jarnienchar ta kastenchar te ppanden man sargo kana me sem iek chor? Suako llive sikavava ando cher e Devleko ta nikada ni ppanglen man.

Lukas 19:47

Suako llive o Jesus sikavela ando cher e Devleko, a e gazda e poponenge, e kovacha e zakonoke ta i e gazda e foroke rodena sar ka mundaren le.

Juan 18:20

O Jesus ppenda leke: —Me diem orba e suetoke angla sa; suako llive sikadem ande kkanllira e judionenge ta i ando cher e Devleko kote kai chidiniaon sogo si e judiura; niso ni ppendem po chorial.

Juan 5:14

Mapalal o Jesus malada le ando cher e Devleko, ta ppenda leke: —Dik, sastilan, na cher ios bilache ezgode, te na avel pe tute aver ezgoda ios mai bilachi.

Juan 7:2

Ta saia pase e eslava katar e cherorra kai cherdon katar e patra, iek eslava e judionengi,

Juan 7:28

O Jesus saia ando cher e Devleko kana asunda gala orbe ta ando baro avazi ppenda: —¡Tumen mislin kai pinllaren man ta mislin kai llanen katar avau! Me ni avilem me mandar, a gua kai bichalda man si chachuno, ta gale tumen ni pinllaren.

Juan 7:37

Ando mai baro llive e eslavako, o Jesus ustilo ta ando baro avazi ppenda: Kogo si trusalo te avel mande.

Juan 8:2

ta ttiarinako rano pale irisailo kai o cher e Devleko. E llene avile lete; ta vou besindo sikavela len.

Juan 8:20

O Jesus ppenda gala alava kana sikavela ando cher e Devleko kote kai guruvena e love kai dena e Devleke. Ta niko ni ppangla le soke ni ios ni aviloa leko llive.