Juan 5:42 - Nuevo Testamento Romané 2007

⁴² Soke me pinllarau tumen kai ni volin e Devle.

Juan 5:42 Iomraidhean Croise

Lukas 16:15

A o Jesus ppenda lenge: “Tumen cheren tumen chache angla e llene, a o Del pinllarel tumare lie; soke so e manusenge si kuch, e Devleke ni mol le niso.

Juan 2:25

ta ni trubulale te ppenel leke niko cheres nika, soke vou llanela so mislinape e manusa.

Juan 21:17

E trito drom pale puchla le: —Simon chavo e Jonaseko, ¿tu voli man? O Pedro tristosailo soke puchla le trin droma dal volisarel le ta ppenda leke: —Gazda, tu llane sa; tu llane kai voliu tut. O Jesus ppenda leke: —Arak me bakren.

Juan 5:41

“Man ni trubul niko te del orba lachi mandar.

Juan 5:43

Me avilem ando anau me Dadeko, ta ni pachan man; te aviloa aver isto ando piro anau, gale pachaiena.

Juan 5:44

¿A sar ka pachan kana tumenge si drago e llene te den orbe lache tumendar, a na o Del o edino?

Juan 8:42

O Jesus ppenda lenge: —Te aviloa tumaro dad o Del, tumen volisardena man, soke me avilem e Devletar. Ni avilem me mandar, o Del bichalda man.

Juan 8:47

Ko si e Devleko, asunel e Devleke alava; goleke tumen ni kamen te asunen len, soke ni sen e Devleke.

Juan 8:55

A tumen ni pinllaren le. Me pinllarau le; a te ppenava kai ni pinllarau le, avilema kojamno sargo tumen. A me pinllarau le ta kandau leko alau.

Romanos 8:7

Gola kai nasti achaven po bilachipe von samo mislinpe te cheren bilachipe. Von si dusmanura e Devleke, soke ni kamen ta i nasti kanden o zakono e Devleko.

1 Juan 2:15

Na volisaren e sueto ta niso so si ande le. Vareko te volil e sueto, e Devleko volipe inai ande lete.

1 Juan 3:17

Soke fiko te avel barvalo ta dikkel kai leko pplal si chorro ta ni pomozil le, ¿sar ka avel ande le o volipe e Devleko?

1 Juan 4:20

Suako lleno kai ppenel: “Me voliu e Devle” ta murzil pe po pplal, vou si kojamno. Soke te na volila pe pplale kai dikkel le, sar ka volil e Devle kai nasti dikkel le.

Apokalipsis 2:23

Ta lake chaurren ka raniu len merimaia, ta gia sa e kkanlliria ka llanen kai me sem gua kai pinllarel o mislo ta o lio, ta ka dau suakone llene prema so cherda.